Leven Gugu 18:3 - Madak

³ la ni ga nemen midu la ga gugu eburu midu, mila neni gakleklen lugugu gu mi levengkadis, kerekngan du. La kerepmo diga lok kaka lempilas tidi.

Leven Gugu 18:3 ပူးပေါင်းရင်းမြစ်များ

1 Korin 4:12

la maga gugu lolos kusu mana lok kaka levempanga ri lok tooro lixitkis atnema. Diga vaase xakapmek tinama, ketla maga sing ne Moroa xusu na lox anarong nedi. Diga lox asongot nema, ketla maga momo ri xip tutu min.

1 Korin 9:14

La kerepmo bok Leeme Silok ga tong i rinama do nedi di vavang mi Lagale Lavavang, diba lok ka luunun tidi at Lagale Lavavang kusu naba epovo at lixitkis atnedi.

1 Korin 9:15

Ketla nia a goxo mu asu i na langas kusu ana sing panga nimi; la kopmen ana malagan i na xusu minaba mu asu na langas la mina lok tooro ia. Kopmen teta goxo lok tooro ia la a doxoma i do anak lok mun kuren la keke leveloklok tooro. La kopmen tara noxo lok kun na lodoxoma rak do nia noxop kip unun at lugugu rak, se nia anaba met.

1 Korin 9:18

Lavanga sala nia anaba lok ka i at na lugugu? I lok keretna; dola nia ana vavang mi Lagale Lavavang, nia noxo ro unun at limixin. La kerepmo nenia a noxo siam ka luunun ti na lugugu, keke i do ik mokso do ana lok ka i.

2 Korin 11:7

Nia goxo ro unun tinimi at levenaleng nia aga vavang mi Lagale Lavavang at ne Moroa rinimi. Aga lox asi ia kantubu atnimi kusu ana lox aurut nimi mi Lagale Lavavang. Kereva, nenia aga lok laxapmek mi na loklok?

2 Korin 11:9

La at levenaleng nia aga nemen eburu minimi la agak pakes ti tempanga, ketla a goxo lox angtang solo nimi, mila levempakpakes tarak limixin nuunu boro Masadonia diga lok tooro ia min. Kuren la nia goxo ngising panga nimi la melemu bok nia noxo sing panga nimi. A xopara na raba nimi mi laknixip.

2 Korin 12:13

Nia aga gugu xantubu atnimi xerekngan aga gugu xantubu at limixin at laraugu lotu vetpes, ketla nia goxo lox angtang nemi do ri toloklok tooro ria. Mina doxoma xepe na laxapmek tarak.

1 Tesalonia 2:9

Luvutnetak mi luvurinuk. Mina doma bilong ti mo lugugu lolos atnama. Maga tong asu Lagale Lavavang at ne Moroa rinimi, la maga gugu at lengkangking la at lengkanimin, maga gugu pilas kusu nemi mi noxo kepe tevempilas atnimi xusu ri lok tooro nama.

1 Tesalonia 4:11

La mina lolos kusu minat kis mulus at lorooro atnimi la mina lok tatao avukat levempanga atnimi; mina gugu xusu mina lok kaka levempanga mik pakes tin at na lorooro. Mina lox i na xerekngan magara tong pam i rinimi gano.