Leven Gugu 13:32 - Madak

³² La nema na, ma tong na levelinga rinimi do ne Moroa ga lox epovo vam laxakaape ren ti lavalabat atdik.

Leven Gugu 13:32 ပူးပေါင်းရင်းမြစ်များ

Lagale Lavavang At Ne Iesu Karisito Luk Ga Malagan i 1:19

Laangelo ga lok tin, “Nenia ne Gabriel. A tu amisik to saparap ne Moroa, mo i sak tiki ia xusu ana vaase tu, la ana tong asu i na levelinga nunuan tu.

Lagale Lavavang At Ne Iesu Karisito Luk Ga Malagan i 2:10

Ketla laangelo ga lok tidi, “Nemen mita marat! Nenia ana tong levelinga avukat tinimi, kusu naba lox amomo limixin axap.

Leven Gugu 10:36

Nemi miklen Lagale Lavavang neni ga song araba limixin me Israel min; na Lagale Lavavang i lok lumulum kantubu at ne Moroa la limixin mumu lanmet at ne Iesu Karisito, neni Leeme Silok at limixin axap at na lavatbung menemen kopok.

Leven Gugu 13:23

Keneng at lurubuno avolo mun at ne Devit, Moroa ga riki ne Iesu saparap leme Israel ngan Laradi Loklox Arooro ridi la kerepmo ne Moroa ga lox epovo laxakaape ren.

Leven Gugu 13:38

Luvutnetak mi luvurinuk. Nemi axap, minaklen avukar i do, keneng mun at ne Iesu, langas i rem suang kusu ne Moroa naba doxoma xepe laxakapmek at limixin. Monga ma tong asu na levelinga rinimi.

Leven Gugu 14:15

“Nemi limixin, tila mi lox i na? Nema mun luradi, luradi xerekngan nimi! Nema na ma nemen de xusu mana tong asu Lagale Lavavang la mina ba gili lorooro atnimi basinge lempanga gamasa xerepmo. La mina mumu asu ne Moroa mo i rooro, ga rudum li laxalibet, laxangka, laras la lempanga axap mo di nemen maxeneng atdi.

Leven Gugu 26:6

La na a tu nade at lavapaase atla a ngangais ne Moroa do ni ba lox empana laxakaape ren ga lox i ri lavalabat atdik. Na laxakaape ri lox axatu limixin basinge lanmet la diba vubeles at Linintoo at ne Moroa.

Leven Gugu 3:19

Kuren la mina leeng basinge laxakapmek atnimi xusu ne Moroa naba doxoma xepe laxakapmek atnimi,

Leven Gugu 5:42

La at levenaleng axap to xeneng at loogu laplavang la to at leventaugu at limixin, diga anasa la diga vavang mi Lagale Lavavang at ne Iesu, neni Lanarong.

Lovoang At Ne Pol Ti Limixin Nunu to Rom 1:2

Na Lagale Lavavang ne Moroa ga vaase alii min ganoxa at levenngusno atdi lavaeme vapaase alii ren, la diga malagan li i xeneng at Lovoang Kaala,

Lovoang At Ne Pol Ti Limixin Nunu to Rom 10:15

La tevelinga naba ravasu xereva mo do dixo riki asu taradi ri vavang min? I ngan Lovoang Kaala i tong i xeretna, “I lox avukat tinotno lavatpas atnedi di vot mi Lagale Lavavang.” Ais 52:7

Lovoang At Ne Pol Ti Limixin Nunu to Rom 4:13

Ne Moroa ga lok laxakaape eburu mi ne Abaram do lavatbung menemen axap, ateren eburu mi livipisik li ren. Na laxakaape goxo vot mumu i do ne Abaram gang tonga res at Lenavolo, ketla atla neni ga nuunu. Kuren la ne Moroa ga siam kaka i ngan laradi mokmokso.

Lovoang At Ne Pol Ti Limixin Nunu to Rom 9:4

Nedi limixin soksoxolik ka at ne Moroa; la ni ga lok li nedi ngan luvutnitna. Ni ga lok levenekabus eburu minedi la lisisixam teren ga nemen kantubu atdi, la ga raba nedi mi Lenavolo; la diklen langas kusu dina lotu saparav i mi luruturun; la dira ruuna ka vam levengkakaape ren.