Leven Gugu 16:22 - Madak

²² Buaang limixin diga beles ap mo leedak silok la diga ru buru mi limixin amgomgo la luvuttadi amgomgo diga lok kepe lempanga singsiga at ne Pol mi ne Sailas, la diga tong i ri limixin esep do dinabak pixis du mi lubuso.

Leven Gugu 16:22 ပူးပေါင်းရင်းမြစ်များ

Metiu 10:17

Mina reven avukat, mila lentaba luvuttadi mo diba ranga alis nimi la dina lok ka nimi ri lavapaase; la dibak pixis nimi ro xeneng at laraugu singising atdi.

Metiu 27:26

La ne Paelat ga soxomus asu ne Barabas tidi. Ketla neni ga raba ne Iesu ri luvuttadi esep kusu dinak pixis i la dina vaxarem i at laxaba.

Lagale Lavavang At Ne Iesu Karisito Luk Ga Malagan i 12:11

Do dina song araba nimi uto at laraugu singising kusu dina lok li nimi at lavapaase, kopla to melamgo at luvuttadi silok kopla to melamgo at luvuttadi amgomgo, nemen mita bulu do miba vaase pe nimi xereva xopla lavanga salai miba tong i;

Leven Gugu 16:37

Ketla Pol ga lok ti mo lavasaxaruki xeretna, “Di goxo vuse ka taxakapmek maxeneng atnama’; diga vixis nema’ at lemeren limixin, la kopmen nak mokso, mila nema’ na lunat boro Rom. Melemu diga lok li nama’ at loogu xokoxo. La at na dia lok do dina lox aonon nemnem nama’. Kopmen tinotno! I epovo do luvuttadi amgomgo axa dibat pas ude la dina soxomus asu nama’.”

Leven Gugu 17:5

Ketla lentaba at lubungmixin me Judaia diga reven peves aleng atdu la diga xup bubua ka nedi la diga lox axatu lodoxoma at limixin kusu dina esep. Diga lok li nom lemenemen axap at langsangan lekarakat la diga ut das lumusaragu at loogu at ne Jeson. Diga lok tong pen i do dina vuse ka ne Pol mi ne Sailas la dina lok ka du kusu duna ru at lavapaase.

Leven Gugu 18:12

At lara laaleng ne Galio ga nemen ngan lamgomgo at limixin to Grik, la limixin me Judaia, diga vot eburu la diga ranga alis ne Pol la diga lok ka i uto at lavapaase.

Leven Gugu 5:40

Luvuttadi amgomgo diga mu asu na lavapaase at ne Gamaliel. Diga ro abeles luvuttadi vavang ukeneng, la digak pixis nedi; la diga tong alolos i ridi do nemen gat nedi ta tong asu laasen at ne Iesu; la diga soxomus asu di.

2 Korin 6:5

Limixin dip sep nama, la di lok li nema at loxokoxo, la di soso antiriban nema la di lok nema ma gugu lolos aleng la kopmen manak lok ka tevenanunga avukat la kopmen tevempanga anan atnema.

1 Tesalonia 2:2

Miklen i do maga vavang avot to Pilipai la limixin mego diga lox asongot nama, la diga paase sese kapmek tinama. Melemu magat pas uto at lemenemen atnimi dom Tesalonia, la buaang atnedi diga xopara nama; ketla ne Moroa ga lok kepe lanmarat basinge nama; la maga tong asu Lagale Lavavang tinimi.

Ibru 11:36

Lavamolon diga lok kalise xapmek leventaba atdi la digak pixis kapmek tino di, la diga koxo alis leventaba bok la diga lox abeles di at laraugu xokoxo.

1 Pita 2:24

Ne Karisito axa neni ga xip leveng kakapmek atnedik keneng at labantuxu ren uto at laxaba kusu nedik tanaba sepmus basinge loklok kakapmek atnedik la ata rooro tik lok leveloklok ik mokso. La nemi mi lox avukat pam mumu mun laranin kooxing teren.