Leven Gugu 20:21 - Madak

²¹ Ti leme Judaia la limixin kopmen di me Judaia bok aga vaase lolos tinedi do dina leeng basinge laxakapmek atnedi, la dina vot parap ne Moroa, la dina nuunu at Leeme Silok ne Iesu.

Leven Gugu 20:21 ပူးပေါင်းရင်းမြစ်များ

Metiu 3:2

Neni ga vavang keretna, “Mina leeng basinge leveloklok kakapmek atnimi, mila langas ti Linintoo no vana at laxalibet mo nga ira auret!”

Metiu 4:17

Ga ru ka i ap mo levenaleng ne Iesu ga vavang ti limixin keretna, “Mina leeng basinge leveloklok kakapmek atnimi, mila langas ti Linintoo no vana at laxalibet mo nga ira auret!”

Lagale Lavavang At Ne Iesu Karisito Mak Ga Malagan I 1:15

Neni ga vavang keretna, “Levenaleng ngangais ira xap ta. Langas ti Linintoo at ne Moroa mo nga i auret. Mina leeng basinge leveloklok kakapmek atnimi la mina nuunu at Lagale Lavavang.”

Lagale Lavavang At Ne Iesu Karisito Mak Ga Malagan I 6:12

La luvuttadi loklok ka anasa ren diga vas kaxat uto at levenmenemen la diga vavang do limixin dina leeng.

Lagale Lavavang At Ne Iesu Karisito Luk Ga Malagan i 13:3

Kopmen tinotno! Ketla a tong i rinimi do, mo do mi noxo leeng basinge laxakapmek atnimi, nemi bok miba seeve.

Lagale Lavavang At Ne Iesu Karisito Luk Ga Malagan i 13:5

Kopmen tinotno! Ketla a tong i rinimi do, mo do mi noxo leeng basinge laxakapmek atnimi, nemi bok miba seeve.”

Lagale Lavavang At Ne Iesu Karisito Luk Ga Malagan i 15:10

A tong i rinimi do, kerepmo lubung angelo at ne Moroa diba momo aleng do tegesaradi xapmek neni i leeng basinge laxakapmek teren.”

Lagale Lavavang At Ne Iesu Karisito Luk Ga Malagan i 15:7

Kuren mun, la a tong i rinimi, do langsangan lomomo aleng kantubu atnedi di nemen to vana at laxalibet mila tegesa radi xapmek neni i leeng basinge laxakapmek teren; ketla ti lavasik sangaun mi lavasik, lomomo lixilik mun tinedi ro vana at laxalibet; mila nedi dirak mokso vam la dixok pakes ti leeng.

Lagale Lavavang At Ne Iesu Karisito Luk Ga Malagan i 16:28

kusu neni nabat pas la na vaase aronga bok lavalimo luvutnetak la di noxot pas bok ti na lemenemen songsongot.’

Lagale Lavavang At Ne Iesu Karisito Luk Ga Malagan i 24:47

La keneng at laasen teren diba tong asu Lagale Lavavang mumu loklok ti leeng la loklok ti doxoma xepe laxakapmek diba vavang min ti limixin axap at lavatbung menemen, ba ru ka i de Jerusalem.

Lagale Lavavang At Ne Iesu Karisito Jon Ga Malagan I 20:31

Ketla leventaba levempanga sangsangu ik lok at na lubuk kusu mina nuunu do ne Iesu neni Lanarong la Nitna ne Moroa; la do mina nuunu ren, miba ruuna ka lorooro avolo at laasen teren.

Lagale Lavavang At Ne Iesu Karisito Jon Ga Malagan I 3:36

Do nege i nuunu at ne Nitna ne Moroa, neni naba ruuna ka lorooro avolo; la nege do i ronga xepe ne Nitna ne Moroa, neni noxo ruuna ka lorooro avolo la lebelemamao at ne Moroa ik lok mu amisix i.”

Leven Gugu 10:43

Nedi axap, lavaeme vapaase alii diga paase mumu vam i, diga tong alii i do tara i nuunu ren, nom laxakapmek teren, ne Moroa naba doxoma xepe i xeneng at laasen teren.”

Leven Gugu 11:18

Diga ronga i na la lodoxoma atdi ga lok mulus la diga emi asu mi ne Moroa. Diga lok, “Moroa ira suang pam langas ti lorooro xusu limixin kopmen di me Judaia, dina leeng basinge laxakapmek atnedi la dina ruuna ka lorooro maxat.”

Leven Gugu 16:31

Duga lok, “Una nuunu at Leeme Silok ne Iesu, la nenu ba lok ka lorooro maxat, la nedi axap nom di nemen at loogu ram diba lok ka lorooro maxat.”

Leven Gugu 17:30

Gano ne Moroa goxo doma solo laxakapmek at limixin ap mo levenaleng limixin kopmen di goxokleklen i; ketla lingina i tong lolos i ri limixin at lengkot axap do dina leeng basinge laxakapmek atdi.

Leven Gugu 19:17

La nedi axap limixin me Judaia la boro Grik bok, no diga nemen to Epesas diga ronga i na; la diga lingun, la limixin axap diga lok ngangao aleng at laasen at ne Iesu.

Leven Gugu 2:38

Pita ga lok tidi, “Nemi getgesara mina leeng basinge leveloklok kakapmek atnimi, la mina lok kaka lesep susu at laasen at ne Iesu Karisito kusu ne Moroa naba doxoma xepe leveloklok kakapmek atnimi la nemi minaba ruuna ka na laramtaba at Loroonan Kaala.

Leven Gugu 2:40

Pita ga paase aronga di mi laxalinga solo la ni ga sing tinotno bok di xeretna, “Mina lok tatao avukat nemi xusu mi noxo suma langsangan losongsongot mo naba rupot saparap limixin kakapmek at na levenaleng.”

Leven Gugu 20:23

Nia akleklen i do at laramenemen axap Loroonan Kaala ik lok tia dola limixin diba lok li ia at loogu xokoxo la aba xip laxanmumuat aleng.

Leven Gugu 20:24

Ketla nia a lok do lorooro rak i lok ngan ta do lavanga gamasa mun tia; nia a vara mun i do ana lox axap lavatpas tarak la ana lox axap lugugu at Leeme Silok ne Iesu ga raba ia min; mo lugugu ri tong asu Lagale Lavavang mumu letaba nabalamu at ne Moroa.

Leven Gugu 24:24

Melemu at lentaba levenaleng Pelik ga rupot mi latkin teren ne Darusila, neni boro Judaia. Pelik ga tong mu ri ne Pol do neni na vubeles la ni ga ronga ne Pol ga paase mumu lunuunu at ne Iesu Karisito.

Leven Gugu 26:18

Nenu uba suang lodoxoma atnedi la uba sat kaka nedi basinge lamain at ne Satan uto at laxasep at ne Moroa, la basinge lolos at ne Satan uto saparap ne Moroa, kusu dina nuunu rak. La kerepmo ne Moroa naba doxoma xepe leveloklok kakapmek atnedi la dinaba ruuna ka loxot tidi xantubu ap mo limixin ne Moroa ga soxolik ka vam di.’

Leven Gugu 26:20

Aga vavang avot to Damasko la to bok Jerusalem, la melemu bok to at lengkot axap Judaia, la kantubu bok at limixin kopmen di me Judaia; aga vavang do dina leeng basinge laxakapmek atnedi la dina mumu asu ne Moroa la dina lok lempanga ri lox asuusu i do dira leeng pam.

Leven Gugu 28:23

Kuren la diga lok katling lara laaleng eburu mi ne Pol, la buaang limixin diga vot ap mo laaleng to ap mo loogu ne Pol ga nemen teren. Ga maxantamak suubu se at laxanimin neni ga soxomus lavasuun at levelinga at Linintoo at ne Moroa rinedi. Ni ga lok tong pen i do na sat ka lodoxoma atdi mi levelinga ma xeneng at Lenavolo at ne Moses la levenmamalagan at lavaeme vapaase alii xusu diba nuunu at ne Iesu.

Leven Gugu 3:19

Kuren la mina leeng basinge laxakapmek atnimi xusu ne Moroa naba doxoma xepe laxakapmek atnimi,

Leven Gugu 8:25

Melemu at lavapaase asu atnedu la levelinga at Leeme Silok, Pita mi ne Jon duga vas bilong uto Jerusalem. Ap mo lomlong atnedu duga vavang mi Lagale Lavavang to at laxanmenemen solo mego Samaria.

Lovoang At Ne Pol Ti Limixin Nunu to Rom 1:14

Nia a ruuna lugugu silok anaba lox i ri limixin axap, ti leme Grik la tinedi bok limixin petpes, ti limixin akleklen la tinedi bok kopmen takleklen solo atnedi.

Lovoang At Ne Pol Ti Limixin Nunu to Rom 1:16

Nia xopmen ana lok mamangan ti vavang mi Lagale Lavavang, atla ni lololos at ne Moroa ri lox arooro nedi axap di nuunu, leme Judaia avot la melemu rinedi limixin kopmen me Judaia,

Lovoang At Ne Pol Ti Limixin Nunu to Rom 10:9

Do mina vaase asu mi levenbulubun atnimi do ne Iesu ni Leeme Silok, la mina nuunu mi lebelen nimi axap do ne Moroa ga lox aroo amlong ne Iesu at lanmet, nemi minaba roo suu.

Lovoang At Ne Pol Ti Limixin Nunu to Rom 2:4

Kopla mi doma abalalak mene nom langsangan labalamu ren, mi loklok mulus teren la kopmen ni noxo ila mumu soso loklok atnimi. Tuturun miklen i do ne Moroa i lox avukat, atla ni i vara i do mina ven kisiv i nom la mina leeng.

Lovoang At Ne Pol Ti Limixin Nunu to Rom 4:24

Diga malagan box i rinedik do ne Moroa naba siam ka nedik ngan luvuttadi mokmokso, la di nuunu at neni ga lox aroo amlong ne Iesu, Leeme Silok atnedik basinge lanmet.

Lovoang At Ne Pol Ti Limixin Nunu to Rom 5:1

Amo nga mumu lunuunu atnedik, Moroa ga lox asepmus pam dik basinge laxakapmek, kuren la nedik di ruuna ka lumulum eburu mi ne Moroa mumu Leeme Silok atdik ne Iesu Karisito.

1 Korin 1:22

Limixin me Judaia di vara tempanga sangsangu ri lox aruturun Lagale Lavavang la limixin me Grik di vara mene levendoxoma nunuan.

2 Korin 7:10

Lainbulu ne Moroa i lok kaxar i, ni ik lok leretepukus keneng at leveve at laradi la im gomgo nga i at langas ti lorooro, la neni noxo bulu mu mo lainbulu. Ketla lainbulu mede at lavatbung menemen im taba lanmet.

Galesia 2:16

Ketla nema leme Judaia maklen i do, laradi mun i nuunu at ne Iesu Karisito, neni mun i sepmus basinge loklok kakapmek, la kopmen do i mumu asu Lenavolo. La kerepmo bok ma nuunu at ne Iesu Karisito xusu manaba sepmus basinge loklok kakapmek, kopmen do ti mumu asu Lenavolo. Ana kopmen noxo ravasu at loklok ti mumu asu Lenavolo, atla kopmen teta naba sepmus basinge loklok kakapmek do neni na mumu asu mun Lenavolo.

Galesia 2:20

I lok ngan ta do diga vaxarem ia eburu mi ne Karisito ro at laxaba; la kopmen nenia xa na a rooro, ketla ne Karisito axa na i rooro xeneng tarak. La lorooro nenia ak lok keneng teren, ni lorooro mi lunuunu keneng at ne Nitna ne Moroa, la neni ga balamu ia la ga raba lorooro ren kusu na uu nop loklok tarak.

Galesia 3:22

Ketla Lovoang Kaala i vaase i xeretna do, limixin axap at na lavatbung menemen, dik lok maxopok at lololos at laxapmek; kuren la na laramtaba ne Moroa ga xaape min ti limixin, it pot mumu mun lunuunu saparap ne Iesu Karisito, la ne Moroa im taba i rinedi di nuunu.

Epesas 1:15

Nia aga ronga levelinga mumu lunuunu atnemi maxeneng at Leeme Silok, ne Iesu, la labalamu atnemi ti limixin axap at ne Moroa;

Kolosi 2:5

Nia a tong i na rinimi mila nenia xopmen anak lox eburu minimi, ketla a nemen eburu minemi keneng at lodoxoma rak, la a momo do mi tu buru la mi tu tuxuruxun at lunuunu atnimi keneng at ne Karisito.

Pilimon 1:5

mila ang tonga i do lunuunu ram saparap Leeme Silok, ne Iesu i lolos, la u balamu bok limixin teren.

1 Jon 5:1

Do tara i nuunu do ne Iesu neni Lanarong at ne Moroa, i lox asuusu i do i ruuna ka vam livipisik amaxat at lorooro ren keneng at ne Moroa; la do tara i balamu ne Temen, i balamu bok limixin at ne Moroa.

1 Jon 5:5

Nege i epovo kusu na los kimit loklok at na lavatbung menemen? Neni xusuk mun laradi i nuunu dola ne Iesu neni Nitna ne Moroa.