Leven Gugu 13:5 - Madak

⁵ Duga rupot go Salamis, la duga tong asu levelinga at ne Moroa go at laraugu singising at limixin me Judaia. Jon Mak gak lox eburu minedu kusu ri lok tooro du at lugugu.

Leven Gugu 13:5 ပူးပေါင်းရင်းမြစ်များ

Metiu 20:26

Ketla nemen gat na loklok nak lok kantubu atnimi. Mo do tara atnimi i vara i do na silok, neni na lok ngan lasaxaruki atnemi axap.

Leven Gugu 12:12

Se ni ga ven kibis pam mo lavanga ga vot saparav i, la ni gat pas uto at loogu at ne Maria, nenen ne Jon Mak. Buaang limixin diga nemen go la diga ngising.

Leven Gugu 12:25

Banabas mi ne Sol duga lox axap lugugu atdu, la dugamlong uto Jerusalem; duga lok kaka ne Jon Mak eburu midu.

Leven Gugu 13:14

Duga vas kaxat boro Pega la duga rupot to Antiok at lenep silok Pisidia; la at laaleng kaala duga beles uto at loogu singising la duga xis kopok.

Leven Gugu 13:46

Ketla ne Pol mi ne Banabas duga paase lolos aleng la kopmen du goxo marat. Duga lok keretna, “Ik mokso at lemeren ne Moroa do mana tong avot be levelinga at ne Moroa rinemi limixin me Judaia. Ketla nemi mi xopara rin, la kerepmo xopmen mina epovo ri ruuna ka lorooro avolo; mana ke xepe nimi la mana tong asu levelinga at ne Moroa ri limixin kopmen di me Judaia.

Leven Gugu 14:1

Pol mi ne Banabas duga lok mun lugugu ro Aikoniam kerekngan diga lox i ro Antiok. Duga beles to at loogu singising at limixin me Judaia la duga vavang avukat tinotno; kuren la buaang nedi limixin me Judaia eburu mi limixin bok kopmen di me Judaia diga nuunu.

Leven Gugu 15:37

Banabas ga vara i do na lok ka ne Jon Mak eburu midu.

Leven Gugu 17:17

Kuren la ni ga paase ro at loogu singising eburu mi leme Judaia la limixin kopmen di me Judaia bok no diga lotu saparap ne Moroa. La at levenaleng axap ni ga vavang bok ti limixin mo digat pot amisik to at loxot potpot buru.

Leven Gugu 18:4

Ni ga vavang amisik to at loogu singising at levenaleng kaala, gak lok tong pen i do na lok limixin me Judaia la me Grik dina nuunu.

Leven Gugu 19:22

Kuren la ni ga riki ne Timoti mi ne Erastas, nedu luradi loklok tooro ren uto Masadonia, la ni ga nemen to Asia at lentaba levenaleng.

Leven Gugu 19:29

Mo luxupkup ga epeseves ap mo lemenemen axap; mo limixin diga ranga alis ne Gaius mi ne Aristakas, nedu boro Masadonia dugat pas amisik eburu mi ne Pol, la diga sixit eburu minedu uto at loxot papaase buru.

Leven Gugu 19:8

Maxeneng at lavantun gaaling Pol ga pubeles at loogu singising, la ni ga paase lolos ti limixin, ni ga vetep mi levelinga eburu minedi la ga lok tong pen i do na sat ka lunuunu atnedi ri Linintoo at ne Moroa.

Leven Gugu 9:20

Sol ga beles to xeneng at laraugu singising la soso mun ni ga vaxaru ka i xusu na vavang mi laasen at ne Iesu. Ni ga lok, “Iesu neni Nitna ne Moroa.”

Kolosi 4:10

Aristakas, mo i nemen eburu minia at loxokoxo, i lox aonon bok lavapaase momo ren; la ne Mak, lovopno at ne Banabas bok kuren. Nemi migara lok ka vam lavapaase axasep ti siam abeles ne Mak dola ni na mu langas uto atnemi.

2 Timoti 4:11

Luk kusuk mene na i nemen eburu minia. Una lam ka bok ne Mak ude eburu minu atla neni i epovo na lok tooro ia mi lugugu.