Leven Gugu 14:21 - Madak

²¹ Pol mi ne Banabas duga tong asu Lagale Lavavang to Debi, la duga lok ka buaang luvuttadi diga lok ka lunuunu maxat. Dugamlong bok uto Listra, la uto bok Aikoniam, la melemu dugat pas uto Antiok at lenep Pisidia.

Leven Gugu 14:21 ပူးပေါင်းရင်းမြစ်များ

Leven Gugu 14:19

Lentaba limixin me Judaia diga la boro Antiok at lenep Pisidia la boro bok Aikoniam. La diga lox axatu kaxat lodoxoma at limixin me go Listra la diga lu ne Pol mi laxanuat, la diga sar asu i basinge mo lemenemen; diga nua i do ni mo ga met.

Leven Gugu 14:1

Pol mi ne Banabas duga lok mun lugugu ro Aikoniam kerekngan diga lox i ro Antiok. Duga beles to at loogu singising at limixin me Judaia la duga vavang avukat tinotno; kuren la buaang nedi limixin me Judaia eburu mi limixin bok kopmen di me Judaia diga nuunu.

Leven Gugu 13:51

La luradi vavang duga lok kepe laxakup basinge lengkangkedek atdu saparap nedi xusu duna lox asu lumukmusak at ne Moroa ridi; la dugat pas uto Aikoniam.

2 Timoti 3:11

Nenu ukleklen i do limixin diga lox asongor ia mumu lunuunu rak, la agap kip levesongsongot kerepmo ro Antiok, Aikoniam, la to bok Listra. Mo levesongsongot ga lolos aleng, ketla nia aga tu lolos, la Leeme Silok ga lox aroo ia basinge di ap mo levenmenemen.

Leven Gugu 14:6

Ketla luradi vavang duga ronga i na la duga sixiro uto at lenep Likonia. Mo go duga vavang mi Lagale Lavavang to at lumenemen Listra la Debi, la to at lengkot petpes bok ap mo lenep.

Leven Gugu 13:14

Duga vas kaxat boro Pega la duga rupot to Antiok at lenep silok Pisidia; la at laaleng kaala duga beles uto at loogu singising la duga xis kopok.

Metiu 28:19

Kuren la mina onon la mina lox ase limixin at lengkot axap kusu diba ravasu ngan luvuttadi loklok ka anasa rak; la mina sep susu di mi laasen at ne Temen dik la ne Nitna eburu bok mi Loroonan Kaala.

Leven Gugu 16:2

Luvuttadi nuunu ro Listra la Aikoniam diga tong i do ne Timoti neni laradi avukat.

Leven Gugu 15:36

Lentaba levenaleng ga volo la ne Pol ga lok ti ne Banabas, “Atamlong la ata ven luvuttadi nuunu ro at levenmenemen axap no neda taga vavang mi levelinga at Leeme Silok e, la ataba ven i do nedi mo diak lok ta xereva.”

Leven Gugu 14:8

Lara laradi ga nemen to Listra, luxangkedek teren ga molo axap, ni ga molo kaxat at laaleng nenen ga visik asu xa i xuren; la ni goxo epovo do nat pas.

Leven Gugu 2:47

Diga emi asu mi ne Moroa la limixin axap diga lok ngangao atdi. At levenaleng axap Leeme Silok gam lam abeles bok luvuttadi diga lok kaka lunuunu at laasen at ne Iesu ukeneng ap mo lexekexes atdi.

Leven Gugu 14:15

“Nemi limixin, tila mi lox i na? Nema mun luradi, luradi xerekngan nimi! Nema na ma nemen de xusu mana tong asu Lagale Lavavang la mina ba gili lorooro atnimi basinge lempanga gamasa xerepmo. La mina mumu asu ne Moroa mo i rooro, ga rudum li laxalibet, laxangka, laras la lempanga axap mo di nemen maxeneng atdi.

Leven Gugu 14:26

La duga los kas at lavattaaxup go Atalia la duga sen uto Antiok; ap mo lemenemen no limixin nuunu diga raba nedu maxopok at letaba nabalamu at ne Moroa ri lugugu mo duga lox axap pam i.