Leven Gugu 13:43 - Madak

⁴³ Melemu at limixin diga on basinge loogu singising, buaang atnedi limixin me Judaia la nedi bok kopmen di me Judaia, mo diga lok ka vam lotu at limixin me Judaia, diga mumu asu ne Pol mi ne Banabas; duga paase ridi la duga lox alolos di xusu dina nemen keneng at letaba nabalamu at ne Moroa.

Leven Gugu 13:43 ပူးပေါင်းရင်းမြစ်များ

Metiu 23:15

Naba lok kapmek aleng tinemi luvuttadi loklox ase at Lenavolo eburu minemi lubung Parisi. Nemi lavapen aala. Mit pas tangtagap at laxangka la miang kan bok at laras kusu minak lok ka tara xusu ni na ruuna ka lunuunu kerekngan lunuunu atnimi; la do tara ira ruuna ka vam mo lunuunu, mi gagas li i xusu neni naba epovo rinotno kusu nat pas epopolo uto at lemenemen songsongot.

Leven Gugu 11:23

Ni ga rupot la ni ga ven i do ne Moroa ga lox aumsu mo limixin mi letaba nabalamu ren. Ni ga lok momo la ga vaase lolos tinedi axap kusu dina tu lolos mi lunuunu la luruturun atnedi saparap Leeme Silok mi lodoxoma atdi axap.

Leven Gugu 13:50

Ketla limixin me Judaia diga lox axatu kaxat lodoxoma at luvuttadi amgomgo ap mo lemenemen silok la diga lox axatu lodoxoma at lavakin diga ruuna levenasen silok la diga lotu saparap ne Moroa. Diga vaxaru kaxat leedak ti ne Pol mi ne Banabas, la diga lok kepe du basinge lenep silok atdi.

Leven Gugu 14:22

Duga lox alolos lunuunu at luvuttadi nuunu, la duga vaase alolos di xusu dina tu tuxuruxun at lunuunu atnedi. Duga lok, “Nedik ataba ekip tangarang mi laxanmumuat solo, la kerepmo ataba beles at Linintoo at ne Moroa.”

Leven Gugu 14:3

Pol mi ne Banabas duga nemen go at lentaba leven gaaling. Du goxo marat la duga paase lolos atla Leeme Silok ga lok tooro levelinga atdu mumu letaba nabalamu mila ni ga lok lempanga sangsangu at levengkikngen du.

Leven Gugu 16:14

Lara atdi mo digang tonga nama, laasen teren ne Lidia, neni boro Taiataira; neni ga sesep mi lempanga singsiga nunuan. Ni latkin ga lotu saparap ne Moroa; la Leeme Silok ga suang lebelen kusu ni na siam kaka mo lavapaase at ne Pol.

Leven Gugu 17:17

Kuren la ni ga paase ro at loogu singising eburu mi leme Judaia la limixin kopmen di me Judaia bok no diga lotu saparap ne Moroa. La at levenaleng axap ni ga vavang bok ti limixin mo digat pot amisik to at loxot potpot buru.

Leven Gugu 17:34

La lentaba luvuttadi mene diga mumu i la diga nuunu; kantubu atnedi ne Dionisias lara atnedi boro at la Ariapagas, la lara latkin, laasen teren ne Damaris, la lentaba vetpes bok.

Leven Gugu 17:4

Lentaba atnedi leme Judaia diga nuunu la diga mu asu ne Pol la ne Sailas; la buaang nedi bok limixin me Grik no diga lotu saparap ne Moroa, la buaang bok atnedi lavakin gomgo diga nuunu.

Leven Gugu 18:7

La ni ga on basinge di la ni gat pas kusu na nemen to at loogu at laradi xopmen neni me Judaia, laasen teren ne Tisias Jastas, neni ga lotu saparap ne Moroa; la loogu ren ga nemen saparap loogu singising.

Leven Gugu 2:10

Pirigia la Pampilia la boro Isip la at lengkot bok Libia saparap Sairini; la lentaba bok atdik na boro Rom.

Leven Gugu 28:23

Kuren la diga lok katling lara laaleng eburu mi ne Pol, la buaang limixin diga vot ap mo laaleng to ap mo loogu ne Pol ga nemen teren. Ga maxantamak suubu se at laxanimin neni ga soxomus lavasuun at levelinga at Linintoo at ne Moroa rinedi. Ni ga lok tong pen i do na sat ka lodoxoma atdi mi levelinga ma xeneng at Lenavolo at ne Moses la levenmamalagan at lavaeme vapaase alii xusu diba nuunu at ne Iesu.

Leven Gugu 6:5

Nedi axap diga lok momo ap mo levelinga at luvuttadi vavang; kuren la diga soxolik ka ne Stiven, laradi ga umsu mi lunuunu la Loroonan Kaala; la ne Pilip, Porokaras, Nakano, Timon, Pamenas; la ne Nikolaus neni boro Antiok, la goxopmen neni laradi me Judaia, ketla neni gam tebeng lunuunu ngan leme Judaia.

Lovoang At Ne Pol Ti Limixin Nunu to Rom 11:6

Losoksoxolik teren i tu at letaba nabalamu ren, la kopmen do at levempanga nedi diga lox i. Do losoksoxolik at ne Moroa gita ru at levempanga luvuttadi dik lox i, giba lok ngan do letaba nabalamu ren, kopmen tugugu ren.

Lovoang At Ne Pol Ti Limixin Nunu to Rom 3:24

Ketla ne Moroa ik lox asepmus di mumu letaba nabalamu ren at lekngen at ne Iesu Karisito, mo ga un ka amlong di.

Lovoang At Ne Pol Ti Limixin Nunu to Rom 5:2

La neni gara siam ka vam nedik mumu lunuunu atnedik, la levereven kibis atnedik ti letaba nabalamu at ne Moroa, mo nga nedik di rooro ren. Nedik di momo mumu levendoxoma voovo atnedik do neni naba lox asuusu lisisixam teren tidik.

Lovoang At Ne Pol Ti Limixin Nunu to Rom 5:21

Kuren la at loxonaleng laxapmek i tu ri sat ka limixin ti lanmet, letaba nabalamu bok at ne Moroa i tu xusu ti sar akmokso di, la na lam kaka di ri lorooro avolo mumu ne Iesu Karisito, Leeme Silok atnedik.

2 Korin 5:11

La nema luvuttadi vavang makleklen ua lavasuun teren kusu ata marat at lebelemamao at Leeme Silok, kuren la ma gugu lolos kusu ri lok ka buaang nedi limixin. Ne Moroa ikleklen avukat lorooro atnama, la a doma box i do keneng at lorooro atnimi miklen avukat bok lorooro atnama.

2 Korin 6:1

At leven gugu atnema eburu mi ne Moroa, ma sing nemi do nemen mita siam ka mo letaba nabalamu at ne Moroa mi lumun pipisik mun.

Galesia 5:1

Nedik di sepmus tinotno, mila ne Karisito gara lox asepmus pam nedik basinge leveloklok la leventaangas at Lenavolo. Kuren la mina tu lolos at lunuunu atnimi, la mi guta ke xepe bok ba lorooro atnemi la nak lok ngan manga lavaanat saxaruki at Lenavolo.

Galesia 5:4

La nemi mi lolos tinotno xusu mina sepmus basinge laxakapmek atla mi mumu asu Lenavolo, nemi mi lok ngan ta do, mi ra korop pes axa nemi basinge ne Karisito. La nemi mik lok ta maxamang at letaba nabalamu at ne Moroa.

Epesas 2:8

Moroa ga lox arooro nedik maxeneng at letaba nabalamu ren, mo letaba nabalamu ik lok tinedi di nuunu at ne Iesu Karisito. Limixin kopmen dina epovo kusu dina lox arooro nedi xa; ketla mo letaba nabalamu, ni laramtaba boro at ne Moroa.

Pilipai 3:16

Ketla lavatpas atdik at na lorooro naba epovo mi lorooro maxat miga lok ka vam i.

Pilipai 4:1

Luvutnetak mi luvurinuk. Mi ronga vam na levelinga rak; kuren la mina tu atmatkun at lorooro atnimi keneng at Leeme Silok. Larapen tangas orong tarak. A balamu aleng nimi la a sosoro aleng ti tong asuusu nimi ri limixin mila labalak i lok momo aleng mumu nimi.

Kolosi 1:23

Naba lok kuren mo do mina tu tuxuruxun at lunuunu atnimi la kopmen tara na sat kaka nimi basinge lunuunu atnimi saparap Lagale Lavavang. At nom mun Lagale Lavavang la nia ne Pol a tong asu i ngan lasaxaruki at ne Moroa, la na Lagale Lavavang mo di vavang min ti limixin axap at na lavatbung menemen, ni levelinga nemi miga ronga i.

Kolosi 1:28

Nema ma vavang mi ne Karisito ri limixin; ma vaase aronga di la ma anasa di mi lakleklen at ne Moroa kusu nedi axap diba ruuna ka luruptuvuk mokmokso kerekngan ne Karisito la kopmen taxakapmek atdi. La diba nemen kuren se ap mo laaleng diba tu ro melamgo at ne Moroa.

Taitas 2:11

Nom limixin nuunu dina mumu asu avukat levelinga at ne Moroa, mila ne Moroa ga lox asuusu letaba nabalamu ri limixin axap, neni ga riki ne Iesu Karisito xusu na lox arooro di.

Ibru 12:15

Mina lok tatao avukat nimi xusu tara atnimi noxo sok tixirixes kepe letaba nabalamu at ne Moroa la na seeve; la nemen nimi guta ke xepe teventaba atnimi dina lok lekarakat kusu mo laxakapmek na lox asubu lunuunu at limixin, kerekngan laradi sak i sev amet limixin.

Ibru 13:9

Nemen gat mitang tonga nedi di lox ase nimi mi levenanasa vetpes, mo ba sar asoogong nimi basinge lunuunu atnimi at ne Iesu. I lox avukat do mina lok ka letaba nabalamu eburu mi loklok tooro at ne Moroa xusu mina lox alolos lebelen nimi. La mina ke xepe mo leveloklok at Lenavolo mumu leveluxa salai ri anan la leveluxa salai kopmen ti anan; na loklok noxo lok tooro lorooro atnedi di mumu asu i.

1 Pita 5:12

Ne Sailas ga lok tooro ia xusu ri malagan na lovoang mutmut tinemi, la neni netak at laasen at ne Karisito. A vara i xusu ana lox alolos nemi mi levelinga at na lovoang, anai neni letaba nabalamu rinotno at ne Moroa. Kuren la mina tu lolos keneng teren.

2 Pita 3:14

Kuren la, larapen tangas orong tarak, at na nga levenaleng mi ngangais mi lomomo ri mo laaleng, a vara i do, mina tu lolos kusu noxopmen toxot kakapmek kopla toxot ik token nak lok at lorooro atnimi, la minak lox eburu mi ne Moroa keneng at lenmila ren.

1 Jon 2:28

Luvutnuruk orong. Minat kis esogo amisik mi ne Iesu kusu at lovotpot teren mi noxo marat la mi noxo mangan.

2 Jon 1:9

Do tara ixo mumu asu levenanasa at ne Karisito, la i lox epasum i mi levenanasa vetpes, neni xopmen nat kis esogo mi ne Moroa. Ketla do tara i mumu asu levenanasa at ne Karisito, neni it kis esogo mi ne Temen dik la ne Nitna.