Leven Gugu 18:5 - Madak

⁵ At lara laaleng ne Sailas mi ne Timoti duga rupot boro Masadonia, la melemu ne Pol ga raba levenaleng axap teren ti vavang mi Lagale Lavavang la ga tong i ri limixin me Judaia do ne Iesu, neni Lanarong.

Leven Gugu 18:5 ပူးပေါင်းရင်းမြစ်များ

Lagale Lavavang At Ne Iesu Karisito Luk Ga Malagan i 12:50

A ruuna lara lumumuat kusu anap kiv i, la labalak i muat aleng kusu ana lok kaka i se ana lox epovo i!

Lagale Lavavang At Ne Iesu Karisito Luk Ga Malagan i 16:28

kusu neni nabat pas la na vaase aronga bok lavalimo luvutnetak la di noxot pas bok ti na lemenemen songsongot.’

Lagale Lavavang At Ne Iesu Karisito Jon Ga Malagan I 1:41

La soso mun ne Endru ga vot pasa neton, ne Simon la ga lok tin, “Mara long lenget ka vam Lanarong.” Lavasuun at loxolinga Lanarong do, Karisito.

Lagale Lavavang At Ne Iesu Karisito Jon Ga Malagan I 10:24

La luvuttadi amgomgo at limixin me Judaia diga vot pasa i la diga lok, “Lavanisa aleng ta unak lok nama la mana i doxoma? Tong axasep avukat nema do kereva nenu Lanarong?”

Lagale Lavavang At Ne Iesu Karisito Jon Ga Malagan I 15:27

La nemi bok, miba paase asuusu minia, mila nemi migara nemen eburu vam minia; ga ru ka i at laaleng nenia aga ru ka lugugu rak.

Lagale Lavavang At Ne Iesu Karisito Jon Ga Malagan I 3:28

Nemi xa miga ronga mo levelinga nia aga tong i xeretna, ‘Nia xopmen Lanarong, ketla ne Moroa ga riki amgo ia rin.’

Leven Gugu 10:42

La ni ga tong alolos i rinama do mana paase asu Lagale Lavavang tinedi limixin la mana tong asu i do neni mun laradi ne Moroa ga soxolik ka i xusu neni naba ronga linga atnedi di rooro la nedi digara met pam.

Leven Gugu 15:22

La luvuttadi vavang la loxongkulao silok eburu mi limixin axap at lotu, diga doma i do dina soxolik ka lentaba luvuttadi ap mo libinam tadi la dina sak tiki nedi uto Antiok eburu mi ne Pol la ne Banabas. Diga soxolik ka ne Judas, laasen bok teren ne Basabas, la ne Sailas; nedu luradi silok kantubu at limixin nuunu.

Leven Gugu 16:1

Pol ga vas kaxat basinge mo lunep silok, la gat pas uto Debi la Listra. Lara laradi nuunu laasen teren ne Timoti ga nemen go Listra; nenen bok, ni latkin nuunu at lubungmixin me Judaia, ketla ne temen neni at lubungmixin me Grik.

Leven Gugu 16:12

Maga vas kaxat mego uto Pilipai, lemenemen silok avot at lenep silok Masadonia; ni lemenemen buaang limixin boro Rom diga nemen go. Maga nemen ap mo lemenemen silok at lentaba levenaleng.

Leven Gugu 16:9

Ap mo laxanimin Pol ga ven lisilimet la ni ga ven laradi boro Masadonia ga tu, la ga sing i, “Unat pas ude Masadonia la una lok tooro nama!”

Leven Gugu 17:3

Ni ga soxomus mo levelinga la ga lox asuusu i rinedi do i epovo Lanarong na met, la na xatu kaxat amlong bok basinge lanmet. La ne Pol ga lok, “Na ne Iesu mo nia a tong asu i rinemi, neni Lanarong.”

Leven Gugu 18:28

At lemeren limixin axap ni ga volo aleng limixin me Judaia mi leete silok. Ni ga lox asuusu i at Lovoang Kaala do ne Iesu, neni Lanarong.

Leven Gugu 2:36

Kuren la limixin axap me Israel dinaklen avukar i do na ne Iesu, no miga vaxarem i ro at laxaba, ne Moroa ga lok li i xusu neni Leeme Silok la Lanarong.”

Leven Gugu 20:21

Ti leme Judaia la limixin kopmen di me Judaia bok aga vaase lolos tinedi do dina leeng basinge laxakapmek atnedi, la dina vot parap ne Moroa, la dina nuunu at Leeme Silok ne Iesu.

Leven Gugu 20:23

Nia akleklen i do at laramenemen axap Loroonan Kaala ik lok tia dola limixin diba lok li ia at loogu xokoxo la aba xip laxanmumuat aleng.

Leven Gugu 20:24

Ketla nia a lok do lorooro rak i lok ngan ta do lavanga gamasa mun tia; nia a vara mun i do ana lox axap lavatpas tarak la ana lox axap lugugu at Leeme Silok ne Iesu ga raba ia min; mo lugugu ri tong asu Lagale Lavavang mumu letaba nabalamu at ne Moroa.

Leven Gugu 4:20

Kuren la nema ma noxo xap ti vaase asu mo lempanga nema maga ven i la maga ronga i.”

Leven Gugu 9:22

Ketla lavavang at ne Sol ga mumuat amisik, la ni ga lox asuusu i do ne Iesu mo neni Lanarong; la levelinga ren ga mumuat aleng la buaang atnedi limixin me Judaia mo diga nemen to Damasko di goxo epovo do dina vorang i.

2 Korin 1:19

I lok ngan ne Iesu Karisito, Nitna ne Moroa, mo nema mi ne Sailas la ne Timoti maga vavang min kantubu atnimi, neni xopmen na voovo ela mi levelinga ren, ketla kusuk mun neni i paase ruturun.

2 Korin 11:9

La at levenaleng nia aga nemen eburu minimi la agak pakes ti tempanga, ketla a goxo lox angtang solo nimi, mila levempakpakes tarak limixin nuunu boro Masadonia diga lok tooro ia min. Kuren la nia goxo ngising panga nimi la melemu bok nia noxo sing panga nimi. A xopara na raba nimi mi laknixip.

2 Korin 5:14

Labalamu at ne Karisito i sasat dik, la atakleklen tuturun i do legesara mun ga uu nop loklok at limixin axap, i lok ngan ta do limixin axap diga met.

Pilipai 1:23

Lodoxoma rak i ekarakat ti legepu nep. A vara aleng i do ana on basinge na lorooro la ana nemen buru mi ne Karisito, no mi lox avukat tinotno.

1 Tesalonia 3:2

la maga riki ne Timoti kusu na vosiga nimi. Neni i lok ngan neton dik la neni bok ik lok lugugu at ne Moroa, la i vavang mi Lagale Lavavang at ne Iesu Karisito. Maga riki i xusu neni na lox alolos lunuunu atnimi la na paase tooro nimi;

1 Tesalonia 3:6

Ketla na nga ne Timoti gamlong basinge nimi ude la neni ga tong asu levelinga avukat tinama. Neni ga tong i rinama do lunuunu mi labalamu atnimi move i lolos la lodoxoma atnimi i lok momo minema; la mi vara aleng i do mina ven nama ngan nema ma vara aleng i do mana ven nimi.

1 Pita 5:12

Ne Sailas ga lok tooro ia xusu ri malagan na lovoang mutmut tinemi, la neni netak at laasen at ne Karisito. A vara i xusu ana lox alolos nemi mi levelinga at na lovoang, anai neni letaba nabalamu rinotno at ne Moroa. Kuren la mina tu lolos keneng teren.