Leven Gugu 16:12 - Madak

¹² Maga vas kaxat mego uto Pilipai, lemenemen silok avot at lenep silok Masadonia; ni lemenemen buaang limixin boro Rom diga nemen go. Maga nemen ap mo lemenemen silok at lentaba levenaleng.

Leven Gugu 16:12 ပူးပေါင်းရင်းမြစ်များ

Leven Gugu 16:10

Melemu at ne Pol ga ven na lisilimet, soso mun nema maga gagas kusu manat pas uto Masadonia, mila magaklen i do Moroa ga ro ka vam nama kusu mana vaase asu Lagale Lavavang ti limixin me go.

Leven Gugu 16:21

Duk lox ase limixin mi leveloklok no xopmen na epovo at loklok atdik; nedik at lubungmixin me Rom la ixo epovo do tana siam ka i la tana lok tong pen i.”

Leven Gugu 16:9

Ap mo laxanimin Pol ga ven lisilimet la ni ga ven laradi boro Masadonia ga tu, la ga sing i, “Unat pas ude Masadonia la una lok tooro nama!”

Leven Gugu 18:5

At lara laaleng ne Sailas mi ne Timoti duga rupot boro Masadonia, la melemu ne Pol ga raba levenaleng axap teren ti vavang mi Lagale Lavavang la ga tong i ri limixin me Judaia do ne Iesu, neni Lanarong.

Leven Gugu 19:21

Melemu at na lempanga ga ravasu, Pol ga doma li be i do ni nat pas uto Jerusalem la na mu langas kantubu at lenep Masadonia la at lenep Grik. Ni ga lok, “Melemu at lavatpas tarak uto Jerusalem, abat pas uto Rom.”

Leven Gugu 19:29

Mo luxupkup ga epeseves ap mo lemenemen axap; mo limixin diga ranga alis ne Gaius mi ne Aristakas, nedu boro Masadonia dugat pas amisik eburu mi ne Pol, la diga sixit eburu minedu uto at loxot papaase buru.

Leven Gugu 20:1

Melemu at leedak gara xap pam, Pol ga xup bubua ka luvuttadi nuunu, la ni ga vaase loklok tooro rinedi la diga xaduk aonon i. La ni ga on basinge nedi la gat pas uto Masadonia.

Leven Gugu 20:3

Ni ga nemen go ga at lavantun gaaling. Ga se ni ga gagas kusu ri mu lavattaaxup uto Siria, ni ga long lenger i do leme Judaia mo diga paase alii ri sev i; kuren la ni ga doma li i xusu namlong kantubu at lenep silok Masadonia.

Leven Gugu 20:6

Maga sen kaxat boro Pilipai melemu at lara leluxa laasen teren Lovovolo Pe; la melemu at lavalimo aleng maga vosiga di ro Troas, mo go maga nemen eburu midi at lavanuti aleng.

Leven Gugu 27:2

Nema mi ne Pol maga los kas at lavattaaxup boro Adramatiam, mo ga gagas kusu na sen kaxat uto at levesoolom at lenep silok Asia, la maga sixit kaxat. Aristakas, neni boro Masadonia at lemenemen Tesalonia, neni ga emu eburu minema.

Lovoang At Ne Pol Ti Limixin Nunu to Rom 15:26

atla limixin at ne Moroa boro Masadonia la boro Grik di vara i xusu dina raba leventamtaba loklok tooro atnedi ri limixin banbalo dik lok kantubu at limixin at ne Moroa ro Jerusalem.

Pilipai 1:1

Nenia ne Pol. Nema’ mi ne Timoti, luasaxaruki at ne Iesu Karisito. Ma sok na lovoang tinemi limixin at ne Moroa mi nemen keneng at lemenemen silok Pilipai, la ti luvuttadi amgomgo bok at lotu la luvuttadi loklok tooro, mo miga siam kaka ne Iesu Karisito xeneng at lorooro atnimi.

Pilipai 1:5

mila miga lok tooro ia mi lugugu at Lagale Lavavang ga ru ka i at laaleng nia aga vaxaru xat ka lugugu dom kantubu atnimi la ise ningina.

1 Tesalonia 2:2

Miklen i do maga vavang avot to Pilipai la limixin mego diga lox asongot nama, la diga paase sese kapmek tinama. Melemu magat pas uto at lemenemen atnimi dom Tesalonia, la buaang atnedi diga xopara nama; ketla ne Moroa ga lok kepe lanmarat basinge nama; la maga tong asu Lagale Lavavang tinimi.