Leven Gugu 18:21 - Madak

²¹ La ni ga lok tidi, “Mo do lavavara at ne Moroa, abamlong bok ude rinimi.” La ni ga los kas at lavattaaxup la ga sen kaxat boro at lemenemen Epesas.

Leven Gugu 18:21 ပူးပေါင်းရင်းမြစ်များ

Metiu 26:39

La ne Iesu ga vas silatla xakalik, la ni ga subu midi mi lumeren uto xopok at laxangka la ga sing ne Moroa xeretna, “Tamak. Kereva, i epovo do una lok pes na lumumuat basinge ia? Ketla nemen gat uta mumu asu lavavara rak, una mu asu lavavara ram.”

Lagale Lavavang At Ne Iesu Karisito Mak Ga Malagan I 6:46

La neni ga vas kaxat basinge di la ga urut uto vana at lakaana xusu na ngising.

Lagale Lavavang At Ne Iesu Karisito Luk Ga Malagan i 9:61

Lara laradi bok ga lok tin, “Leeme Silok, aba mumu asu u, ketla una ke xepe be ia xusu ana lox abeese be lentaba rak.”

Leven Gugu 15:29

Mi noxo anan teveluxa no diraplavang pam min ti lempatpoovo moroa; mi noxo anan lempanga mi lada atnedi, mi noxo anan tempanga mi lavanuet kangkedek no diga xur amer i la lada ren kopmen goxo sen su, la mina ke loklok kakapmek maxamang at lixitkis epot; naba lox avukat tinotno rinimi do mina ke xepe na lempanga. Atnimi bok be.”

Leven Gugu 18:19

Diga rupot to Epesas, la ne Pol ga on basinge ne Pirikila mi ne Akuila. Ni gat pas uto at loogu singising la neni eburu mi limixin me Judaia diga etep mi levelinga.

Leven Gugu 18:20

Diga sing i xusu neni na nemen eburu minedi at tevenaleng, ketla ni goxo siam.

Leven Gugu 18:24

Lara laradi me Judaia laasen teren ne Apolos, neni boro Aleksandria, gat pas uto Epesas. Ni laradi levelinga ren ga lok nunuan amisik la ni gakleklen avukat levelinga at Lovoang Kaala.

Leven Gugu 19:1

Ap mo levenaleng ne Apolos ga nemen to Grik at lemenemen Korin, la ne Pol gat pas at langas babaalom maxeneng ap mo lunep silok Galesia la Pirigia la ni ga rupot to Epesas. Mo go ni ga vosiga lentaba luvuttadi nuunu.

Leven Gugu 19:17

La nedi axap limixin me Judaia la boro Grik bok, no diga nemen to Epesas diga ronga i na; la diga lingun, la limixin axap diga lok ngangao aleng at laasen at ne Iesu.

Leven Gugu 19:21

Melemu at na lempanga ga ravasu, Pol ga doma li be i do ni nat pas uto Jerusalem la na mu langas kantubu at lenep Masadonia la at lenep Grik. Ni ga lok, “Melemu at lavatpas tarak uto Jerusalem, abat pas uto Rom.”

Leven Gugu 20:16

Pol ga doxoma i do ni naba sen polo go Epesas, kusu ni noxo nemen abao ro at loxot Asia. Ni gak lok soso xusu ni naba rupot to Jerusalem, edompo mi laaleng ti lok katling la Pentikos.

Leven Gugu 21:14

Ma goxo lox epovo i xusu ri ba gili lodoxoma ren, kuren la maga ke xepe i la maga lok, “Lavavara at ne Moroa do ni na lox i xuren.”

Leven Gugu 21:29

Diga tong i na mila diga ven ne Tropimas boro Epesas eburu mi ne Pol to xeneng ap mo lemenemen silok, la diga nua i do ne Pol ga lam ka i uto xeneng ap mo loogu laplavang.

Lovoang At Ne Pol Ti Limixin Nunu to Rom 1:10

keneng at levesingising tarak at levenaleng axap. Nia a ngising ne Moroa dola lodoxoma ren kuren, neni naba suang langas tia xusu anaba vot saparap tinotno ba nimi dom.

Lovoang At Ne Pol Ti Limixin Nunu to Rom 15:32

Kuren la nenia anaba vot pasa nemi mi lomomo, do lavavara at ne Moroa xuren, la anaba lok kaka lolos eburu bok minemi.

1 Korin 15:32

La do xopmen taxakatu kaxat amlong, kopmen tavasuun teren do agara esep eburu vam mi levempanga esep mi lavanuet kangkedek atdi ro Epesas. La do labarongan di noxo roo xat amlong, nenia aba ke xepe lugugu at ne Moroa la aba mumu asu loklok di tong i xeretna, “Ata anan la ata inin mila dik ataba met soso mun.” Ais 22:13

1 Korin 16:7

Axo vara i do ana vot pasa nimi monga la ana nemen eburu minimi at teventaba tevenaleng mene. A doxoma i do aba nemen eburu minimi at teventaba teven gaaling abao, mo do Leeme Silok na siam.

1 Korin 16:8

Ketla nia aba nemen nade Epesas se at laaleng at la Pentikos,

1 Korin 4:19

Mo do Leeme Silok na vara i, anaba vot pasa soso nimi xusu nia anaba xasep at lempanga salai luvuttadi loklox asilok di tong i, la nia anabaklen i do di ruuna ruturun pam lololos at Leeme Silok.

2 Korin 13:11

Atnimi bok be luvutnetak mi luvurinuk. Mina lolos ti ruuna ka luruptuvuk i nunuan aleng mene nga la mina ronga res at lisingising tarak tinimi, la levendoxoma atnimi na ngan legesara mun; la mina nemen keneng at limila. La ne Moroa ni lavasuun at labalamu la limila, neni naba nemen eburu minimi.

Epesas 1:1

Nenia ne Pol, laradi vavang at ne Iesu Karisito; Moroa ga soxolik ka ia ri na lugugu. Nia a malagan na levelinga rinemi limixin nuunu boro Epesas, mi nuunu ruturun keneng at ne Iesu Karisito.

Ibru 6:3

Do ne Moroa na mulus, mina ke be na levenanasa la mina lok kaka be mo levenanasa mumu.

Jems 4:15

Ketla nemi mina tong i keretna, “Mo do ne Moroa i vara i, nedik ata rooro, la ataba lok lempanga.”

1 Pita 3:17

I lox avukat kusu mina xip kaka losongsongot at leveloklox avukat, do neni lavavara at ne Moroa xuren, la kopmen do at leveloklok kakapmek.

Lisilimet 1:11

La mo laxaka linga ga lok, “Una lok kaka lugun la una malagan asu na lempanga nenu uba ven i; la una lox aonon i uto at lavanuti leventaugu lotu, tara uto Epesas, la tara uto Smena, la tara uto Pegamam, la tara uto Taiataira, la tara uto Sadis, la tara uto Piladelpia, la tara bok uto Lodisia.”

Lisilimet 2:1

Leeme Silok ga lok bok tia, “Una malagan na levelinga ti laangelo ik lok tatao limixin lotu ro Epesas. ‘Na levelinga boro ap mo lara im tebeng lavanuti larapenti at lekngen tino la neni it pas kantubu at lavanuti levenbabao gol.