Leven Gugu 13:33 - Madak

³³ La mo laxakaape ira sorun pam tinedik luvuttubuno avolo atnedi limixin me Israel keretna; Moroa ga lox aroo amlong ne Iesu basinge lanmet. I lok ngan mo levelinga ik lok at levempikpixan sepsev agepura at ne Devit. Moroa ga lok keretna, ‘Nenu ne Nuruk la Lanarong, lingina a lox u, i ngan Loorong Silok.’ Sam 2:7

Leven Gugu 13:33 ပူးပေါင်းရင်းမြစ်များ

Sam 2:7

Loorong Silok i lok, “Anaba vaase asu bok levempanga Leeme Silok i tong ali i. La ni ga lok tia, ‘Nenu ne Nuruk; ningina nia a lok ngan ne Tamam.

Ibru 5:5

La ne Karisito bok kopmen goxo xip ka mo lugugu silok at lamaasa gomgo mi lavavara ren. Ketla ne Moroa ga lok tin keretna, “Nenu ne Nuruk, ningina nenia a lok ngan ne Tamam.” Sam 2:7

Lagale Lavavang At Ne Iesu Karisito Jon Ga Malagan I 2:22

Melemu at laaleng neni ga roo xat amlong at lanmet, luvuttadi loklok ka anasa ren diga doma amlong ti na levelinga ren. La diga nuunu at Lovoang Kaala la diga nuunu bok ap mo levelinga ne Iesu ga tong i.

Leven Gugu 2:24

Ketla ne Moroa ga lox arooro amlong i basinge lololos at lanmet mila kopmen goxo epovo kusu lanmet na ranga alis i.

Leven Gugu 2:32

Moroa ga lox aroo amlong ne Iesu basinge lanmet, la nema na maga ven lorooro amlong teren.

Leven Gugu 9:20

Sol ga beles to xeneng at laraugu singising la soso mun ni ga vaxaru ka i xusu na vavang mi laasen at ne Iesu. Ni ga lok, “Iesu neni Nitna ne Moroa.”

Leven Gugu 13:30

Ketla ne Moroa ga lox aroo kaxat amlong i basinge lanmet,

Leven Gugu 13:34

La ne Moroa ga paase mumu laxakatu kaxat amlong at ne Iesu basinge lanmet, la kopmen bok ba noxo met. Ni ga lok keretna, ‘Nia aba raba ruturun u mi leveloklox anarong tarak kerekngan nia aga xaape min ti ne Devit.’ Ais 55:3

Leven Gugu 13:37

Ketla nom laradi ne Moroa ga lox aroo amlong i basinge lanmet, ni goxopso.