Leven Gugu 20:19 - Madak

¹⁹ Mi langsangan loklok ngangao la lanteng; aga lok leven gugu rak kerekngan lasaxaruki at ne Moroa, la aga ekip tangarang mi levenmumuat at leme Judaia diga lok li i rak.

Leven Gugu 20:19 ပူးပေါင်းရင်းမြစ်များ

Sam 119:136

Lengkabili dan ing pengkos su aleng at lamarak, mila limixin dixong tonga res at Lenavolo ram.

Lagale Lavavang At Ne Iesu Karisito Luk Ga Malagan i 19:41

Ni ga vas auret lemenemen silok Jerusalem la se neni ga ven i, neni gang teng mumu limixin teren,

Lagale Lavavang At Ne Iesu Karisito Jon Ga Malagan I 12:26

Do tara i vara i do na lok lugugu rak, neni na lok kaka be loklok tarak, kusu neni ba lok ngan lasaxaruki rak la ba nemen ap mo lenep nenia anak lox e. Ne Tamak naba lox asilox i do neni na lok lugugu rak.”

Leven Gugu 17:13

Ketla lentaba limixin me Judaia boro Tesalonia diga ronga i do ne Pol mo ga vavang mi levelinga at ne Moroa ro Beria; diga vas kaxat ugo la diga lox axatu lodoxoma at limixin.

Leven Gugu 17:5

Ketla lentaba at lubungmixin me Judaia diga reven peves aleng atdu la diga xup bubua ka nedi la diga lox axatu lodoxoma at limixin kusu dina esep. Diga lok li nom lemenemen axap at langsangan lekarakat la diga ut das lumusaragu at loogu at ne Jeson. Diga lok tong pen i do dina vuse ka ne Pol mi ne Sailas la dina lok ka du kusu duna ru at lavapaase.

Leven Gugu 20:3

Ni ga nemen go ga at lavantun gaaling. Ga se ni ga gagas kusu ri mu lavattaaxup uto Siria, ni ga long lenger i do leme Judaia mo diga paase alii ri sev i; kuren la ni ga doma li i xusu namlong kantubu at lenep silok Masadonia.

Leven Gugu 20:31

Mina lok tatao avukat nemi. Mina doma bilong ti mo lavantun maares nenia aga paase lolos tinemi axap at levenaleng kangking la kanimin, la agang teng mu nimi.

Leven Gugu 21:27

Levenaleng ap mo loklok ga lok do na xap ta, lentaba leme Judaia boro at lenep Asia diga ven ne Pol to xeneng at loogu laplavang. Diga lox axatu kaxat levendoxoma at limixin axap me go, la diga ranga alis i.

Leven Gugu 27:23

Nia aklen i na mila at laxanimin laangelo boro at ne Moroa no nenia ateren la a lotu saparav i, i vot pasa ia.

Lovoang At Ne Pol Ti Limixin Nunu to Rom 1:1

Nenia ne Pol, lasaxaruki at ne Iesu Karisito, la nia luun pavang, ne Moroa ga soxolik ka ia la ga ro ka ia xusu ana vavang mi Lagale Lavavang teren.

Lovoang At Ne Pol Ti Limixin Nunu to Rom 1:9

Moroa nia a gugu rin mi lorooro axap tarak, la nia a vavang mi Lagale Lavavang at ne Nitna, neni iklen i do na levelinga rak i ruturun aleng do nia am doma amisik nimi,

Lovoang At Ne Pol Ti Limixin Nunu to Rom 12:11

Mina gugu lolos, la nemen gat migutak molo. Mina gugu taba Leeme Silok mi lebelen nimi la lodoxoma axap atnimi.

2 Korin 2:4

Aga malagan mo lovoang tinimi mi langsangan lumumuat la lanteng keneng at lorooro rak la lengkabilidan bok gara sixisu at luxatli rak, la mo levelinga xopmen do ri lox abulu nemi, ketla nia aga malagan i ti lox axasep nemi xusu mina ven kisip labalamu silok tarak tinimi.

2 Korin 3:5

Nema maxo epovo xusu mana vaase ka gamasa na lugugu at ne Moroa do ma epovo ri lox i. Lakleklen atnama, la lololos atnama, ana axav i, ne Moroa im taba i.

2 Korin 7:5

Se magat pas uto Masadonia, lorooro atnama goxo lok mamana, ketla limixin diga lox asongot nama at lengkot axap, la levenekarakat ga pubeles mu nama la lainmarat ga vot saparap nama mumu nedi limixin diga lok ka lunuunu maxat.

Galesia 1:10

Nenia xopmen ana vaase i na xusu do ti lok limixin diba lok momo minia, kopmen tinotno. Nenia a vaase i na xusu ti lox amomo ne Moroa. La nenia kopmen ana vaase i na xusu limixin dinaba emi asu minia. Kopmen. Do nenia gita lox i xuren, ixo epovo bok do nenia giba lok ngan lasaxaruki at ne Karisito.

Epesas 6:7

Mina lok leven gugu atnemi mi lorooro axap atnimi, i lok ngan ta do mi gugu ri Leeme Silok, la kopmen ti limixin mun,

Pilipai 3:18

Agara tong amisik pam i rinemi ganoxa, la na ana tong amu box i mi lainbulu silok, do buaang atnedi diga sok tixirixes kepe levelinga at lanmet at ne Karisito ro vana at laxaba ngan nedi lavamunepen min.

Kolosi 3:24

Mina xasep do Leeme Silok naba raba nimi mi laramtaba, i ngan luunun tinimi, mila nemi mi gugu ri ne Karisito, neni Leeme Silok atnimi.

1 Tesalonia 1:9

Nedi xa di tong i rinama do miga siam abeles kaka nama mi lomomo, la miga lok kepe laxampoovo moroa la miga lok kaka lunuunu maxat saparap ne Moroa, mo i umsu mi lorooro la neni ne Moroa ruturun.

2 Timoti 1:4

A doma su bok ap mo laaleng aga on basinge u la ugang teng; la a vara i do ana ven box u xusu lorooro rak naba umsu mi lomomo.

Jems 1:2

Luvutnetak mi luvurinuk. Do levenasen panga mumuat na vot parap nimi, i lox avukat do mina momo mene,

1 Pita 1:6

La mik lok momo aleng at na lavanga, keke i do mi ekip tangarang lixilik bok be mi tavanga i lox abulu nemi mumu buaang leveloklok tong pen ik lox asongot nemi.

2 Pita 1:1

Nenia ne Simon Pita, lasaxaruki la luun pavang at ne Iesu Karisito. La a malagan i na levelinga rinemi limixin miga ruuna xaka lunuunu xeneng at lomokmokso at ne Moroa atnedik, neni Laradi Loklox Arooro ne Iesu Karisito; la mo lunuunu i lox avukat ngan lunuunu atnama.

Lisilimet 7:15

Kuren la di tu amisik to melamgo at loxonin orong at ne Moroa la di gugu amisik tin at lengkangking mi lengkanimin keneng ap mo loogu laplavang teren; la ne Moroa, mo it kis at nom loxonin orong, neni naba lok tatao avukat di ro xeneng at loogu ren.