Leven Gugu 16:3 - Madak

³ Pol ga vara i do ni na lok ka ne Timoti eburu min, kuren la ni ga vit kepe loxontuxu ren. Ni ga lox i na mila lentaba limixin me Judaia digak lok ap mo lemenemen, digaklen i do ne temen ne Timoti at limixin kopmen di me Judaia.

Leven Gugu 16:3 ပူးပေါင်းရင်းမြစ်များ

Leven Gugu 15:20

Ketla ata malagan tevelinga ri vaase axasep nedi do kopmen di noxo anan leveluxa no diaplavang pam min ti laxampoovo moroa; la dina ke loklok kakapmek maxamang at lixitkis epot, la di noxo anan lempanga mi lavanuet kangkedek no diga xur amer i la lada ren goxo sen su ukamang, la lempanga bok mi lada atnedi.

Leven Gugu 15:37

Banabas ga vara i do na lok ka ne Jon Mak eburu midu.

Leven Gugu 15:40

Ketla ne Pol ga soxolik ka ne Sailas. La luvuttadi nuunu diga song araba ne Pol mi ne Sailas ti loklok tatao at Leeme Silok la duga vas kaxat.

1 Korin 7:19

La kerepmo loklok ti rivit kepe loxontuxu kopla loklok ti ke xepe i, ni lavanga gamasa mun. Lavanga mun i mumuat ni laradi ing tonga res at levelinga at ne Moroa.

1 Korin 9:20

Do ana vavang ti limixin me Judaia, loklok tarak na ngan mun loklok atdi, kusu loklok axa rak noxo lok pe lugugu at ne Moroa xeneng at lorooro atnedi. Nenia xopmen anak lok maxopok at Lenavolo at ne Moses, ketla a lok li ia xuren ap mo levenaleng a tong asu Lagale Lavavang tinedi dik lok maxopok at Lenavolo. Lavasuun teren keretna; diba nuunu at Lagale Lavavang.

Galesia 2:3

Ketla diga siam mu levelinga atnama mi ne Taitas, laradi loklok tooro rak. Neni laradi xopmen i me Judaia, la di goxo tong i do ni na vit kepe toxontuxu ren.

Galesia 2:8

Moroa ga lox alolos ne Pita xusu neni laradi vavang ti limixin me Judaia la kerepmo bok neni ga lox alolos ia xusu nenia laradi vavang ti limixin kopmen di me Judaia.

Galesia 5:6

Do nema mak lox eburu mi ne Iesu Karisito, mo leveloklok ti rivit kepe lengkontuxu kopmen lavanga silok; ixo lok petpes tinotno xantubu at taradi diga vit kepe toxontuxu ren la tara di goxo vit kepe toxontuxu ren. Ketla legesa vanga mene nga i silok aleng, neni lunuunu la labalamu i ravasu ren.

Pilipai 2:22

La nemi miklen pam i do neni gara lox asuusu vam lugugu avukat teren, atla neni ga gugu eburu minia ri tong asu Lagale Lavavang, kerekngan lamdak i gugu eburu mi ne temen.