Leven Gugu 13:25 - Madak

²⁵ La ga auret do ne Jon na lox axap mo lugugu ren, la ni ga lok ti limixin keretna, ‘Nemi mi doma i do nia nege? Nia xopmen mo laradi mi nemen tangais i. Ketla neni mo naba vot melemu rak, i silok aleng la axo epovo xusu ana soxomus asu luvanga vatpas at luxangkedek teren.’

Leven Gugu 13:25 ပူးပေါင်းရင်းမြစ်များ

Metiu 3:11

La ne Jon ga lok bok, “A sep susu nemi mi ladan kusu mina lox asuusu i do mira leeng pam basinge leveloklok kakapmek atnimi; ketla lara mo naba mumu bok ba rak. Neni naba sep susu nimi mi Loroonan Kaala la laxao ri limixin tongtonga xepe. Lololos teren i volo lololos tarak. Axo epovo kusu anap kip luvanga vatpas teren mila i silok aleng tia.

Lagale Lavavang At Ne Iesu Karisito Mak Ga Malagan I 1:7

La neni ga vavang bok keretna, “Melemu rak lara ba rupot. Lololos teren i volo lololos tarak. Axo epovo xusu ana soxomus luvanga vatpas teren mila neni is silok aleng tia.

Lagale Lavavang At Ne Iesu Karisito Jon Ga Malagan I 1:29

Ap mo manga lara laaleng Jon ga ven ne Iesu gat pas go boro, la ni ga vaase xeretna, “Pen ba i, ni nom Lanasip at ne Moroa naba doxoma xepe laxakapmek at limixin at na lavatbung menemen kopok.

Lagale Lavavang At Ne Iesu Karisito Jon Ga Malagan I 1:34

Agara ven pam i la a tong i rinimi do neni ne Nitna ne Moroa.”

Lagale Lavavang At Ne Iesu Karisito Jon Ga Malagan I 1:36

At loxonaleng neni ga ven ne Iesu gat pas aurer i, la neni ga lok keretna, “Pen ba i. Neni na, lanasip at ne Moroa.”

Lagale Lavavang At Ne Iesu Karisito Jon Ga Malagan I 4:34

Ketla Iesu ga lok lavapaase poovo ridi, “Leveluxa rak keretna, ana ronga res at lavavara at ne Moroa ga riki ia la ana lox axap lugugu neni ga raba ia min.

Lagale Lavavang At Ne Iesu Karisito Jon Ga Malagan I 7:18

Laradi do i paase aru xa i, neni i ngan do i lox asilok axa i. Do tara i vara i do na lox asilok mo lara ga riki i, neni i paase ruturun la kopmen taxaxarang na nemen teren.

Leven Gugu 13:36

Devit gam tebeng lugugu at ne Moroa ap mo levenaleng teren, la melemu ni ga met, la digak mir i saparap lavalabat teren, la ni gap sopso.

Leven Gugu 19:4

Pol ga lok, “Lesep susu at ne Jon tinedi diga on basinge laxakapmek atdi; la ne Jon ga tong i ri limixin do dina nuunu at lara mo ga mumu asu i, neni ne Iesu.”

Leven Gugu 20:24

Ketla nia a lok do lorooro rak i lok ngan ta do lavanga gamasa mun tia; nia a vara mun i do ana lox axap lavatpas tarak la ana lox axap lugugu at Leeme Silok ne Iesu ga raba ia min; mo lugugu ri tong asu Lagale Lavavang mumu letaba nabalamu at ne Moroa.

2 Korin 4:5

Nema maxo vavang minama xa, ketla ma vavang asu mi ne Iesu Karisito ngan Leeme Silok; la nema ma lok ngan lavasaxaruki atnimi mumu lugugu at ne Iesu.

2 Timoti 4:7

Nenia aga lolos kusu ana sixit avukat at lekampoovo, la arak sixit pam at loxot i vaxalom, ketla am tebeng avarang lunuunu.

Lisilimet 11:7

Do duna lox axap mo lugugu ri vaase asu levelinga at ne Moroa, lara lavatpanga sio mi lavanuet kangkedek teren ba vasu ap mo lemeroon la ba esep mi mo luradi at ne Moroa la naba ranga alis du la na sev amet du.