Leven Gugu 13:15 - Madak

¹⁵ Melemu at leexes at Lenavolo at ne Moses la levelinga at lavaeme vapaase alii, luvuttadi amgomgo at loogu singising diga lok tidu, “Lunetak, ma vara i do muna vaase ri limixin do nemu mu ruuna tevelinga loklox alolos tinedi.”

Leven Gugu 13:15 ပူးပေါင်းရင်းမြစ်များ

Ibru 13:22

Luvutnetak mi luvurinuk. Nia a sing nimi do mina siam ka levelinga rak keneng at na lovoang. Na levelinga kopmen na baalom solo, i xubulik mene nga.

Leven Gugu 15:21

La kerepmo diba lok ngangao at leme Judaia, no di utus lenavolo at ne Moses to xeneng at laraugu singising at levenaleng kaala ga ru ka i gano migomgo i se lingina; la mo levelinga ren dira vavang pam min at levenmenemen axap.”

Lagale Lavavang At Ne Iesu Karisito Mak Ga Malagan I 5:22

Lara laradi ga rupot, neni laradi gomgo at loogu singising; laasen at nom laradi ne Jairas. Ni ga ven ne Iesu la ga xis tiktikbu mi luvatgulom teren saparap luxangkedek at ne Iesu.

1 Korin 14:3

Ketla mo laradi i paase asu levelinga at ne Moroa, ni i paase ri limixin, la kerepmo bok i lok tooro di, la i lox alolos di, la i lox aulis levendoxoma atdi.

Lovoang At Ne Pol Ti Limixin Nunu to Rom 12:8

Mo dola ti paase tooro lentaba vetpes, ata lox epovo box i xuren. Mo dola tim taba, ata raba solo mi lempanga atdik; mo dola ti lok tatao limixin, ata lok tatao avukat di; mo dola ti belemumu leventaba vetpes, ata lox epovo i mi lomomo.

Leven Gugu 22:1

“Luvutnetak mi luvuttamak, mina ronga ia; ana paase de melamgo atnimi!”

Leven Gugu 18:17

Ketla diga ranga alis ne Sositenes, laradi gomgo at loogu singising, la digap sev i ro melamgo at loxot tongtonga linga. Galio ga ven i na, ketla ni ga ven kepe mun i.

Leven Gugu 13:27

Mo limixin diga nemen to Jerusalem, la luvuttadi amgomgo atdi, di goxo ven kibis ne Iesu, la di goxo xasep at levelinga ro xeneng at levenbuk at lavaeme vapaase alii no diga vutus i at levenaleng kaala. Ketla diga lox asorun levelinga at lavaeme vapaase alii, mila diga sok tixirixes ne Iesu.

Leven Gugu 20:2

Ni gat pas to xeneng ap mo loxot la ni ga vaase loklok tooro ri limixin nuunu mi levelinga buaang. La melemu ni gat pas uto Grik.

Leven Gugu 18:8

Krispas, neni laradi gomgo ap mo loogu singising ga nuunu at Leeme Silok, neni la nedi axap diga nemen at loogu ren diga nuunu; la buaang bok atnedi go Korin diga ronga Lagale Lavavang, la diga nuunu la diga lok ka lesep susu.

Leven Gugu 15:7

Melemu at laxampapaase solo atdi ga xap, Pita ga xatu kaxat upana la ga lok, “Luvutnetak, mikleklen i do gano migomgo Moroa ga soxolik ka ia xantubu atnimi xusu ana tong asu Lagale Lavavang tinedi limixin kopmen di me Judaia kusu dina ronga i la dina nuunu ren.

Leven Gugu 7:2

La ne Stiven ga vorang i ridi xeretna, “Luvutnetak la luvuttamak. Mina ronga be levelinga rak. Moroa at laxasep ga rupot saparap ne Abaram ne temen dik ap mo laaleng neni ga nemen to Mesopotemia, la avot ti laaleng neni gat pas uto Aran;

Leven Gugu 2:37

Mo limixin diga ronga i na, diga bulu aleng la diga lok ti ne Pita eburu mi luvuttadi vavang, “Luvutneton nama, maba lok lavanga salai?”

Leven Gugu 2:29

La ne Pita ga lok bok, “Luvutnetak mi luvurinuk, ana vaase axasep nimi mumu lurubuno avolo atdik, ne Devit. Ni ga met pam la digak mir i, la lamaaut teren mo i nemen de, ise at na laaleng.

Leven Gugu 2:4

Loroonan Kaala ga vubeles atnedi axap la diga lox epovo i do dina paase mi lempapaase petpes, i ngan Loroonan Kaala ga raba di min.

Leven Gugu 1:16

la ga lok tidi, “Luvutnetak mi luvurinuk, levelinga keneng at Lovoang Kaala migomgo na ira sorun; kerekngan Loroonan Kaala ga tong asu i at lengkompixan at ne Devit, mu ne Judas, neni laradi gam gomgo rinedi luvuttadi xusu dina ranga alis ka ne Iesu.

Lagale Lavavang At Ne Iesu Karisito Luk Ga Malagan i 16:16

Lenavolo at ne Moses la levenmamalagan at lavaeme vapaase alii ga nemen se at levenaleng at ne Jon laradi sep susu. Ga ru ka i go Lagale Lavavang mumu Linintoo at ne Moroa ga lok kun i min, la buaang nedi limixin getgesara di lolos do ukeneng di.

Leven Gugu 4:36

La ne Josep neni at libibinat at ne Levi, neni boro Saipras, mo luvuttadi vavang diga tong box i do Banabas (Lavasuun at laasen Banabas do, “Laradi loklox alolos.”)

2 Korin 3:14

Levendoxoma atdi ga rebonot pe aleng, la ise at na levenaleng levendoxoma atdi move i repe mi levengkontata i kubak pe i, at loxonaleng di utus levenbuk at lekabus migomgo. Na loxontata i repes mun basinge laradi at loxonaleng neni i lok ka ne Karisito.

1 Tesalonia 2:3

Se maga vavang tinimi, maga paase mokmokso, la luruptuvuk atnama ga lox avukat aleng la ma goxo xarang nimi.