Leven Gugu 2:23 - Madak

²³ Moroa xa ga lox agagas i la gaklen pam lavanga naba ravasu, kerekngan lodoxoma axa ren; la nemi miga sev amer i xeretna, miga siam taba luvuttadi xapmek do dina vaxarem i ro vana at laxaba.

Leven Gugu 2:23 ပူးပေါင်းရင်းမြစ်များ

Sam 76:10

Lebelemamao at limixin at lavatbung menemen ik lox asuusu mun leemi asu silok tu. Nedi di roo su at levenesep, dik lok katling amisik levenaleng silok taram.

Metiu 20:19

La diba song araba ia ri limixin esep boro Rom kusu dina lok sese kapmex ia la dibak pixis ia la diba vaxarem ia at laxaba. Melemu at laaleng sepsev avantun nenia anaba roo xat amlong.”

Metiu 26:24

Nenia, Laradi Mevana, anaba met kerekngan Lovoang Kaala i tong i, ketla naba lok kapmek aleng ti mo laradi naba song araba ia ri limixin kapmek. Giba lox avukat do nenen gitoxo visik ka i.”

Metiu 27:35

Diga vaxarem i at laxaba la melemu diga lu buru mi lengkonuat kusu ri lok kisip ka nege ba lok kaka levempanga singsiga ren.

Lagale Lavavang At Ne Iesu Karisito Mak Ga Malagan I 15:24

La diga vaxarem i ro vana at laxaba la melemu diga lu buru mi lengkonuat kusu ri lok kisip ka nege ba lok kaka lempanga singsiga ren.

Lagale Lavavang At Ne Iesu Karisito Luk Ga Malagan i 22:22

Nenia, Laradi Mevana, anaba met kerekngan lodoxoma at ne Moroa, ketla naba lok kapmek aleng ti mo laradi na song araba ia uto at luvuttadi xapmek.”

Lagale Lavavang At Ne Iesu Karisito Luk Ga Malagan i 22:37

A tong i rinimi do Lovoang Kaala i lok do, ‘Neni ga nemen eburu mi limixin bilinga.’ Ais 53:12 La naba sorun mumu ia. Lavanga salai diga malagan i at Lovoang Kaala mumu ia, monga na sorun.”

Lagale Lavavang At Ne Iesu Karisito Luk Ga Malagan i 23:33

Diga rupot to at loxot laasen teren, “Lavatlak Tongan,” la diga lok li ne Iesu ro at laxaba, la luradi xapmek bok, lara ga merem saparap lekngen tino at ne Iesu la lara ro saparap lekngen kia.

Lagale Lavavang At Ne Iesu Karisito Luk Ga Malagan i 24:20

Lavamaasa silok atnama la luvuttadi amgomgo diga song araba i xusu na met, la diga vaxarem i at laxaba.

Lagale Lavavang At Ne Iesu Karisito Jon Ga Malagan I 19:18

Mo go diga vaxarem ne Iesu ro at laxaba; la diga vaxarem bok legepu radi at luxaba, lara saparap lekngen tino ne Iesu la lara saparap lekngen kia; la ne Iesu ga merem kantubu atdu.

Lagale Lavavang At Ne Iesu Karisito Jon Ga Malagan I 19:24

La luvuttadi esep diga lok tinedi getgesara, “Nemen gat dik guta ba koxorov i, ata lu buru mi lengkonuat kusu ri lok kisip ka nege naba lok ka i.” Anai ga vot kusu ri lox asorun levelinga xeneng at Lovoang Kaala; i lok keretna, ‘Diga epes levempanga singsiga rak kantubu atdi, la diga lu buru mi lengkonuat kusu ri lok kisip ka nege naba lok ka labantamon tarak.’ Sam 22:18 La luvuttadi esep diga lox i xerepmo.

Leven Gugu 13:27

Mo limixin diga nemen to Jerusalem, la luvuttadi amgomgo atdi, di goxo ven kibis ne Iesu, la di goxo xasep at levelinga ro xeneng at levenbuk at lavaeme vapaase alii no diga vutus i at levenaleng kaala. Ketla diga lox asorun levelinga at lavaeme vapaase alii, mila diga sok tixirixes ne Iesu.

Leven Gugu 15:18

Nenia, Leeme Silok atnimi, a tong i na la aba lok epovo na levelinga kerekngan aga tong li i gano migomgo.” Amo 9:11-12

Leven Gugu 2:36

Kuren la limixin axap me Israel dinaklen avukar i do na ne Iesu, no miga vaxarem i ro at laxaba, ne Moroa ga lok li i xusu neni Leeme Silok la Lanarong.”

Leven Gugu 3:18

Gano migomgo ne Moroa ga vaase asu levelinga at lavaeme vapaase alii ren do Lanarong teren naba xip losongsongot silok; la ne Iesu ga lox asorun mo levelinga.

Leven Gugu 4:28

Diga rupot buru ri lok lempanga no nenu ugara gagas li vam i mi lolos taram la lodoxoma ram do naba vot.

Leven Gugu 5:28

“Maga raba nemi mi levelinga lolos do nemen gat nemi mita anasa mi mo laasen at ne Iesu; ketla ming tonga xepe i. Mira vaase asu vam nom levenanasa at lengkot axap de xeneng Jerusalem, la nemi mi lox i xuren kusu do nema maba xip tutu mi lanmet teren.”

Leven Gugu 5:30

Moroa, neni lomoroa at lavalabat atnedik, neni ga lox axatu ne Iesu basinge lanmet, melemu atnemi miga vaxarem i ro at laxaba.

Leven Gugu 7:52

Lavalabat atnimi diga lox asongot lavaeme vapaase alii axap. Digap sev amet luvuttadi at ne Moroa, no gano migomgo diga paase asu lovotpot at laradi mokmokso la lasaxaruki ren. Ketla nanga nemi miga song araba i ri limixin esep la miga sev amer i.

Lovoang At Ne Pol Ti Limixin Nunu to Rom 2:12

Limixin kopmen me Judaia dixo ruuna Lenavolo at ne Moses, dik lok laxakapmek la diba seeve. Limixin me Judaia di ruuna na Lenavolo, di lok laxakapmek la ne Moroa ba ila mumu loklok atnedi atla dixo mu asu Lenavolo.

Lovoang At Ne Pol Ti Limixin Nunu to Rom 4:17

I ngan Lovoang Kaala i vaase i xeretna, “Ara lok li vam u ngan ne temen limixin keneng at laranep silok buaang.” Lur 17:5 Kuren la na laxakaape naba sorun ngan ne Moroa ga tong alii i la ne Abaram ga nuunu ren. Neni ne Moroa ik lox aroo luvuttadi basinge lanmet la mi levelinga mun teren neni ga rudum li levempanga goxovisi vot.

1 Tesalonia 2:15

La mo limixin me Judaia diga sev amet Leeme Silok ne Iesu; ganoxa lavalabat atdi diga sev amet lavaeme vapaase alii at ne Moroa. La nedi diga riki xepe nama boro at lenep silok Judaia. Moroa i xopara ri mo loklok atdi. La di lok kapmek lixitkis at limixin axap keretna;

1 Pita 1:2

Ganoxa, Moroa ne Temen dik ga doxoma alii i do ni na soxolik ka nimi ngan limixin teren la na lox adadat nemi mi Loroonan Kaala ren, kusu minaba ronga res at ne Iesu Karisito, la neni naba lox adadat nemi mi lada ren. Letaba nabalamu ren la lenmila na umsu xeneng at lorooro atnemi.

1 Pita 1:20

Avot ti luruntudum li at na lavatbung menemen, Moroa ga soxolik ka i xusu ri lok lugugu ren ganoxa la neni ga ravasu at na levenaleng kavaxap kusu ri lok tooro nemi.

1 Pita 2:8

La loxot bok at Lovoang Kaala i vaase xeretna, “Na luat naba lok limixin kusu dina sak kikixin la naba lox asubu nedi.” Ais 8:14 Di sak kikixin atla xopmen dina nuunu at levelinga at ne Moroa; anai i epovo mi lavavara at ne Moroa rinedi.

Lovoang At Ne Jut 1:4

Nia a tong i na rinimi mila lentaba limixin kopmen dina nuunu at ne Moroa, dira vubeles nemnem pam keneng at lotu atnimi. Nedi di ba gili xapmek levelinga mumu letaba nabalamu at ne Moroa atdik, kusu dinaba mu arup levelinga atdi ri lok laxakapmek maxamang at lixitkis epot. La di sok tixirixes ne Iesu Karisito, ni Leges Orong Silok kusuk mun atnedik axap la Leeme Silok atnedik. Ganoxa levelinga xeneng at Lovoang Kaala ga tong li i do nedi dinaba ruuna ka levesongsongot silok.

Lisilimet 13:8

La limixin axap at na lavatbung menemen diba lotu parav i; nedi limixin kopmen levenasen atdi ik lok at lubuk at lorooro, mo lubuk ga nemen avot ti luruntudum li at na lavatbung menemen, la ni lubuk at Lanasip, mo ga uu at laxaba.