Leven Gugu 2:47 - Madak

⁴⁷ Diga emi asu mi ne Moroa la limixin axap diga lok ngangao atdi. At levenaleng axap Leeme Silok gam lam abeles bok luvuttadi diga lok kaka lunuunu at laasen at ne Iesu ukeneng ap mo lexekexes atdi.

Leven Gugu 2:47 ပူးပေါင်းရင်းမြစ်များ

Lagale Lavavang At Ne Iesu Karisito Luk Ga Malagan i 19:48

Ketla di goxo lox epovo i mila diga marat at limixin la limixin axap digang tonga amisix i, mila diga vara aleng levelinga ren.

Lagale Lavavang At Ne Iesu Karisito Luk Ga Malagan i 2:52

La ne Iesu ga sisilok at labantuxu la at lakleklen bok; la ga lox avukat aleng at lemeren ne Moroa la limixin.

Leven Gugu 11:21

La Leeme Silok ga lox alolos nedi la buaang nedi limixin diga nuunu la diga leeng basinge laxakapmek atdi la diga raba lorooro atdi ri Leeme Silok.

Leven Gugu 11:24

Banabas ga lok tooro di mila neni lagale laradi ga umsu mi Loroonan Kaala la lunuunu ren ga lolos. La buaang nedi limixin me Antiok diga raba lorooro atnedi ri Leeme Silok.

Leven Gugu 13:48

Mo limixin kopmen di me Judaia diga ronga i na la diga lok momo aleng, la diga emi asu mi Leeme Silok ne Moroa, mumu levelinga ren; la nedi ne Moroa ga soxolik ka vam di ri lorooro avolo, diga nuunu at ne Iesu.

Leven Gugu 14:1

Pol mi ne Banabas duga lok mun lugugu ro Aikoniam kerekngan diga lox i ro Antiok. Duga beles to at loogu singising at limixin me Judaia la duga vavang avukat tinotno; kuren la buaang nedi limixin me Judaia eburu mi limixin bok kopmen di me Judaia diga nuunu.

Leven Gugu 14:21

Pol mi ne Banabas duga tong asu Lagale Lavavang to Debi, la duga lok ka buaang luvuttadi diga lok ka lunuunu maxat. Dugamlong bok uto Listra, la uto bok Aikoniam, la melemu dugat pas uto Antiok at lenep Pisidia.

Leven Gugu 16:5

Kuren la limixin nuunu ap mo lengkot ga su lolos at lunuunu atdi la leexes atnedi limixin nuunu ga uturut amisik keneng at levenaleng getgesara.

Leven Gugu 17:12

Buaang atnedi diga nuunu, la buaang nedi lavakin silok boro Grik la buaang atnedi lavatlok boro Grik diga nuunu bok.

Leven Gugu 2:39

Moroa ga lok na lavapaase alii rinimi la livipisik li bok atnimi la tidi bok no di nemen paxalom, la tinedi axap ne Moroa naba ro xaka nedi.”

Leven Gugu 2:41

Buaang atnedi diga nuunu ap mo levelinga la luvuttadi vavang diga sep susu di; lavantun larabin sangsangaun kobot (3000) limixin diga beles saparap nedi luvuttadi nuunu ap mo laaleng.

Leven Gugu 4:21

Luvuttadi amgomgo diga vaase lolos aleng tidu, la melemu diga soxomus asu du. Di goxo epovo do dina sev amarat du; mila buaang limixin diga emi asu mi ne Moroa ri mo lavanga sangsangu ga rupot kantubu atdi.

Leven Gugu 4:33

Luvuttadi vavang diga ruuna ka lolos la diga paase asu Lagale Lavavang at laxakatu kaxat amlong at Leeme Silok ne Iesu. La ne Moroa ga suxa umsu di mi leveloklox anarong.

Leven Gugu 4:4

Ketla buaang atnedi diga ronga i mo lavapaase at ne Pita, diga nuunu; la lexekexes atnedi limixin nuunu ga urut ti lavalimo larabin sangsangaun kobot. (5000)

Leven Gugu 6:1

Ap mo levenaleng leexes at luvuttadi nuunu ga uturut amisik upana; la leedak ga ravasu xantubu atnedi limixin me Judaia mo diga paase Grik la nedi limixin me Judaia diga paase Judaia. Limixin mo diga paase Grik, diga lok do lempat naa atdi, di goxop kip ka epovo levempanga loklok tooro ridi at levenaleng axap.

Leven Gugu 6:7

La levelinga at ne Moroa ga epeseves. Leexes at limixin nuunu ro Jerusalem ga uturut amisik mene la buaang atnedi lavamaasa diga lok kaka lunuunu maxat ap mo Lagale Lavavang.

Leven Gugu 9:31

Kuren la luvuttadi nuunu at lengkot axap Judaia, Galili, la Samaria, diga ruuna limila la kopmen bok ba di goxo marat. La leexes at limixin nuunu ga urut; mila Loroonan Kaala ga gugu kantubu atdi, la diga lok ngangao aleng at Leeme Silok.

Leven Gugu 9:35

Mo limixin diga nemen go Lida la Seron diga ven mo laradi ga lox avukat nga la buaang atnedi diga nuunu at Leeme Silok.

Lovoang At Ne Pol Ti Limixin Nunu to Rom 14:18

La dola nege i lox epovo lugugu ri ne Karisito at na langas, neni ba lox amomo ne Moroa la limixin diba lok momo mi na loklok teren.

Lovoang At Ne Pol Ti Limixin Nunu to Rom 8:30

La ne Moroa ga ro xaka nedi neni ga soxolik ka nedi; la nedi bok neni gara ro xaka vam di, neni ga lox asepmus bok nedi, la nedi nom neni ga lox asepmus di, neni ga epes di mi lisisixam teren.

Lovoang At Ne Pol Ti Limixin Nunu to Rom 9:27

La ne Aisaia ga vaase mumu bok leme Israel keretna, “Limixin bok me Israel di buaang aleng ngan levenit kangkaneng nou saparap laras, ketla teventaba mun atdi naba roo suu.

1 Korin 1:18

Lagale Lavavang mumu laniu at ne Iesu rovana at laxaba i lok ngan lavanga gamasa rinedi diba seeve; ketla tinedik, limixin atanaba roo suu, Lagale Lavavang i lok ngan lololos at ne Moroa rinedik.