Leven Gugu 2:22 - Madak

²² La ne Pita ga lok bok, “Leme Israel. Mina ronga na levelinga; na ne Iesu me Nasaret ni laradi ne Moroa ga lox asilox i mi lempanga sangsangu kantubu atnimi la nemi axa miga ven pam mo lempanga ni ga lox i at lekngen ne Moroa.

Leven Gugu 2:22 ပူးပေါင်းရင်းမြစ်များ

Metiu 12:28

Ket do a lox asu di mi lololos at Loroonan Kaala at ne Moroa, Linintoo at ne Moroa mo nga ira vot pam saparap nimi.

Metiu 2:23

La diga nemen to Nasaret. La levelinga at lavaeme vapaase alii ga sorun. Mo levelinga ga lok keretna, ‘Diba so asen i do neni lanat me Nasaret.’

Metiu 9:8

Se mo limixin axap diga ven i na, diga lingun, la diga emi asu mi ne Moroa, mo ga raba lololos kerepmo ti limixin.

Lagale Lavavang At Ne Iesu Karisito Luk Ga Malagan i 11:20

Ket do a lox asu di mi lololos at ne Moroa, Linintoo at ne Moroa monga ira vot pam parap nimi.

Lagale Lavavang At Ne Iesu Karisito Luk Ga Malagan i 18:37

La diga lok tin, “Iesu boro Nasaret na it pas polo.”

Lagale Lavavang At Ne Iesu Karisito Luk Ga Malagan i 24:18

La lara atdu, laasen teren ne Kliopas, ga lok, “Agut nenu xusuk mun u nemen kantubu at leme Jerusalem uxoklen lempanga salai mo gat pot go at na levenaleng gara xap.”

Lagale Lavavang At Ne Iesu Karisito Jon Ga Malagan I 1:45

Pilip ga vot pasa ne Natanael la ga lok tin, “Mara long lenget ka vam laradi ne Moses ga malagan axasep mumu i ro xeneng at levenbuk at Lenavolo; la lavaeme vapaase alii bok diga malagan mumu i. Neni ne Iesu, lamdak at ne Josep, boro Nasaret.”

Lagale Lavavang At Ne Iesu Karisito Jon Ga Malagan I 10:37

Dola nenia xopmen ana lok leven gugu at ne Tamak, nemen mita nuunu bok ba rak.

Lagale Lavavang At Ne Iesu Karisito Jon Ga Malagan I 11:47

Kuren la lubung Parisi la lavamaasa silok diga vot buru la diga lok, “Ataba lok lavanga salai? Mina doma mumu levempanga sangsangu na laradi ik lox i.

Lagale Lavavang At Ne Iesu Karisito Jon Ga Malagan I 12:17

La mo limixin diga nemen eburu mi ne Iesu ap mo laaleng neni ga roo asu ka ne Lasaro boro at lamaaut, la ga lox aroo amlong i basinge lanmet. Diga tong asu na lavanga ro Jerusalem.

Lagale Lavavang At Ne Iesu Karisito Jon Ga Malagan I 15:24

Do nia gi toxo lok teven gugu silok kantubu atdi, ua kopmen tara ga lok teven gugu xuren, ixo epovo xusu nedi gita bixurun mi laxapmek, ketla monga digara ven pam levempanga sangsangu nia aga lox i, la nedi move di xopara ia la ne Tamak.

Lagale Lavavang At Ne Iesu Karisito Jon Ga Malagan I 19:19

La ne Paelat ga malagan langas linga la diga lok li i ro vana at laxaba. Mo levelinga ga lok keretna, ‘Iesu boro Nasaret, loorong silok at limixin me Judaia.’

Lagale Lavavang At Ne Iesu Karisito Jon Ga Malagan I 3:2

At lara laxanimin neni ga mu bung ti ne Iesu la ga lok tin, “Rabai. Maklen i do nenu laradi loklox ase, la ne Moroa ga riki u; kopmen tara na epovo xusu na lok nom lempanga sangsangu, mo do ne Moroa noxo lok tooro i.”

Lagale Lavavang At Ne Iesu Karisito Jon Ga Malagan I 4:48

Iesu ga lok tin, “Kopmen tara atnimi noxo nuunu se do mina ven lempanga sangsangu.”

Lagale Lavavang At Ne Iesu Karisito Jon Ga Malagan I 5:36

Ketla a ruuna levelinga mumu ia la i silok aleng ti levelinga ne Jon ga tong asu i. Leven gugu nia a lox i, ni leven gugu ne Tamak ga raba ia min; anai levempanga nia a lox i, i lox asuusu i do ne Tamak ga riki ia.

Lagale Lavavang At Ne Iesu Karisito Jon Ga Malagan I 6:14

Mo limixin go diga ven mo lavanga sangsangu ne Iesu ga lox i, la diga lok, “I ruturun aleng; neni mo leeme vapaase alii diga tong i do naba vot at na lavatbung menemen!”

Lagale Lavavang At Ne Iesu Karisito Jon Ga Malagan I 6:27

Nemen mita gugu ri leveluxa ua naba sonao soso; ketla mina gugu lolos ti leveluxa i nemen amisik ti lorooro avolo. Na leveluxa, nenia, Laradi Mevana, anaba raba nemi min, mila ne Moroa ne Temen dik ira soxolik ka vam ia.”

Lagale Lavavang At Ne Iesu Karisito Jon Ga Malagan I 7:31

Ketla buaang atnedi limixin diga nuunu ren diga lok keretna, “Na laradi i lok lempanga sangsangu i silok aleng, kuren la ixo epovo do tara vetpes na vot ngan Lanarong la na lok lempanga i silok tin?”

Lagale Lavavang At Ne Iesu Karisito Jon Ga Malagan I 9:33

Do mo laradi, xopmen ne Moroa nak lox eburu min, neni gita xo epovo na lox arepalas luxatli rak ngan tai na.”

Leven Gugu 13:16

Pol ga xatu kaxat upana, la ga sep makmak di, la ga lok keretna, “Luvuttadi me Israel la nemi bok kopmen me Judaia mi lotu saparap ne Moroa. Mina ronga ia.

Leven Gugu 14:27

Duga rupot to Antiok la duga ro bubua limixin axap at lotu, la duga tong asu lempanga ne Moroa ga lox i at levengkikngen du; la duga tong i do ne Moroa ga suang langas ti limixin kopmen di me Judaia xusu dina nuunu.

Leven Gugu 2:19

Anaba lok tempanga loklok katling to vana at laxalibet la tempanga sangsangu ro xopok at lavatkangka. Lada, laxao la lakbus at lusuxa naba rupot;

Leven Gugu 2:43

Buaang lempanga sangsangu luvuttadi vavang diga lox i la ga lok buaang limixin diga sangu.

Leven Gugu 21:28

Digap kup keretna, “Nemi limixin me Israel. Ude nimi la mina lok tooro nama. Anai laradi na it pas tangtagap at lengkot axap la ik lox ase limixin do dina lox abulubun kepe limixin me Judaia la dina ke xepe Lenavolo atdik la na loogu laplavang. La ana nga ira lok ka laradi xopmen me Judaia ukeneng at loogu laplavang la kerepmo i lok puvula na loogu xaala!”

Leven Gugu 22:8

Aga sue i, ‘Leeme Silok, nenu nege?’ Ni ga lok tia, ‘Nenia ne Iesu boro Nasaret mo nu uk lox asongor ia.’

Leven Gugu 24:5

Maga ronga i do na laradi i lox araut lekarakat; ni ik paxaru kaxat levenesep to xantubu at leme Judaia no di nemen at lengkot axap at na lavatbung menemen; la neni lamgomgo at loxonbinam tadi laasen teren Nasarin.

Leven Gugu 26:26

Loorong silok ne Agripa! Ana vaase ru mi lolos la kopmen a noxo marat, mila nenu u xasep at na lempanga mumu ne Iesu. Nia a lok do nenu u xasep at na lempanga axap, mila na lempanga xopmen goxo ravasu ro at toxot lipe.

Leven Gugu 26:9

Ganoxa nenia bok aga doxoma i do ana lok lempanga axap kusu ri ru pe lugugu at ne Iesu boro Nasaret.

Leven Gugu 3:12

Pita ga ven mo limixin la ga lok tidi, “Leme Israel; lai mo mi sangu ren mumu i na lavanga, la lai mo nemi mi tu la mia reven tooro nama min? Mi doxoma i do ma lox avukat na laradi mi lolos axa atnama xopla at loklok nunuan atnama xusu neni i lox epovo i rit pas?

Leven Gugu 3:6

Ketla ne Pita ga lok tin, “Nia xopmen tevempilas gamgames kopla leven gol tarak, ketla ana raba u mi lavanga nia a ruuna i; keneng at laasen at ne Iesu Karisito me Nasaret, a tong i ru do, una ru upana la una vas kaxat.”

Leven Gugu 4:10

Minaklen i la limixin axap bok me Israel minaklen i do na laradi na i tu melamgo atnimi, ni ita lox avukat at lolos at laasen at ne Iesu Karisito me Nasaret, no nemi miga vaxarem i at laxaba. Ketla ne Moroa ga lox axatu amlong i basinge lanmet.

Leven Gugu 5:35

La neni ga lok tinedi luvuttadi amgomgo xeretna, “Leme Israel, mina doxoma avukat mumu lavanga salai mi lok do mina lox i ridi na.

Leven Gugu 6:14

Maga ronga i do ga lok do ne Iesu me Nasaret ba ut asi na loogu laplavang la naba ba gili bok leretere ne Moses ga raba avolo dik min.”

2 Korin 12:12

Nia aga lolos kusu ana lok levempanga i lox asuusu i do nenia laradi vavang aga lox i xantubu atnimi; leveloklok katling at ne Moroa la levempanga sangsangu.

Ibru 2:4

Moroa ga lox asuusu box i do mo levelinga ren i ruturun mi leveloklok katling la levempanga sangsangu la leventamtaba at Loroonan Kaala, ne Moroa gara epes pam limixin teren min, ga epovo at lavavara ren.