Leven Gugu 18:10 - Madak

¹⁰ mila nenia ak lox eburu minu, kopmen tara noxo lok empana i do na sev u, mila buaang nedi at na lemenemen, nedi limixin tarak.”

Leven Gugu 18:10 ပူးပေါင်းရင်းမြစ်များ

Metiu 1:23

‘Tatkin maxat naba balan madak la naba visik tamdak temes la limixin diba so asen i mi ne Emanuel.’ Ais 7:14 Lavasuun teren do, ‘Moroa eburu midik.’

Metiu 10:30

La tinimi, lengkabinim at lempatlak atnimi ne Moroa iraklen axap pam i.

Metiu 28:20

La mina lox ase di xusu dinang tonga res at levelinga axap nenia agara tong pam i rinimi. La nenia anabak lox eburu amisik minemi naba se at laxavaxap at na lavatbung menemen.”

Lagale Lavavang At Ne Iesu Karisito Luk Ga Malagan i 21:18

Ketla ne Moroa ba lok tatao avukat nimi.

Lagale Lavavang At Ne Iesu Karisito Jon Ga Malagan I 10:16

Leventaba laxasipsip bok mo rak la dixok lok keneng at na loroboro. Aba lok ka bok di ukeneng. La nedi bok diba ronga laxaka rak la diba ngan legesi binam sipsip mene eburu minedi leventaba laxasipsip no dira nemen pam keneng at loroboro la legesa radi loklok tatao sipsip ba lok tatao di.

Lagale Lavavang At Ne Iesu Karisito Jon Ga Malagan I 11:52

la kopmen tinedi xusuk, ketla tinedi bok limixin kopmen di me Judaia no diga epeseves la neni naba lox asi buru du ngan legesa bungmixin.

Leven Gugu 15:14

Ana vam ne Simon ira soxomus pam i do ganoxa ne Moroa ga lox asu labalamu ren saparap limixin kopmen di me Judaia la ga lok kaka lentaba atnedi xusu tin.

Leven Gugu 15:18

Nenia, Leeme Silok atnimi, a tong i na la aba lok epovo na levelinga kerekngan aga tong li i gano migomgo.” Amo 9:11-12

Leven Gugu 18:11

Kuren la ne Pol ga nemen go at legesa maares mi lavanna gaaling, ga vanasa limixin mi levelinga at ne Moroa.

Leven Gugu 18:9

At lara laxanimin Pol ga ven lisilimet, la Leeme Silok ga lok tin, “Nemen utak marat, ketla una vavang amisik la nemen uta doxoma abulubun la una ke xepe na lugugu rak,

Lovoang At Ne Pol Ti Limixin Nunu to Rom 8:31

Melemu at na ataba tong kaka lavanga salai? Do ne Moroa na tu eburu minedik, nege i epovo xusu na vas asi nedik?

2 Korin 12:9

Ketla ni ga vorang i ria xeretna, “Letaba nabalamu rak tu i epovo xuren, mila lololos tarak naba gugu lolos aleng mo do a lox asuusu i ri limixin, at levenaleng di molobe.” Kuren la aba lok momo aleng tinotno ri mo leveloklok molo rak, kusu mo lololos at ne Karisito naba nemen keneng tarak.

2 Timoti 4:17

Ketla Leeme Silok ga nemen eburu minia la ni ga lox alolos ia, kusu nia aga epovo xusu ana tong asu Lagale Lavavang tinedi limixin kopmen di me Judaia la diga ronga i. La Leeme Silok ga lox aroo ia basinge lanmet.

2 Timoti 4:22

Leeme Silok na nemen eburu mi loroonan taram. Letaba nabalamu at ne Moroa na nemen eburu minu. I ruturun.