Leven Gugu 12:7 - Madak

⁷ Soso mun laangelo at ne Moroa ga ru go, la laxasep ga soo to xeneng ap mo loxot. La laangelo ga sox aus ne Pita ro at laxavis teren la ga lok tin, “Soso mun! Katu kaxat!” La mo luvaroos sen ga subu basinge lukngen ne Pita.

Leven Gugu 12:7 ပူးပေါင်းရင်းမြစ်များ

Sam 107:14

Neni ga lam asu nedi basinge lamain la loxokoxo, la ga ba koxorop pes levenoos sen basinge di.

Sam 116:16

O Leeme Silok, nenia laradi gugu ram. Nenia anaba lok lugugu ram kerekngan ne naga ga lok lugugu ram. Ugara lox asepsu vam ia basinge lanmet.

Sam 146:7

Ing tonga linga avukat at lava baava, la im taba luxa nedi dik toxo. Leeme Silok ik lox asepmus luvuttadi xokoxo,

Sam 34:7

Laangelo at leeme Silok ik lok tatao nedi dik lok ngangao aleng teren, la ik lox asepsu nedi basinge levenaniu.

Sam 68:6

Ni im taba lavanat mangan mi limixin kusu dina nemen eburu min, la i sasar asepmus asu nedi limixin di nemen at loxokoxo xusu dina momo; ketla nedi dixo etu ebelen min, dinaba nemen at lenep kangka i vat dexes.

Metiu 2:13

Se mo luvuttadi leklen diga vas kaxat pam, laangelo at Leeme Silok ne Moroa ga vot parap ne Josep keneng at loromtobo la ga lok, “Una xatu kaxat la una lok kaka lamdak eburu mi nenen la mina sixiro uto Isip, la mina nemen go se nenia aba tong i rinimi do mina on basinge mo lenep, mila ne Erodes mo naba reven pupuke ri lamdak kusu na sev amer i.”

Lagale Lavavang At Ne Iesu Karisito Luk Ga Malagan i 2:9

La laangelo at ne Moroa ga vot saparap di, la lisisixam at ne Moroa ga so axasep nedi la ga vung kamit mo loxot axap. La diga marat aleng tinotno.

Lagale Lavavang At Ne Iesu Karisito Luk Ga Malagan i 24:4

Diga tu go la diga rakdu aleng mumu i na, la soso mun legepu radi mi leventamon atdu gam games aleng, duga ru saparap di.

Leven Gugu 10:30

Konilias ga lok, “At lavanuet aleng gara xap pam at lavantun konaleng ga ukantinao i epovo mi loxonaleng keretna, nia aga ngising to xeneng at loogu rak. La soso mun lara laradi ga siga labantamon gamgames ga ru ro melamgo rak.

Leven Gugu 12:23

Ap mo mene loxonaleng laangelo at ne Moroa ga sep ne Erodes mi lanmeres, neni goxo lok ngangao at ne Moroa. Laxangkolon ga anan labantuxu ren la ga met ta.

Leven Gugu 12:6

At laxanimin avot ap mo laaleng kusu ne Erodes na lok li ne Pita at lavapaase ro melamgo at limixin, Pita ga unga xantubu at luradi rutu mu. Ni goxo epovo na sixiro mila diga xoxo i mi luvaroos sen, la luvuttadi rutu mu mo digak lok at lumusaragu ap mo loogu xokoxo.

Leven Gugu 12:8

La laangelo ga lok, “Una sevut atmatkun labaane ram, la una xoxo li luvanga vatpas taram.” Pita ga lox i xuren la laangelo ga lok tin, “Una siga lavanga singsiga ram, la una mumu asu ia.”

Leven Gugu 16:26

La soso mun langsangan langne silok ga vot la gak ma mo loogu xokoxo axap. Ap mo mene loxonaleng lumusaragu ga rem suang la lemparoos sen ga remus basinge nedi axap go xeneng at loogu xokoxo.

Leven Gugu 2:24

Ketla ne Moroa ga lox arooro amlong i basinge lololos at lanmet mila kopmen goxo epovo kusu lanmet na ranga alis i.

Leven Gugu 5:19

Ap mo laxanimin laangelo at ne Moroa ga suang lumusaragu ap mo loogu xokoxo la ni ga sat asu di ukamang la ga lok tidi,

Leven Gugu 9:3

At lavatpas teren uto Damasko, ga auret ti mo lemenemen silok, soso mun langsangan laxasep boro vana at laxalibet ga soo pavaa i.

Epesas 5:14

mila lamain kopmen na epovo nak lox eburu mi laxasep. I lok ngan na levelinga, “Nenu laradi mo u vunga, soso una aus. Nenu una aus basinge lanmet la ne Karisito naba raba u mi laxasep.” Ais 26:19

Ibru 1:14

Lubung angelo nedi leventoonan avukat mun, dik lok tooro ne Moroa; la neni ik sak tiki di rik lok tooro nedi limixin ne Moroa ga soxolik ka vam di xusu dinaba lok kaka loklox arooro.

Lisilimet 18:1

Melemu at nai aga ven lara laangelo vetpes manga ga si boro vana at laxalibet, mi langsangan lololos teren; la na lavatbung menemen axap ga xasep mi losoosoo ap mo laangelo.