Leven Gugu 15:3 - Madak

³ Luvuttadi lotu me go Antiok diga sak tiki nedi uto Jerusalem, la digat pas maxeneng at lengkot Pinisia la Samaria la diga tong asu i ri limixin nuunu go, do limixin kopmen di me Judaia, mo diga leeng la diga nuunu at ne Iesu; lavavang at na ga lox amomo buaang nedi luvuttadi nuunu.

Leven Gugu 15:3 ပူးပေါင်းရင်းမြစ်များ

Lagale Lavavang At Ne Iesu Karisito Luk Ga Malagan i 15:32

Ketla ata lok leluxa la ata momo, mila netam ga met, ketla ira roo xat amlong pam; neni ga vuktanga, ketla ara vuse ka amlong pam i.”

Leven Gugu 1:15

At lara laaleng Pita ga xatu kaxat kantubu atnedi legesa sangaun kobot mi legepu sangaun (120) luvuttadi nuunu;

Leven Gugu 13:48

Mo limixin kopmen di me Judaia diga ronga i na la diga lok momo aleng, la diga emi asu mi Leeme Silok ne Moroa, mumu levelinga ren; la nedi ne Moroa ga soxolik ka vam di ri lorooro avolo, diga nuunu at ne Iesu.

Leven Gugu 13:52

Luvuttadi nuunu mego Antiok diga umsu mi Loroonan Kaala la lomomo bok.

Leven Gugu 14:27

Duga rupot to Antiok la duga ro bubua limixin axap at lotu, la duga tong asu lempanga ne Moroa ga lox i at levengkikngen du; la duga tong i do ne Moroa ga suang langas ti limixin kopmen di me Judaia xusu dina nuunu.

Leven Gugu 15:1

Lentaba luvuttadi nuunu diga la boro Judaia uto Antiok la diga lok ti luvuttadi nuunu mego keretna, “Nemi xopmen mi noxo lok ka lorooro do xopmen mi noxo vit kepe lengkontuxu atnimi xerekngan Lenavolo at ne Moses i tong i.”

Leven Gugu 15:12

Nedi axap mo diga xis pilo at loxonaleng ne Banabas mi ne Pol duga tong asu lempanga sangsangu ne Moroa ga lox i at levengkikngen du kantubu atnedi limixin kopmen di me Judaia.

Leven Gugu 15:22

La luvuttadi vavang la loxongkulao silok eburu mi limixin axap at lotu, diga doma i do dina soxolik ka lentaba luvuttadi ap mo libinam tadi la dina sak tiki nedi uto Antiok eburu mi ne Pol la ne Banabas. Diga soxolik ka ne Judas, laasen bok teren ne Basabas, la ne Sailas; nedu luradi silok kantubu at limixin nuunu.

Leven Gugu 15:32

Judas la ne Sailas, nedu vam luradi vapaase alii, duga vaase abao aleng eburu mi luvuttadi nuunu, la duga lox alolos nedi.

Leven Gugu 15:4

Se diga rupot to Jerusalem, limixin at lotu me go la luvuttadi vavang la loxongkulao silok diga seega rangarang di, la ne Pol mi ne Banabas duga tong mo lempanga ne Moroa ga lox i xantubu at lugugu at nedu.

Leven Gugu 17:15

La nedi diga emu mi ne Pol, digat pas eburu min uto Atens. Melemu digamlong uto Beria mi levelinga loklox axasep boro at ne Pol do ne Sailas mi ne Timoti duba vosiga soso mene i.

Leven Gugu 20:38

Diga lok bukbulu aleng at levelinga ni ga tong i do di noxo ven bok ba i. La diga emu min uto at lavattaaxup.

Leven Gugu 21:5

Ketla levenaleng atnama ri nemen go ga xap, la maga on basinge mo lemenemen silok. Nedi axap, eburu mi lavakin atnedi la laxaalik kakalik atdi, diga vas kaxat eburu minema uto loxon. Maga xis tiktikbu mi lempatgulom atnama ro loxon la maga lok lising.

Leven Gugu 28:15

Luvuttadi nuunu ro Rom diga ronga i do nema maga vot la digat pas epolo uto at lenep etang at ne Apias la uto at lemenemen laasen teren Lavantun Laraugu kusu ri ekip tangarang minama. Pol ga ven di la ga tong avukat ti ne Moroa la lodoxoma ren ga lolos ba.

Leven Gugu 8:14

Luvuttadi vavang to Jerusalem diga ronga i do limixin to Samaria diga nuunu at levelinga at ne Moroa; kuren la diga riki ne Pita mi ne Jon saparap nedi.

Lovoang At Ne Pol Ti Limixin Nunu to Rom 15:24

La a doma i do anaba lox epovo ba i mo. A vara i do anaba ven nemi at loxonaleng nenia ana lok lavatpas tarak uto Spein, la minaba lok tooro box ia rit pas ugo melemu at loklok tarak eburu minemi at lentaba levenaleng.

1 Korin 16:11

Nemen gat tara na lox abulubun kepe i, ketla mina lok tooro i xusu ri lok mo lavatpas teren keneng at lenmila, kusu neni nabamlong bok ude saparav ia; la a doxoma i do neni nabamlong eburu midi luvuttadi nuunu.

1 Korin 16:6

Agut aba nemen eburu minimi go at teventaba teven gaaling, kopla at leven gaaling axap at lamdut kusu nemi miba lok tooro ia at lavatpas tarak dom at levengkot salai nia anat pas teren.

2 Korin 1:16

Aga doma gagas i xusu at lavatpas tarak uto Masadonia la lomlong bok tarak, aba vot pasa be nimi xusu anaba lok ka teveloklok tooro me dom atnimi ti lavatpas tarak uto Judaia.

Taitas 3:13

La una lok tooro avukat ne Sinas, laradi likling at levelinga, eburu mi ne Apolos at lavatpas atdu. Una lok taba du mi levempanga duk pakes tin ti mo lavatpas.