Leven Gugu 15:24 - Madak

²⁴ Maga ronga i do lentaba atnama digat pas udo saparap nimi, la diga lox ekarakat nimi la diga lox abulu nimi mumu loklok ti rivit kepe lengkontuxu; di xopmen di goxo lok ka tevelinga atnama xusu ri lox i mo.

Leven Gugu 15:24 ပူးပေါင်းရင်းမြစ်များ

Leven Gugu 15:1

Lentaba luvuttadi nuunu diga la boro Judaia uto Antiok la diga lok ti luvuttadi nuunu mego keretna, “Nemi xopmen mi noxo lok ka lorooro do xopmen mi noxo vit kepe lengkontuxu atnimi xerekngan Lenavolo at ne Moses i tong i.”

Galesia 1:7

La i ruturun tinotno do kopmen bok ba tepavang avukat petpes; ketla a vaase i na atla lentaba luvuttadi mo dik lox ekarakat lodoxoma atnemi la dirak lok tong i xusu dinaba ba gili Lagale Lavavang at ne Karisito ti langas petpes.

Galesia 5:10

Keneng at Leeme Silok nia a nuunu rinotno do nemi mi noxo mu bok ba langas petpes, la neni no nege ga lok ekarakat lodoxoma atnemi, ne Moroa naba lok li lumumuat teren.

Galesia 5:12

Nia a lok do mo limixin dik lox ekarakat lodoxoma atnemi, di noxo repes basinge mo loklok; i lox avukat do dina mumu asu mo loklok la dina vit kepe axap ta i.

Galesia 5:4

La nemi mi lolos tinotno xusu mina sepmus basinge laxakapmek atla mi mumu asu Lenavolo, nemi mi lok ngan ta do, mi ra korop pes axa nemi basinge ne Karisito. La nemi mik lok ta maxamang at letaba nabalamu at ne Moroa.

2 Timoti 2:14

Una tong aronga amisik limixin at lotu mi na levelinga la una paase lolos tidi at lemeren ne Moroa do nemen dita etep mi levelinga. Na loklok ixo lok tooro di la naba lok kapmek lodoxoma at limixin tongtonga.

1 Jon 2:19

Gano diga nemen eburu minedik ngan limixin at ne Iesu Karisito. Ketla nedi goxopmen limixin teren; kuren la diga on basinge dik. Nedi do gita nuunu at ne Iesu Karisito, nedi gitoxo on basinge dik. Ketla diga on basinge vam dik, kuren la dik ta xasep do nedi xopmen at ne Iesu Karisito.