Leven Gugu 18:24 - Madak

²⁴ Lara laradi me Judaia laasen teren ne Apolos, neni boro Aleksandria, gat pas uto Epesas. Ni laradi levelinga ren ga lok nunuan amisik la ni gakleklen avukat levelinga at Lovoang Kaala.

Leven Gugu 18:24 ပူးပေါင်းရင်းမြစ်များ

Metiu 13:52

La ni ga lok, “Kuren la nedi axap luvuttadi loklox ase at Lenavolo do dina mumu asu levelinga at Linintoo no vana at laxalibet, nedi di lok ngan laradi at loogu i xip asu lempanga maxat mi lempanga maut boro xeneng at loogu lili ren kusu na raba limixin min.”

Lagale Lavavang At Ne Iesu Karisito Luk Ga Malagan i 24:19

La ne Iesu ga sue du xeretna, “Lempanga salai?” La duga vorang i rin keretna, “Mo lempanga ga rupot saparap ne Iesu boro Nasaret, anai laradi neni leeme vapaase alii la neni ga lok lempanga sangsangu la levelinga bok teren ga mumuat aleng at lemeren ne Moroa la limixin.

Leven Gugu 18:19

Diga rupot to Epesas, la ne Pol ga on basinge ne Pirikila mi ne Akuila. Ni gat pas uto at loogu singising la neni eburu mi limixin me Judaia diga etep mi levelinga.

Leven Gugu 18:21

La ni ga lok tidi, “Mo do lavavara at ne Moroa, abamlong bok ude rinimi.” La ni ga los kas at lavattaaxup la ga sen kaxat boro at lemenemen Epesas.

Leven Gugu 18:28

At lemeren limixin axap ni ga volo aleng limixin me Judaia mi leete silok. Ni ga lox asuusu i at Lovoang Kaala do ne Iesu, neni Lanarong.

Leven Gugu 19:1

Ap mo levenaleng ne Apolos ga nemen to Grik at lemenemen Korin, la ne Pol gat pas at langas babaalom maxeneng ap mo lunep silok Galesia la Pirigia la ni ga rupot to Epesas. Mo go ni ga vosiga lentaba luvuttadi nuunu.

Leven Gugu 27:6

Mo go laasesep ga ronga i do lara lavattaaxup boro Aleksandria mo ga lok do na sen kaxat uto Itali; kuren la ni ga lox aurut nema uto vana ren.

Leven Gugu 6:9

Ketla lentaba luvuttadi di goxopara rin, nedi luvuttadi boro at lumenemen Sairini la Aleksandria; diga lotu at lara loogu singising, laasen teren, ‘Loogu Singising at Luvuttadi Sepsen.’ La lentaba limixin bok me Judaia boro Silisia la Asia di goxopara ne Stiven; nedi axap eburu mi ne Stiven diga etep mi levelinga.

Leven Gugu 7:22

Ni ga lox ase ro Isip la ga umsu mi lakleklen at leveloklok atdi, la ni ga silok aleng at levempapaase la at lempanga axap ni gak lox i.

1 Korin 1:12

Lekarakat atnimi i lok keretna; nemi getgesara mi epaase mi levempapaase xopmen nak mokso. Lentaba di lok, “Nema at ne Pol.” La lentaba di lok, “Nema at ne Apolos.” La lentaba di lok, “Nema at ne Pita.” La lentaba di lok do, “Nema at ne Iesu Karisito.”

1 Korin 16:12

Ti neton nedik ne Apolos. A sing alolos i xusu naba vot pasa nimi eburu midi leventaba luvuttadi nuunu; ketla neni i xopara rinotno xusu ni mo nat pas ta. Do tevenaleng na sepmus tin, neni nabat pas.

1 Korin 4:6

Luvutnetak mi luvurinuk. Ara vaase poovo vam minema’ mi ne Apolos, i ngan nema’ luampoovo ri nom axav i levelinga nenia a malagan i. La maxeneng at nom i, minaba xasep ap mo levelinga i lok keretna, ‘Mina ila mumu avukat levelinga at luvuttadi amgomgo, kerekngan Lovoang Kaala i tong i.’ La kerepmo mi noxo xip aurut taasen at tara taradi gomgo atnimi la mi noxo lox asi taradi gomgo vetpes.

2 Korin 10:10

mila leventaba di lok do, “Levempoang at ne Pol i lolos la i mumuat aleng. Ket do neni na nemen eburu midik, neni nabasko la levempapaase ren noxo mumuat solo.”

Kolosi 3:16

La mina ke levelinga at ne Karisito na nemen atmatkun keneng at lorooro atnimi. Mina umsu min mo do mina lox ase la mina vaase axasep ela nimi mi lakleklen at ne Moroa. La minak pixan ti ne Moroa mi lengkompixan at ne Devit la lengkompixan at lotu la lengkompixan emi asu; la lorooro atnimi na umsu mi loklok ti tong avukat saparap ne Moroa.

Taitas 3:13

La una lok tooro avukat ne Sinas, laradi likling at levelinga, eburu mi ne Apolos at lavatpas atdu. Una lok taba du mi levempanga duk pakes tin ti mo lavatpas.