Leven Gugu 18:6 - Madak

⁶ Ketla limixin me Judaia diga lox abulubun i la diga vaase levelinga xapmek mumu i, la ni ga vaase lolos tidi la ga semla xepe laxakup at lavanga singsiga ren; la ni ga lok tidi, “Do nemi mi xopara levelinga at ne Moroa, nemi xa minabap kip lumumuat teren. Kopmen bok ba toxot tarak ap mo i. Nia anat pas kusu ana vavang ti limixin kopmen di me Judaia.”

Leven Gugu 18:6 ပူးပေါင်းရင်းမြစ်များ

Leven Gugu 13:51

La luradi vavang duga lok kepe laxakup basinge lengkangkedek atdu saparap nedi xusu duna lox asu lumukmusak at ne Moroa ridi; la dugat pas uto Aikoniam.

1 Pita 4:4

Limixin no dik lox amisik at na laxakapmek, di sangu rinotno at loxonaleng nemi mixo emu minedi rik lok mo leveloklok i lok kapmek; kuren la di paase aksaksa mumu nemi.

Lagale Lavavang At Ne Iesu Karisito Luk Ga Malagan i 9:5

Mo do limixin di noxo siam ka nimi, mina on basinge nom lemenemen la mina semla xepe laxakup basinge levengkangkedek atnimi, i ngan loklok katling tidi kusu ri lox asuusu lebelemamao at ne Moroa.”

Metiu 27:25

La mo limixin diga lok, “Keke lumumuat at lanmet teren naba nemen pana atnema eburu mi laxamdak mi laxaalik atnama.”

1 Pita 4:14

La do limixin di paase aksaksa rinimi mumu laasen at ne Karisito, luvukat nabat pas tinemi. Lavasuun at na keretna, mo loroonan i lox asuusu lisisixam, ni Loroonan at ne Moroa la ik lok keneng atnemi.

2 Timoti 2:25

Neni na lok ngan laradi mulus do ni nak lox akmokso nedi xopmen dina etaba belen min, kusu ne Moroa naba siam ka amlong di la ni na doxoma xepe laxakapmek atnedi la dinabaklen luruturun.

Lovoang At Ne Pol Ti Limixin Nunu to Rom 3:29

Kereva, ne Moroa neni lomoroa xusuk mun at leme Judaia? La neni xopmen lomoroa atnedi xopmen me Judaia? Laaba, neni xuren.

Leven Gugu 28:28

La ne Pol ga lok bok, “Minaklen avukar i do, levelinga loklox arooro at ne Moroa diga lox aonon pam i uto at limixin kopmen di me Judaia. Dibang tonga i.”

Leven Gugu 26:20

Aga vavang avot to Damasko la to bok Jerusalem, la melemu bok to at lengkot axap Judaia, la kantubu bok at limixin kopmen di me Judaia; aga vavang do dina leeng basinge laxakapmek atnedi la dina mumu asu ne Moroa la dina lok lempanga ri lox asuusu i do dira leeng pam.

Leven Gugu 26:11

Buaang laxanaleng agak lox asongot di ro xeneng at laraugu singising, la agak lok di xusu dina tong i do di xopara ri ne Iesu. Agak musak aleng tinotno di, kuren la agat pas bok uto vaxalom at lara menemen petpes kusu anak lox asongot nedi.

Metiu 22:10

La lavasaxaruki ren diga epeseves uto at levenngas la diga ro xaka limixin axap diga ekip tangarang midi, nedi limixin avukat eburu mi limixin kapmek. La loogu ri loklok epot ga umsu mi mo limixin.

Metiu 10:14

La do tara ixo siam ka nimi kusu na ronga ka levelinga atnimi, mina semla xepe laxakup basinge lengkangkedek atnimi at loxonaleng mina vas kaxat basinge mo loogu kopla mo lemenemen silok.

Lagale Lavavang At Ne Iesu Karisito Luk Ga Malagan i 22:65

La diga vaase buaang bok laxalinga xapmek tin.

Metiu 21:43

Kuren la a tong i rinimi; Moroa naba lok kepe Linintoo basinge nemi limixin me Judaia la naba raba i ri limixin mo diba lox asuusu levempeven una nunuan.

Metiu 8:11

Nia a tong i rinimi do buaang limixin diba laa boro at lengkot axap at na lavatbung menemen la diba xis kopok eburu mi ne Abaram, Aisak la ne Jakop at laanan tarak to xeneng at Linintoo no vana at laxalibet.

1 Timoti 5:22

Nemen gat uta takas kusu una sa li lukngam to mavana at taradi ri lok lugugu at Leeme Silok, la nemen uta lok tooro tara mi laxakapmek teren, una lox adadat amisik lorooro ram.

Metiu 21:41

Diga vorang i rin keretna, “Neni naba sev amet di la naba raba nom laraamang ti luvuttadi vetpes kusu dina lok tatao i la at laaleng ti sep kin dinaba raba i mi loxot teren at lempeven una at nom laraamang.”