Leven Gugu 14:27 - Madak

²⁷ Duga rupot to Antiok la duga ro bubua limixin axap at lotu, la duga tong asu lempanga ne Moroa ga lox i at levengkikngen du; la duga tong i do ne Moroa ga suang langas ti limixin kopmen di me Judaia xusu dina nuunu.

Leven Gugu 14:27 ပူးပေါင်းရင်းမြစ်များ

Lagale Lavavang At Ne Iesu Karisito Jon Ga Malagan I 9:10

La diga sue lolos i, “Luxatli ram i lox avukat kereva?”

Leven Gugu 11:18

Diga ronga i na la lodoxoma atdi ga lok mulus la diga emi asu mi ne Moroa. Diga lok, “Moroa ira suang pam langas ti lorooro xusu limixin kopmen di me Judaia, dina leeng basinge laxakapmek atnedi la dina ruuna ka lorooro maxat.”

Leven Gugu 15:12

Nedi axap mo diga xis pilo at loxonaleng ne Banabas mi ne Pol duga tong asu lempanga sangsangu ne Moroa ga lox i at levengkikngen du kantubu atnedi limixin kopmen di me Judaia.

Lovoang At Ne Pol Ti Limixin Nunu to Rom 15:18

Anaba paase xusuk mun at levempanga ne Karisito gara lok tooro vam ia min la ti lam kaka limixin kopmen di me Judaia xusu dina ronga res at ne Moroa xeneng at levelinga rak la leven gugu rak,

1 Korin 11:18

Lavanga avot i lok keretna; nia aga ronga i do lixitkis epeseves mo ik lok kantubu at levempotpot buru atnimi; la a lok do nai i ruturun.

1 Korin 14:23

Mo do limixin lotu axap dina vot buru la nedi axap dina ru ka i do dina paase mi levempapaase vetpes la do teventaba tuvuttadi gamasa go kopla tuvuttadi xopmen dina nuunu, dina vubeles, nedi diba nua i do nemi mo mi baulang.

1 Korin 15:10

Ketla ne Moroa ga lox asuusu langsangan letaba nabalamu ren tia la ni ga lox amaxar ia, i ngan ta laradi vavang; la maxeneng at na letaba nabalamu ni ga raba ia min, laxampanga nunuan ga ravasu at lorooro rak, i ngan aga gugu lolos tinotno rinedi lentaba luvuttadi vavang. Ketla xopmen lololos tarak na nia aga gugu min, ketla letaba nabalamu at ne Moroa mo ga lox ia xusu a epovo ana gugu lolos.

1 Korin 16:9

mila langas ira rem suang pam tia ri lok leven gugu silok ketla buaang bok limixin di ru pe lugugu rak.

1 Korin 5:4

Do mina vot eburu at laasen at Leeme Silok ne Iesu, ba lok ngan ta do a nemen eburu minimi, la lololos at Leeme Silok atdik ne Iesu mo ba nemen eburu midik.

2 Korin 2:12

Gase aga vot to Troas kusu ana vavang mi Lagale Lavavang mumu ne Karisito, aga long lenger i do Leeme Silok ga suang langas tia ri lok lugugu go.

Kolosi 4:3

La mina ngising bok tinema’ kusu ne Moroa naba suang lumusaragu nade rinama’ ti paase asu Lagale Lavavang mumu ne Karisito, gano mo Lagale Lavavang ga nemen alipe. La nenia a nemen at loxokoxo mumu mun i mo Lagale Lavavang.