Leven Gugu 18:18 - Madak

¹⁸ Pol ga nemen to Korin at levenaleng buaang; melemu ni ga on basinge luvuttadi nuunu la ni ga los kas at lavattaaxup la ni eburu mi ne Pirikila la ne Akuila diga sen uto Siria. Avot ti mo lavatpas, Pol ga lok laxakaape saparap ne Moroa to Senkiria, la ni ga gan pes levengkabinim at lavatlak teren.

Leven Gugu 18:18 ပူးပေါင်းရင်းမြစ်များ

Leven Gugu 21:24

Una lam ka di la una mu asu mo loklox eburu minedi xusu una dadat at lemeren ne Moroa, la una lok bok luunun ap mo loklok tinedi; kuren la diba epovo do dina gan kepe lempat kabinim at lempatlak atdi xusu dina lox epovo mo laxakaape atdi saparap ne Moroa. Kerepmo la limixin axap dibaklen i do mo levelinga mumu u xopmen na ruturun; la diba xasep do nenu ung tonga res at Lenavolo at ne Moses.

1 Korin 9:20

Do ana vavang ti limixin me Judaia, loklok tarak na ngan mun loklok atdi, kusu loklok axa rak noxo lok pe lugugu at ne Moroa xeneng at lorooro atnedi. Nenia xopmen anak lok maxopok at Lenavolo at ne Moses, ketla a lok li ia xuren ap mo levenaleng a tong asu Lagale Lavavang tinedi dik lok maxopok at Lenavolo. Lavasuun teren keretna; diba nuunu at Lagale Lavavang.

Lovoang At Ne Pol Ti Limixin Nunu to Rom 16:1

Na levelinga ti vaase axasep nemi mi lara neinen dik laasen teren ne Poebe, la neni ga lok lugugu silok keneng at lotu at lemenemen Senkiria.

Leven Gugu 18:2

Mo go ni ga ekip tangarang mi laradi me Judaia laasen teren ne Akuila; lemenemen aulis teren Pontas. Ni ga nemen to Itali at lemenemen Rom eburu mi latkin teren ne Pirikila; ketla diga on basinge mo lemenemen, mila lakaisar ne Kolodias ga tong i ri limixin me Judaia xusu nedi axap dina vas kaxat basinge lemenemen Rom. Pol gat pas kusu na ven tidu,

Galesia 1:21

La melemu agat pas uto at lunep silok, Siria la Silisia.

Leven Gugu 15:23

Diga raba nedu mi mo lovoang ga lok keretna; “Nema na luvuttadi vavang la loxongkulao silok, luvutneton nimi; ma lox aonon lomomo atnama rinemi limixin kopmen nemi me Judaia mo mi nemen to Antiok, Siria, la Silisia.

Leven Gugu 21:3

Maga vot at lara loxot la maga ven losoxan Saipras, la maga sen polo i at lenep kia ap mo losoxan uto at lenep silok Siria. Maga oso ro Taia, mo go lavattaaxup ga oso xusu dina xip asu lentaba lempanga.

Leven Gugu 18:26

Ni ga vaase lolos to xeneng at loogu singising. La ne Pirikila mi ne Akuila duga ronga i la duga lam ka i uto at loogu atdu. La duga soxomus avukat box i rin, mi langas nunuan at Leeme Silok.

Leven Gugu 15:41

Dugat pas maxeneng at lunep silok Siria la Silisia, la duga lox alolos luvuttadi nuunu.

Metiu 4:24

Levelinga mumu ne Iesu ga epeseves keneng at lenep silok axap Siria. Kuren la limixin diga lok kaka nedi luvuttadi digak meres mi levenasen anmeres axap, la nedi bok diga suma levesongsongot silok, la nedi luvuttadi mi lubunggas ga suxuna di, la nedi diga ruuna lanmeres diga so asen i do lobomet, la nedi labantuxu atdi ga molo axap. La ne Iesu ga lox aroo nedi axap.

Lagale Lavavang At Ne Iesu Karisito Mak Ga Malagan I 6:46

La neni ga vas kaxat basinge di la ga urut uto vana at lakaana xusu na ngising.

Leven Gugu 1:15

At lara laaleng Pita ga xatu kaxat kantubu atnedi legesa sangaun kobot mi legepu sangaun (120) luvuttadi nuunu;

Leven Gugu 18:27

Apolos ga doxoma i do ni nat pas uto at lenep silok Grik; kuren la luvuttadi nuunu ro Epesas diga paase aronga i la diga malagan lovoang ti luvuttadi nuunu ro Grik; diga tong i ridi do dina siam ka i ugo. Ni ga rupot, la ni ga lok tooro avukat nedi mo diga nuunu at ne Iesu mi loklok tooro at ne Moroa.

Leven Gugu 21:23

Una lok lempanga keretna. Lavanuet luvuttadi na diga xaape saparap ne Moroa.