Leven Gugu 20:24 - Madak

²⁴ Ketla nia a lok do lorooro rak i lok ngan ta do lavanga gamasa mun tia; nia a vara mun i do ana lox axap lavatpas tarak la ana lox axap lugugu at Leeme Silok ne Iesu ga raba ia min; mo lugugu ri tong asu Lagale Lavavang mumu letaba nabalamu at ne Moroa.

Leven Gugu 20:24 ပူးပေါင်းရင်းမြစ်များ

Lagale Lavavang At Ne Iesu Karisito Luk Ga Malagan i 16:28

kusu neni nabat pas la na vaase aronga bok lavalimo luvutnetak la di noxot pas bok ti na lemenemen songsongot.’

Lagale Lavavang At Ne Iesu Karisito Jon Ga Malagan I 15:27

La nemi bok, miba paase asuusu minia, mila nemi migara nemen eburu vam minia; ga ru ka i at laaleng nenia aga ru ka lugugu rak.

Lagale Lavavang At Ne Iesu Karisito Jon Ga Malagan I 17:4

Nia agara lox asilok pam laasen taram nade xopok at lavatbung menemen keretna, agara lox epovo vam lugugu uga raba ia min.

Leven Gugu 1:17

Judas neni mo lara atnedik ga gugu eburu minedik.”

Leven Gugu 11:23

Ni ga rupot la ni ga ven i do ne Moroa ga lox aumsu mo limixin mi letaba nabalamu ren. Ni ga lok momo la ga vaase lolos tinedi axap kusu dina tu lolos mi lunuunu la luruturun atnedi saparap Leeme Silok mi lodoxoma atdi axap.

Leven Gugu 13:25

La ga auret do ne Jon na lox axap mo lugugu ren, la ni ga lok ti limixin keretna, ‘Nemi mi doma i do nia nege? Nia xopmen mo laradi mi nemen tangais i. Ketla neni mo naba vot melemu rak, i silok aleng la axo epovo xusu ana soxomus asu luvanga vatpas at luxangkedek teren.’

Leven Gugu 14:3

Pol mi ne Banabas duga nemen go at lentaba leven gaaling. Du goxo marat la duga paase lolos atla Leeme Silok ga lok tooro levelinga atdu mumu letaba nabalamu mila ni ga lok lempanga sangsangu at levengkikngen du.

Leven Gugu 15:7

Melemu at laxampapaase solo atdi ga xap, Pita ga xatu kaxat upana la ga lok, “Luvutnetak, mikleklen i do gano migomgo Moroa ga soxolik ka ia xantubu atnimi xusu ana tong asu Lagale Lavavang tinedi limixin kopmen di me Judaia kusu dina ronga i la dina nuunu ren.

Leven Gugu 18:5

At lara laaleng ne Sailas mi ne Timoti duga rupot boro Masadonia, la melemu ne Pol ga raba levenaleng axap teren ti vavang mi Lagale Lavavang la ga tong i ri limixin me Judaia do ne Iesu, neni Lanarong.

Leven Gugu 20:21

Ti leme Judaia la limixin kopmen di me Judaia bok aga vaase lolos tinedi do dina leeng basinge laxakapmek atnedi, la dina vot parap ne Moroa, la dina nuunu at Leeme Silok ne Iesu.

Leven Gugu 20:23

Nia akleklen i do at laramenemen axap Loroonan Kaala ik lok tia dola limixin diba lok li ia at loogu xokoxo la aba xip laxanmumuat aleng.

Leven Gugu 20:32

La ana nia a lok li nimi maxopok at loklok tatao at ne Moroa la levelinga mumu letaba nabalamu ren ba lok tooro nimi. Neni xa i epovo ri lox alolos lunuunu atnimi la na raba nemi mi lapnovos no ni i gagas li i ri limixin teren.

Leven Gugu 21:13

Ketla ni ga lok, “Lai nom nemi mik lox i, ming teng keretnom la mirak lox abulu lorooro rak? Nia a gagas pam kusu dinaba xoxo ia. La nia a gagas bok kusu ri met mo go Jerusalem kusu ri xip aurut laasen at Leeme Silok ne Iesu.”

Leven Gugu 22:21

Moroa ga lok tia, ‘Una vas kaxat basinge na lemenemen; nia aba riki u uto vaxalom tinedi limixin kopmen di me Judaia.”

Leven Gugu 9:15

Leeme Silok ga lok tin, “Una vot pasa i, mila nia ara soxolik ka vam i xusu ni na mumu asu ia, la ni naba lox axasep laasen tarak tinedi limixin kopmen di me Judaia la ti lavaorong silok la ti limixin me Israel.

Lovoang At Ne Pol Ti Limixin Nunu to Rom 11:6

Losoksoxolik teren i tu at letaba nabalamu ren, la kopmen do at levempanga nedi diga lox i. Do losoksoxolik at ne Moroa gita ru at levempanga luvuttadi dik lox i, giba lok ngan do letaba nabalamu ren, kopmen tugugu ren.

Lovoang At Ne Pol Ti Limixin Nunu to Rom 4:4

Laradi do i gugu, ik lok kaka luunun, luunun teren kopmen na lok ngan laramtaba, ketla ik mokso do neni na lok ka i.

1 Korin 15:58

Kuren la luvutnetak mi luvurinuk orong, mina tu lolos at levelinga at ne Moroa la nemen tara ta sar asoogong ka nimi basinge luruturun teren. Minak lox angtang amisik at leven gugu atnimi ri Leeme Silok, atla mikleklen i do leven gugu atnimi ri Leeme Silok, ni noxo lok ngan lavanga gamasa.

2 Korin 12:10

Ti lox aru ne Karisito, a lok momo aleng ti lomolo rak, la levempapaase vupu la levenmumuat la levesongsongot la levenmumuat i lolos aleng, mila do nia a molo, aba suma xaka lololos silok.

2 Korin 4:1

Keneng at lebelemumu at ne Moroa, neni ga raba nama mi na lugugu, kuren la nema ma noxo lox abulubun bok ba.

2 Korin 4:12

Kuren la levesongsongot i auret kusu na sev amet nama mumu Lagale Lavavang, ketla nemi min tuuna xaka lorooro avolo.

2 Korin 5:8

Nedik di abelemes la ta vavara aleng i do ata on basinge na lorooro at na labantuxu la atana lok ka lorooro avolo ro at lemenemen aulis atdik eburu mi Leeme Silok.

2 Korin 7:4

Lunuunu rak i rem saga atnimi, a ruuna lusumsuma momo i umsu aleng mumu nimi. Kuren la a umsu mi lolos la keneng at na laxanmumuat a lok momo aleng.

Galesia 1:1

Nenia ne Pol, la nenia laradi ga lok ka lorotoro ngan laradi vavang la mo lorotoro goxo ravasu at taradi gamasa, ketla ga ravasu boro at ne Iesu Karisito eburu mi ne Moroa, ne Temen, no ga lox aroo amlong i at lanmet.

Epesas 1:6

Kuren la nedik axap ata emi asu mi ne Moroa ri letaba nabalamu ren i nunuan aleng, la ni ga raba gamasa dik min, maxeneng at lugugu at ne Nitna, mo ne Moroa i balamu i.

Epesas 3:13

Kuren la nia a sing nimi do mina lolos la nemen mita subu kot kantubu at lunuunu atnimi mumu levesongsongot nia ap kiv i. Na levesongsongot ga vot mila agak lok tooro nimi, ketla mina lok momo mun maxeneng teren.

Pilipai 2:17

Ketla i lox avukat mun do dina sev amer ia, kusu labantuxu rak naba lok ngan laplavang atnimi saparap ne Moroa la na laramtaba naba lox asuusu lunuunu atnimi; mo do kuren a lok momo eburu minimi.

Pilipai 2:30

mila neni ga raba lorooro ren la ma lixilik gita met mumu lugugu at ne Karisito, kusu ri lok tooro ia mi mo lugugu nemi xa xopmen mi goxo epovo na lox i.

Kolosi 1:24

La na nga nia a lok momo mumu levesongsongot tarak nia ap kiv i ti lok tooro nimi; la kerepmo a lox epovo levesongsongot no ne Moroa ga lok katling i ria kusu na lok tooro limixin at lotu min, mo i lok ngan labantuxu at ne Karisito.

1 Tesalonia 2:2

Miklen i do maga vavang avot to Pilipai la limixin mego diga lox asongot nama, la diga paase sese kapmek tinama. Melemu magat pas uto at lemenemen atnimi dom Tesalonia, la buaang atnedi diga xopara nama; ketla ne Moroa ga lok kepe lanmarat basinge nama; la maga tong asu Lagale Lavavang tinimi.

1 Tesalonia 3:3

mila nemi mip kip levesongsongot la ma xopara i do tara atnimi na subu at lunuunu ren. Miklen i do ne Moroa ga soxolik ka nedik, kusu atap kip levesongsongot.

2 Timoti 1:12

Ni lavasuun teren la nia arap kip levesongsongot; ketla nia move a tu lolos mila nia a nuunu at ne Iesu Karisito; la akleklen tinotno i do neni i epovo na lok tatao ia la na lok tatao bok mo lugugu ne Moroa ga raba ia min, se ap mo laaleng neni nabamlong teren.

2 Timoti 3:11

Nenu ukleklen i do limixin diga lox asongor ia mumu lunuunu rak, la agap kip levesongsongot kerepmo ro Antiok, Aikoniam, la to bok Listra. Mo levesongsongot ga lolos aleng, ketla nia aga tu lolos, la Leeme Silok ga lox aroo ia basinge di ap mo levenmenemen.

2 Timoti 4:17

Ketla Leeme Silok ga nemen eburu minia la ni ga lox alolos ia, kusu nia aga epovo xusu ana tong asu Lagale Lavavang tinedi limixin kopmen di me Judaia la diga ronga i. La Leeme Silok ga lox aroo ia basinge lanmet.

Taitas 1:3

La neni ga malagan katling na levenaleng kusu neni na lox asuvos na levelinga mumu lorooro avolo ri limixin; la neni ga soxolik ka ia xusu nenia ana tong asu nom levelinga ren. Neni ne Moroa la neni Laradi Loklox Arooro atnedik.

Taitas 2:11

Nom limixin nuunu dina mumu asu avukat levelinga at ne Moroa, mila ne Moroa ga lox asuusu letaba nabalamu ri limixin axap, neni ga riki ne Iesu Karisito xusu na lox arooro di.

Ibru 10:34

Miga balamu nedi digak lok at loogu xokoxo la miga lok momo mene nga do limixin diga sak paxat ka levempanga atnimi mila migaklen i do nemi xa miba ruuna lapnovos i lox avukat aleng no vana at laxalibet, mo lapnovos naba nemen amisik.

1 Pita 5:12

Ne Sailas ga lok tooro ia xusu ri malagan na lovoang mutmut tinemi, la neni netak at laasen at ne Karisito. A vara i xusu ana lox alolos nemi mi levelinga at na lovoang, anai neni letaba nabalamu rinotno at ne Moroa. Kuren la mina tu lolos keneng teren.

1 Jon 3:16

At na loklok at ne Iesu Karisito nedik ta xasep at lavasuun at labalamu. I lok keretna, Iesu Karisito ga met nop loklok atdik. Kuren la nedik bok ata raba lorooro atnedik ti lok tooro limixin at ne Moroa.

Lisilimet 12:11

La luvutneton nedik dira sak tup pam mi ne Satan mila diga nuunu at lada at Lanasip la at lempapaase ruturun at ne Moroa, mo levelinga diga tong asu i la di goxo marat mi lorooro atdi, diga gagas kusu dina met.

Lisilimet 6:11

La nedi getgesara diga lok kaka levesingsigaara bunbun la diga lok ka levelinga do dina ngangais be la dina lok mamas, se limixin dina sep bok tentaba at luvutneton di eburu mi lavasaxaruki xerekngan nedi diga uu. Do luutus at nom limixin na epovo, Moroa naba vorang laniu atnedi axap.