Leven Gugu 16:31 - Madak

³¹ Duga lok, “Una nuunu at Leeme Silok ne Iesu, la nenu ba lok ka lorooro maxat, la nedi axap nom di nemen at loogu ram diba lok ka lorooro maxat.”

Leven Gugu 16:31 ပူးပေါင်းရင်းမြစ်များ

Lagale Lavavang At Ne Iesu Karisito Mak Ga Malagan I 16:16

Dola tara na nuunu at Lagale Lavavang tarak la mina sep susu i, neni naba roo suu. Dola tara noxo nuunu at Lagale Lavavang tarak, neni naba seeve.

Lagale Lavavang At Ne Iesu Karisito Jon Ga Malagan I 1:12

Ketla nedi diga siam ka i la diga nuunu ren, ni ga lok li nedi ngan tinotno luvutnitna ne Moroa.

Lagale Lavavang At Ne Iesu Karisito Jon Ga Malagan I 20:31

Ketla leventaba levempanga sangsangu ik lok at na lubuk kusu mina nuunu do ne Iesu neni Lanarong la Nitna ne Moroa; la do mina nuunu ren, miba ruuna ka lorooro avolo at laasen teren.

Lagale Lavavang At Ne Iesu Karisito Jon Ga Malagan I 3:36

Do nege i nuunu at ne Nitna ne Moroa, neni naba ruuna ka lorooro avolo; la nege do i ronga xepe ne Nitna ne Moroa, neni noxo ruuna ka lorooro avolo la lebelemamao at ne Moroa ik lok mu amisix i.”

Lagale Lavavang At Ne Iesu Karisito Jon Ga Malagan I 6:40

mila lavavara at ne Tamak i lok keretna, nedi do di ven kisip ne Nitna ne Moroa la di nuunu ren, dinaba lok ka lorooro avolo, la nia anaba lox aroo xat di at laaleng ete.”

Lagale Lavavang At Ne Iesu Karisito Jon Ga Malagan I 6:47

A tong tuturun i rinimi; do tara na nuunu rak, neni naba ruuna ka lorooro avolo.

Leven Gugu 15:11

Nedik taga lok ka lorooro maxat keneng mun at letaba nabalamu at Leeme Silok ne Iesu, kerekngan bok nedi.”

Leven Gugu 16:15

Neni eburu minedi diga nemen min ap mo loogu ren diga lok ka lesep susu; melemu ni ga xup kaka nama, “Ude nimi la mina nemen to at loogu rak, mo do nemi mi doxoma i do nenia latkin nuunu ruturun at Leeme Silok.” La ni ga vaase lolos tinama la maga beles.

Leven Gugu 16:32

La duga tong Lagale Lavavang at Leeme Silok tin la tinedi bok mo diga nemen ap mo loogu ren.

Leven Gugu 18:8

Krispas, neni laradi gomgo ap mo loogu singising ga nuunu at Leeme Silok, neni la nedi axap diga nemen at loogu ren diga nuunu; la buaang bok atnedi go Korin diga ronga Lagale Lavavang, la diga nuunu la diga lok ka lesep susu.

Leven Gugu 4:12

Keneng mun at laasen teren nedik ataba lok ka lorooro avolo; mila kopmen bok ba teta at na lavatbung menemen kopok, laasen teren ne Moroa ga raba limixin min kusu nedik ataba rooro mu i.”

Leven Gugu 8:36

Nedu dugat pas ap mo langa la duga rupot to at lara loxot ladan ga nemen teren. La mo laradi gomgo ga lok, “Ladan na ik lok. Lai mo ik lok pe ia do ana lok kaka lesep susu?”

Lovoang At Ne Pol Ti Limixin Nunu to Rom 11:16

Do di raba toxongkide avot ti ne Moroa, mo axap bok lakde, ateren; la do di raba box i mi levenixe una, levengkakan bok at luuna ni at ne Moroa.

Galesia 3:14

Ne Karisito ga un ka amlong nama kusu no loklox anarong ne Moroa ga xaape min ti ne Abaram naba volo bok ti limixin kopmen di me Judaia. Ne Iesu Karisito ga lox epovo i na rinama, kusu mumu mun lunuunu atnama maba ruuna xaka Loroonan no ne Moroa ga xaape min.

Galesia 3:22

Ketla Lovoang Kaala i vaase i xeretna do, limixin axap at na lavatbung menemen, dik lok maxopok at lololos at laxapmek; kuren la na laramtaba ne Moroa ga xaape min ti limixin, it pot mumu mun lunuunu saparap ne Iesu Karisito, la ne Moroa im taba i rinedi di nuunu.

Galesia 3:26

Nemi axap luvutnitna ne Moroa mumu mene lunuunu atnemi saparap ne Iesu Karisito.