Leven Gugu 14:1 - Madak

¹ Pol mi ne Banabas duga lok mun lugugu ro Aikoniam kerekngan diga lox i ro Antiok. Duga beles to at loogu singising at limixin me Judaia la duga vavang avukat tinotno; kuren la buaang nedi limixin me Judaia eburu mi limixin bok kopmen di me Judaia diga nuunu.

Leven Gugu 14:1 ပူးပေါင်းရင်းမြစ်များ

Lagale Lavavang At Ne Iesu Karisito Mak Ga Malagan I 7:26

Nom latkin, neni me Grik ketla diga visix i ro at lenep Siropinisia. La neni ga sing ne Iesu dola neni na riki kepe lagas basinge loolik teren.

Lagale Lavavang At Ne Iesu Karisito Jon Ga Malagan I 12:20

Ap mo laaleng at leluxa, leventaba limixin me Grik diga nemen kantubu ap mo limixin mo digat pas uto Jerusalem kusu ri lotu.

Lagale Lavavang At Ne Iesu Karisito Jon Ga Malagan I 7:35

Luvuttadi amgomgo diga epaase xantubu atdi xeretna, “I lok do ni mo nat pas ua xusu nedik noxo vuse ka i. Agut neni nabat pas uto at tara temenemen silok at limixin boro Grik; no limixin me Judaia dik lox e la neni naba anasa limixin boro Grik.

Leven Gugu 11:21

La Leeme Silok ga lox alolos nedi la buaang nedi limixin diga nuunu la diga leeng basinge laxakapmek atdi la diga raba lorooro atdi ri Leeme Silok.

Leven Gugu 13:43

Melemu at limixin diga on basinge loogu singising, buaang atnedi limixin me Judaia la nedi bok kopmen di me Judaia, mo diga lok ka vam lotu at limixin me Judaia, diga mumu asu ne Pol mi ne Banabas; duga paase ridi la duga lox alolos di xusu dina nemen keneng at letaba nabalamu at ne Moroa.

Leven Gugu 13:46

Ketla ne Pol mi ne Banabas duga paase lolos aleng la kopmen du goxo marat. Duga lok keretna, “Ik mokso at lemeren ne Moroa do mana tong avot be levelinga at ne Moroa rinemi limixin me Judaia. Ketla nemi mi xopara rin, la kerepmo xopmen mina epovo ri ruuna ka lorooro avolo; mana ke xepe nimi la mana tong asu levelinga at ne Moroa ri limixin kopmen di me Judaia.

Leven Gugu 13:5

Duga rupot go Salamis, la duga tong asu levelinga at ne Moroa go at laraugu singising at limixin me Judaia. Jon Mak gak lox eburu minedu kusu ri lok tooro du at lugugu.

Leven Gugu 13:51

La luradi vavang duga lok kepe laxakup basinge lengkangkedek atdu saparap nedi xusu duna lox asu lumukmusak at ne Moroa ridi; la dugat pas uto Aikoniam.

Leven Gugu 14:19

Lentaba limixin me Judaia diga la boro Antiok at lenep Pisidia la boro bok Aikoniam. La diga lox axatu kaxat lodoxoma at limixin me go Listra la diga lu ne Pol mi laxanuat, la diga sar asu i basinge mo lemenemen; diga nua i do ni mo ga met.

Leven Gugu 14:2

Ketla lentaba limixin me Judaia no di goxo nuunu, diga lox axatu lodoxoma at lentaba limixin kopmen di me Judaia la diga vaase pe lusumsuma atnedi basinge luradi nuunu.

Leven Gugu 14:21

Pol mi ne Banabas duga tong asu Lagale Lavavang to Debi, la duga lok ka buaang luvuttadi diga lok ka lunuunu maxat. Dugamlong bok uto Listra, la uto bok Aikoniam, la melemu dugat pas uto Antiok at lenep Pisidia.

Leven Gugu 16:1

Pol ga vas kaxat basinge mo lunep silok, la gat pas uto Debi la Listra. Lara laradi nuunu laasen teren ne Timoti ga nemen go Listra; nenen bok, ni latkin nuunu at lubungmixin me Judaia, ketla ne temen neni at lubungmixin me Grik.

Leven Gugu 16:2

Luvuttadi nuunu ro Listra la Aikoniam diga tong i do ne Timoti neni laradi avukat.

Leven Gugu 17:12

Buaang atnedi diga nuunu, la buaang nedi lavakin silok boro Grik la buaang atnedi lavatlok boro Grik diga nuunu bok.

Leven Gugu 17:17

Kuren la ni ga paase ro at loogu singising eburu mi leme Judaia la limixin kopmen di me Judaia bok no diga lotu saparap ne Moroa. La at levenaleng axap ni ga vavang bok ti limixin mo digat pot amisik to at loxot potpot buru.

Leven Gugu 17:4

Lentaba atnedi leme Judaia diga nuunu la diga mu asu ne Pol la ne Sailas; la buaang nedi bok limixin me Grik no diga lotu saparap ne Moroa, la buaang bok atnedi lavakin gomgo diga nuunu.

Leven Gugu 18:4

Ni ga vavang amisik to at loogu singising at levenaleng kaala, gak lok tong pen i do na lok limixin me Judaia la me Grik dina nuunu.

Leven Gugu 18:8

Krispas, neni laradi gomgo ap mo loogu singising ga nuunu at Leeme Silok, neni la nedi axap diga nemen at loogu ren diga nuunu; la buaang bok atnedi go Korin diga ronga Lagale Lavavang, la diga nuunu la diga lok ka lesep susu.

Leven Gugu 19:10

Pol ga nemen go la ga anasa limixin at legepu maares; kuren la limixin no diga nemen taba ro at lengkot Asia, nedi leme Judaia la leme Grik bok diga ronga levelinga at ne Moroa.

Leven Gugu 19:17

La nedi axap limixin me Judaia la boro Grik bok, no diga nemen to Epesas diga ronga i na; la diga lingun, la limixin axap diga lok ngangao aleng at laasen at ne Iesu.

Leven Gugu 19:8

Maxeneng at lavantun gaaling Pol ga pubeles at loogu singising, la ni ga paase lolos ti limixin, ni ga vetep mi levelinga eburu minedi la ga lok tong pen i do na sat ka lunuunu atnedi ri Linintoo at ne Moroa.

Leven Gugu 2:47

Diga emi asu mi ne Moroa la limixin axap diga lok ngangao atdi. At levenaleng axap Leeme Silok gam lam abeles bok luvuttadi diga lok kaka lunuunu at laasen at ne Iesu ukeneng ap mo lexekexes atdi.

Leven Gugu 20:21

Ti leme Judaia la limixin kopmen di me Judaia bok aga vaase lolos tinedi do dina leeng basinge laxakapmek atnedi, la dina vot parap ne Moroa, la dina nuunu at Leeme Silok ne Iesu.

Leven Gugu 21:28

Digap kup keretna, “Nemi limixin me Israel. Ude nimi la mina lok tooro nama. Anai laradi na it pas tangtagap at lengkot axap la ik lox ase limixin do dina lox abulubun kepe limixin me Judaia la dina ke xepe Lenavolo atdik la na loogu laplavang. La ana nga ira lok ka laradi xopmen me Judaia ukeneng at loogu laplavang la kerepmo i lok puvula na loogu xaala!”

Leven Gugu 9:20

Sol ga beles to xeneng at laraugu singising la soso mun ni ga vaxaru ka i xusu na vavang mi laasen at ne Iesu. Ni ga lok, “Iesu neni Nitna ne Moroa.”

Lovoang At Ne Pol Ti Limixin Nunu to Rom 1:16

Nia xopmen ana lok mamangan ti vavang mi Lagale Lavavang, atla ni lololos at ne Moroa ri lox arooro nedi axap di nuunu, leme Judaia avot la melemu rinedi limixin kopmen me Judaia,

Lovoang At Ne Pol Ti Limixin Nunu to Rom 10:12

Ana levelinga i vung kimit limixin axap, atla kopmen tevereven petpes kantubu at limixin me Judaia la limixin kopmen di me Judaia; Moroa xusuk mun legese Eme Silok atnedik axap, la ik lox anarong aleng nedi di ngising ti loklok tooro boro ren.

Galesia 2:3

Ketla diga siam mu levelinga atnama mi ne Taitas, laradi loklok tooro rak. Neni laradi xopmen i me Judaia, la di goxo tong i do ni na vit kepe toxontuxu ren.

Galesia 3:28

Kuren la limixin me Judaia eburu minedi xopmen di me Judaia, di epovo axap mun, kuren bok pam at luvuttadi asaxaruki la luvuttadi dik lok gamasa, la nedi bok lavatlok la lavakin; nemi axap mi lok ngan mun legesara keneng at lurutu eburu mi ne Iesu Karisito.

Kolosi 3:11

La ti lususu ba ren keretna, kopmen bok ba leme Grik dina lok petpes ti leme Judaia, leme Judaia la nedi kopmen me Judaia, limixin etaba, limixin at lamain, limixin saksaxaruki la limixin di nemen gamasa mun; legesa Karisito mun ik lok la i suxuna lorooro atnedi axap.

2 Timoti 3:11

Nenu ukleklen i do limixin diga lox asongor ia mumu lunuunu rak, la agap kip levesongsongot kerepmo ro Antiok, Aikoniam, la to bok Listra. Mo levesongsongot ga lolos aleng, ketla nia aga tu lolos, la Leeme Silok ga lox aroo ia basinge di ap mo levenmenemen.