Leven Gugu 17:18 - Madak

¹⁸ Lentaba luvuttadi loklox ase diga tong nedi do Epikurian la Stoik diga etep mi levelinga eburu mi ne Pol. Lentaba diga sue, “Lavanga salai na laradi baulang i lok do na tong asu i?” Lentaba vetpes diga lok, “Ni i paase mumu levenmoroa at lengkot petpes.” Diga tong i na mila Pol ga vavang mumu ne Iesu la laxakatu kaxat amlong teren.

Leven Gugu 17:18 ပူးပေါင်းရင်းမြစ်များ

Lagale Lavavang At Ne Iesu Karisito Mak Ga Malagan I 9:14

La diga si posiga luvuttadi loklok ka anasa la diga ven buaang limixin diga tu kangkan di mi luvuttadi loklox ase at Lenavolo diga vetep mi levelinga eburu minedi.

Lagale Lavavang At Ne Iesu Karisito Luk Ga Malagan i 11:53

Se ne Iesu ga vas kaxat basinge mo loxot, luvuttadi loklox ase at Lenavolo la lubung Parisi diga ru ka i xusu dina lox abulubun kepe i la diga sue i mi laxasusue.

Leven Gugu 26:23

Diga tong i do Lanarong naba xip losongsongot la neni lara avot naba roo xat amlong basinge lanmet, kusu ri vaase asu langas ti lok ka lorooro ri leme Judaia la ti limixin kopmen di me Judaia.”

Leven Gugu 4:2

Diga musak mila nedu duga tong i ri limixin do ne Iesu mo ga roo xat amlong pam basinge lanmet, ti lox asuusu i do limixin di met, dinaba roo xat amlong bok.

Leven Gugu 5:42

La at levenaleng axap to xeneng at loogu laplavang la to at leventaugu at limixin, diga anasa la diga vavang mi Lagale Lavavang at ne Iesu, neni Lanarong.

Leven Gugu 6:9

Ketla lentaba luvuttadi di goxopara rin, nedi luvuttadi boro at lumenemen Sairini la Aleksandria; diga lotu at lara loogu singising, laasen teren, ‘Loogu Singising at Luvuttadi Sepsen.’ La lentaba limixin bok me Judaia boro Silisia la Asia di goxopara ne Stiven; nedi axap eburu mi ne Stiven diga etep mi levelinga.

Lovoang At Ne Pol Ti Limixin Nunu to Rom 1:22

Diga lok do nedi luvuttadi leklen, ketla xopmen; nedi luvuttadi baulang mene.

1 Korin 3:18

Nemen gat tara guta xarang axa i. Mo do tara xantubu atnimi i doxoma i do neni mo laradi akleklen ngan limixin at na lavatbung menemen, i epovo do neni na ke xepe mo lakleklen teren la na lok kaka lakleklen tuturun at ne Moroa.

1 Korin 4:10

Limixin at na lavatbung menemen di tong i do nema luvuttadi baulang mun, mila ma gugu at laasen at ne Iesu. Ketla nemi mi lok do mi nemen avukat keneng at ne Iesu. Limixin at na lavatbung menemen di lok do nema luvuttadi gamasa la nemi mi doma i do nemi limixin silok at lorooro at ne Iesu. Limixin at na lavatbung menemen dik lox abulubun nama, ketla dik lok ngangao atnimi.

Kolosi 2:8

Mina lok tatao avukat nimi kusu teta noxo lox asoogong nimi mi leventetere xaxarang, kopmen tavasuun teren; mo lakleklen i laa boro at leveloklox ase at limixin mun la boro bok at leveloklok mede xopok at na lavatkangka, kopmen boro at ne Karisito.