Leven Gugu 16:15 - Madak

¹⁵ Neni eburu minedi diga nemen min ap mo loogu ren diga lok ka lesep susu; melemu ni ga xup kaka nama, “Ude nimi la mina nemen to at loogu rak, mo do nemi mi doxoma i do nenia latkin nuunu ruturun at Leeme Silok.” La ni ga vaase lolos tinama la maga beles.

Leven Gugu 16:15 ပူးပေါင်းရင်းမြစ်များ

Metiu 10:41

Do nege i seega rangarang leeme vapaase alii mila neni leeme vapaase at ne Moroa, neni naba lok ka luunun ngan at leeme vapaase alii; la do nege i seega rangarang ka laradi nunuan, neni naba lok ka luunun ngan at laradi nunuan.

Metiu 3:6

Diga tong asu leveloklok kakapmek atdi la ne Jon ga sep susu nedi ro at ladan sen Joridan.

Lagale Lavavang At Ne Iesu Karisito Luk Ga Malagan i 14:23

La leeme gomgo ga lok ti lasaxaruki, ‘Unat pas uto at larangas at na lenep silok la at levenngas to at laxairing la una lok kaka limixin ude xeneng, kusu loogu rak naba umsu.

Lagale Lavavang At Ne Iesu Karisito Luk Ga Malagan i 24:29

Ketla duga vaase lolos alis i, la duga lok, “Una nemen be minama’ at na loxonaleng mila laaleng na, ira xantinao nga na la lemenemen na ira buxumin ta.” Kuren la ni ga vas beles ukeneng la ga nemen eburu midu.

Leven Gugu 11:14

Ni ba vaase tevelinga ru la nenu minedi axap na di nemen at loogu ram miba roo suu.’

Leven Gugu 16:31

Duga lok, “Una nuunu at Leeme Silok ne Iesu, la nenu ba lok ka lorooro maxat, la nedi axap nom di nemen at loogu ram diba lok ka lorooro maxat.”

Leven Gugu 16:33

Ap mo mene laaleng at laxanimin laradi loklok tatao loogu xokoxo ga sat kaka du la ga gos levenin kooxing atdu; la neni eburu minedi diga nemen at loogu ren diga lok ka lesep susu ap mo mene loxonaleng.

Leven Gugu 16:34

Ni ga lok ka ne Pol mi ne Sailas uto at loogu ren la ga raba nedu mi leveluxa ri anan. Neni eburu minedi diga nemen at loogu ren diga umsu mi lomomo, mila diga nuunu ba at ne Moroa.

Leven Gugu 18:8

Krispas, neni laradi gomgo ap mo loogu singising ga nuunu at Leeme Silok, neni la nedi axap diga nemen at loogu ren diga nuunu; la buaang bok atnedi go Korin diga ronga Lagale Lavavang, la diga nuunu la diga lok ka lesep susu.

Leven Gugu 8:12

La nedi diga nuunu at lavapaase at ne Pilip mumu Lagale Lavavang at Linintoo at ne Moroa la at laasen at ne Iesu me Nasaret, Pilip ga sep susu di, lavatlok la lavakin bok.

Leven Gugu 8:38

Mo leeme silok ga lox alis mo lavatkaris la lakaris ga ru; la Pilip eburu mi mo laradi duga vas si uto xopok at ladan la diga ru ro xeneng teren, la ne Pilip ga sep susu i.

Lovoang At Ne Pol Ti Limixin Nunu to Rom 16:23

Ne Gaius laradi no nema mak lok lotu ro at loogu ren i lox aonon lavapaase momo bok teren tinemi. La ne Erastas bok laradi ik lok tatao lempilas at lemenemen silok eburu mi neton nedik ne Kuatas nedu du lox aonon bok lavapaase momo atnedu.

2 Korin 12:11

A lok ngan tinotno laradi baulang mumu mo levelinga a tong pam i, ketla nemi xa miga pu soso ia rin. I epovo do nemi mina lox aru ia, mila nia xopmen ana lixilik tino ti nom luvuttadi vavang kaxarang mi lok do di silok aleng, keke i do nenia laradi gamasa mun.

2 Korin 5:14

Labalamu at ne Karisito i sasat dik, la atakleklen tuturun i do legesara mun ga uu nop loklok at limixin axap, i lok ngan ta do limixin axap diga met.

Galesia 6:10

Kuren la amo nga nedik move di ruuna levenaleng, i lox avukat do atanak lok loklok i lox avukat ti limixin axap, i ngan tinedi rinotno bok dik lox eburu minedik keneng at lunuunu atnedik.

Epesas 1:1

Nenia ne Pol, laradi vavang at ne Iesu Karisito; Moroa ga soxolik ka ia ri na lugugu. Nia a malagan na levelinga rinemi limixin nuunu boro Epesas, mi nuunu ruturun keneng at ne Iesu Karisito.

Pilipai 1:7

Am doma su amisik atnimi mi lomomo. La at lusumsuma rak ik mokso do ana doma mumu nemi. Nemi miga gugu eburu minia ap mo lugugu ne Moroa ga raba ia min la ni ga raba nimi mi lolos kusu minap kiv i, i se nga na nenia ak lok at loxokoxo, la ap mo bok levenaleng nenia agat pas tangtagap kusu ana lox asuusu i do Lagale Lavavang i return, la kusu ana lok limixin nuunu kusu dina ru lolos teen.

Pilimon 1:17

Dola u doma i do nenia lentangas avukat taram, una seega rangarang i ngan u seega rangarang ia.

Ibru 13:2

Nemen mita ke xepe loklok ti lok maraose mi luvuttadi xadiong. Leventaba diga mu asu na loklok, ketla di goxoklen i do diga lok maraose mi lubung angelo at ne Moroa.

1 Pita 5:12

Ne Sailas ga lok tooro ia xusu ri malagan na lovoang mutmut tinemi, la neni netak at laasen at ne Karisito. A vara i xusu ana lox alolos nemi mi levelinga at na lovoang, anai neni letaba nabalamu rinotno at ne Moroa. Kuren la mina tu lolos keneng teren.

2 Jon 1:10

Do tara i vot pasa nimi la i vaase asu levenanasa kopmen at ne Karisito, keket mita mulus ka i. La keket mita lok maraose min la mina seega rangarang i.

3 Jon 1:5

Lentangas orong tarak. At lugugu ram ti lok tooro luvutneton dik, uk lox ampana avukar i, keke i do nedi limixin dik taxoklen di.

3 Jon 1:8

Kuren la i epovo rinotno do nedik limixin nuunu ata lok maraose mi nom luvuttadi kusu nedik axap ata gugu eburu ti tong asu levelinga ruturun.