Leven Gugu 12:17 - Madak

¹⁷ Ni ga sep makmak nedi xusu dinak lok pilo, la ni ga soxomus ba i ridi do ne Moroa ga lox asu i boro at loogu xokoxo kereva. Ni ga lok, “Mina tong i na ri ne Jems la luvuttadi nuunu. La ni ga on basinge nedi la gat pas uto at lemenemen petpes.”

Leven Gugu 12:17 ပူးပေါင်းရင်းမြစ်များ

Sam 146:7

Ing tonga linga avukat at lava baava, la im taba luxa nedi dik toxo. Leeme Silok ik lox asepmus luvuttadi xokoxo,

Sam 66:16

Nemi mi lok ngangao at ne Moroa, ude nimi, la mina ronga i na, la nia ana tong asu axap nom levempanga ni gak lox i ria.

Metiu 10:23

Do dina lox asongot nimi at tara temenemen, mina sixiro uto at tara temenemen petpes. A tong tuturun i rinimi do nenia, Laradi Mevana, anaba vot la kovisi mi noxo lok axap lugugu atnimi ap mo laramenemen at lenep silok Israel.

Lagale Lavavang At Ne Iesu Karisito Mak Ga Malagan I 6:3

Neni laradi gugu gu mene la neni ne nitna ne Maria la neni neton ne Jems, ne Joses, ne Judas, la ne Simon, nedi di nemen de la luvurinen bok di nemen de at na lemenemen.” La kerepmo limixin diga raba arulu ne Iesu.

Lagale Lavavang At Ne Iesu Karisito Luk Ga Malagan i 1:22

Se neni ga vas su ukamang, ni goxo epovo na vaase rinedi; kuren la digaklen i do, ni mo ga ven pam lisilimet to xeneng at loxot kaala. Ni ga lok mun leveloklok poovo rinedi mi lukngen; move ni goxo epovo kusu na vaase.

Lagale Lavavang At Ne Iesu Karisito Jon Ga Malagan I 10:40

Iesu ga vas korop amu manga ladan sen Joridan uto at lenep ne Jon gap sep susu limixin e gano, la neni gak lok go.

Lagale Lavavang At Ne Iesu Karisito Jon Ga Malagan I 11:54

Kuren la ne Iesu goxot pas saxaven go Judaia. Ketla neni ga on basinge mo lenep la gat pas uto at loxot gak lok saparap lamatbin, uto at lemenemen laasen teren Epraem la gak lox eburu mi luvuttadi loklok ka anasa ren go.

Lagale Lavavang At Ne Iesu Karisito Jon Ga Malagan I 13:24

Simon Pita ga lok loklok katling tin la ga lok, “Una sue i do, nege mo lara?”

Lagale Lavavang At Ne Iesu Karisito Jon Ga Malagan I 7:1

Melemu at nai, Iesu gat pas at levenmenemen to Galili; ni goxo vara i xusu nat pas to Judaia, mila luvuttadi amgomgo diga vara i xusu dina sev amer i.

Lagale Lavavang At Ne Iesu Karisito Jon Ga Malagan I 8:59

Diga ranga ka laxanuat do ri lu ne Iesu; ketla neni ga vas ekula kaxat la ga on basinge loogu laplavang.

Leven Gugu 1:15

At lara laaleng Pita ga xatu kaxat kantubu atnedi legesa sangaun kobot mi legepu sangaun (120) luvuttadi nuunu;

Leven Gugu 12:16

Nedi move diga epaase la ne Pita garapdi amu bok. La diga suang mo lumusaragu la diga ven i la diga rakdu aleng.

Leven Gugu 12:18

Ga maxantamak luvuttadi rutu mu diga rangku aleng at lavanga salai mo ga rupot saparap ne Pita.

Leven Gugu 13:16

Pol ga xatu kaxat upana, la ga sep makmak di, la ga lok keretna, “Luvuttadi me Israel la nemi bok kopmen me Judaia mi lotu saparap ne Moroa. Mina ronga ia.

Leven Gugu 15:13

Melemu at lavapaase atdu, Jems ga lok keretna, “Luvutnetak, mina ronga ia!

Leven Gugu 16:40

Pol mi ne Sailas duga on basinge loogu xokoxo, la dugat pas uto at loogu at ne Lidia. Mogo duga ekip tangarang mi limixin nuunu, la duga lox alolos di mi levelinga la duga onon ta.

Leven Gugu 19:33

Lentaba atdi diga lok do ne Aleksanda neni lavasuun at nai, mila leme Judaia diga lok li i do ni na ru ro melamgo at limixin. Kuren la ne Aleksanda ga sep makmak di mi lekngen kusu na lok lavapaase axasep tinedi limixin do neni eburu mi larapen tangas teren kopmen toxot atdi ap mo leedak.

Leven Gugu 21:18

Ap mo lara laaleng melemu nema mi ne Pol magat pas kusu mana ven ti ne Jems; la nedi axap luvuttadi amgomgo at lotu go Jerusalem diga rupot to ap mo lovotpot buru.

Leven Gugu 21:40

Leeme gomgo ga siam do ni na vaase; kuren la ne Pol ga xatu kaxat to at laata ap mo loogu la ga sep makmak di. Diga lok pilo, la ne Pol ga vaase ridi mi lavapaase Ibru.

Leven Gugu 28:15

Luvuttadi nuunu ro Rom diga ronga i do nema maga vot la digat pas epolo uto at lenep etang at ne Apias la uto at lemenemen laasen teren Lavantun Laraugu kusu ri ekip tangarang minama. Pol ga ven di la ga tong avukat ti ne Moroa la lodoxoma ren ga lolos ba.

1 Korin 15:7

La melemu neni ga ru asuvos ti ne Jems la tinedi bok luvuttadi vavang axap.

Galesia 1:19

La nenia a goxo ven tu ap mo lentaba lavaun pavang bok, ketla ne Jems kusuk mene nga, neni neton Leeme Silok.

Galesia 2:12

At lara laaleng ne Jems ga riki lentaba luvuttadi nuunu me Judaia ugo; avot ti lovotpot atdi, ne Pita nga no garak lok pam la gara vaanan eburu mi limixin kopmen di me Judaia. La melemu at loxonaleng na luvuttadi me Judaia diga vot, neni goxo an eburu bok ba minedi, atla neni ga marat at Lenavolo at leme Judaia mumu loklok ti ke laanan eburu mi limixin kopmen di me Judaia, la atla neni ga anan eburu mi luvuttadi no di goxo vit kepe lengkontuxu atdi.

Galesia 2:9

La ne Jems, ne Pita la ne Jon, nedi na lubung angkipkip at lotu, diga ven kibis i do ne Moroa ga raba nema’ mi ne Banabas mi na lugugu i lok petpes tinotno; kuren la diga etep tikngen minama’ mi ne Banabas, ga lok ngan loklok katling do nema axap ma ruuna legesa gugu mene nga. La diga lok lisisiam do nema’ mi ne Banabas, maba gugu xantubu at limixin kopmen di me Judaia, la nedi diba gugu ro at leme Judaia.

Jems 1:1

Nenia ne Jems, lasaxaruki at ne Moroa la at Leeme Silok ne Iesu Karisito. Nia a malagan na levelinga ri lasangaun mi legepura larabibinat me Judaia di epeseves at na lavatbung menemen axap. Nia a malagan lavapaase momo rinemi.