Leven Gugu 20:2 - Madak

² Ni gat pas to xeneng ap mo loxot la ni ga vaase loklok tooro ri limixin nuunu mi levelinga buaang. La melemu ni gat pas uto Grik.

Leven Gugu 20:2 ပူးပေါင်းရင်းမြစ်များ

Lagale Lavavang At Ne Iesu Karisito Luk Ga Malagan i 3:18

Buaang leventaangas axap Jon ga vavang min ti limixin kusu na tong asu Lagale Lavavang tinedi.

Leven Gugu 14:22

Duga lox alolos lunuunu at luvuttadi nuunu, la duga vaase alolos di xusu dina tu tuxuruxun at lunuunu atnedi. Duga lok, “Nedik ataba ekip tangarang mi laxanmumuat solo, la kerepmo ataba beles at Linintoo at ne Moroa.”

Leven Gugu 15:41

Dugat pas maxeneng at lunep silok Siria la Silisia, la duga lox alolos luvuttadi nuunu.

Leven Gugu 16:12

Maga vas kaxat mego uto Pilipai, lemenemen silok avot at lenep silok Masadonia; ni lemenemen buaang limixin boro Rom diga nemen go. Maga nemen ap mo lemenemen silok at lentaba levenaleng.

Leven Gugu 17:1

Pol mi ne Sailas dugat pas kantubu at lunep silok Ampipolis la Apolonia, la duga vas pot to Tesalonia. Ap mo lemenemen loogu singising at lubungmixin me Judaia ga nemen e.

Leven Gugu 17:10

Ap mo mene laxanimin luvuttadi nuunu diga riki ne Pol mi ne Sailas uto Beria. Duga rupot, la at laaleng kaala dugat pas uto at loogu singising at lubungmixin me Judaia.

Leven Gugu 2:40

Pita ga paase aronga di mi laxalinga solo la ni ga sing tinotno bok di xeretna, “Mina lok tatao avukat nemi xusu mi noxo suma langsangan losongsongot mo naba rupot saparap limixin kakapmek at na levenaleng.”

Leven Gugu 20:1

Melemu at leedak gara xap pam, Pol ga xup bubua ka luvuttadi nuunu, la ni ga vaase loklok tooro rinedi la diga xaduk aonon i. La ni ga on basinge nedi la gat pas uto Masadonia.

Leven Gugu 20:11

Melemu digamlong upana ap mo loogu la diga lok laanan kaala. La ne Pol ga vaase babaalom tidi se at laxangking ga losu maxantamak suubu, la ni ga on basinge di.

Leven Gugu 20:3

Ni ga nemen go ga at lavantun gaaling. Ga se ni ga gagas kusu ri mu lavattaaxup uto Siria, ni ga long lenger i do leme Judaia mo diga paase alii ri sev i; kuren la ni ga doma li i xusu namlong kantubu at lenep silok Masadonia.

1 Korin 4:19

Mo do Leeme Silok na vara i, anaba vot pasa soso nimi xusu nia anaba xasep at lempanga salai luvuttadi loklox asilok di tong i, la nia anabaklen i do di ruuna ruturun pam lololos at Leeme Silok.

Kolosi 1:28

Nema ma vavang mi ne Karisito ri limixin; ma vaase aronga di la ma anasa di mi lakleklen at ne Moroa kusu nedi axap diba ruuna ka luruptuvuk mokmokso kerekngan ne Karisito la kopmen taxakapmek atdi. La diba nemen kuren se ap mo laaleng diba tu ro melamgo at ne Moroa.

1 Tesalonia 2:11

Miklen i do maga anasa nimi getgesara ngan laradi i anasa lamdak teren.

1 Tesalonia 2:3

Se maga vavang tinimi, maga paase mokmokso, la luruptuvuk atnama ga lox avukat aleng la ma goxo xarang nimi.

1 Tesalonia 4:1

Nia ana lox axap levelinga rak. Luvutnetak mi luvurinuk. Maga lox ase vam nimi mi lavatpas at limixin di nuunu xusu mina rooro avukat la mina lok mo levempanga avukat ne Moroa i vara i. Mik lox i xerepmo, ketla ma sing nimi at lemeren Leeme Silok, ne Iesu keretna; mina lolos kusu lorooro atnimi naba lox avukat axap.