Leven Gugu 12:11 - Madak

¹¹ La ne Pita ga ven kibis mo lavanga ga rupot saparav i la ga lok, “Na nia aklen ba i do i ruturun tinotno! Moroa i riki laangelo ren la ni ira lox asu ia at lolos at ne Erodes la basinge lempanga xakapmek leme Judaia di lok do na lox i ria.”

Leven Gugu 12:11 ပူးပေါင်းရင်းမြစ်များ

Sam 109:31

Mila Leeme Silok i gagas amisik ti lok tooro limixin pakpakes; la ik lox asepsu nedi basinge limixin sepsep amet.

Sam 33:18

Ketla Leeme Silok i reven tatao nedi dik lok ngangao aleng teren, la nedi di nuunu saga at labalamu lexen teren.

Sam 33:19

Neni ik lox asepsu di basinge lanmet, la ni ik lok tatao nedi at levenaleng at loroxo.

Sam 34:22

Leeme Silok naba lox asepsu limixin teren; nedi dinaba repukus taba i ri loklok tooro ren, di noxo ruuna ka lumumuat mavana atdi.

Sam 34:7

Laangelo at leeme Silok ik lok tatao nedi dik lok ngangao aleng teren, la ik lox asepsu nedi basinge levenaniu.

Sam 41:2

Leeme Silok naba lok tatao di la naba xok avukat lorooro atnedi; la ni naba sinang di mi lorooro avukat at lenep kangka me Israel; la ni noxo raba arulu di kusu limixin munepen minedi dina lok kapmek di.

Sam 97:10

Leeme Silok i balamu nedi ding tungun ti laxapmek; neni ik lok tatao lorooro at limixin teren. Neni ik lox asepmus di basinge lolos at limixin dik lok lengkakapmek.

Lagale Lavavang At Ne Iesu Karisito Luk Ga Malagan i 15:17

At lara laaleng neni ga ven kibis lorooro salai neni ga ruuna i, la ga lok, ‘Limixin gugu at ne tamak di ruuna laxampanga anan solo xusu ridi ri anan, la nenia na a lok do ana sala nga!

Leven Gugu 12:7

Soso mun laangelo at ne Moroa ga ru go, la laxasep ga soo to xeneng ap mo loxot. La laangelo ga sox aus ne Pita ro at laxavis teren la ga lok tin, “Soso mun! Katu kaxat!” La mo luvaroos sen ga subu basinge lukngen ne Pita.

Leven Gugu 24:27

Melemu at legepu maares gara volo, Pokias Pestas ga lok ka loxot at ne Pelik ngan laradi gomgo ap mo lenep silok. Pelik ga vara i do na lox atdan lodoxoma at leme Judaia, kuren la ni ga ke xepe ne Pol to at loogu xokoxo.

Leven Gugu 25:9

Pestas ga vara i do na lox amomo leme Judaia, kuren la ni ga sue ne Pol, “U vara box i do unat pas uto Jerusalem la una ru ro melamgo rax e la nia ana ronga na levelinga di lok li i ram?”

Leven Gugu 5:19

Ap mo laxanimin laangelo at ne Moroa ga suang lumusaragu ap mo loogu xokoxo la ni ga sat asu di ukamang la ga lok tidi,

Ibru 1:14

Lubung angelo nedi leventoonan avukat mun, dik lok tooro ne Moroa; la neni ik sak tiki di rik lok tooro nedi limixin ne Moroa ga soxolik ka vam di xusu dinaba lok kaka loklox arooro.

2 Pita 2:9

Kuren la Leeme Silok ne Moroa i epovo ri lox asepsu limixin avukat basinge levesongsongot, la i epovo bok kusu na lok li limixin tongtonga xepe ro xeneng at loxokoxo la na lox asongot nedi se at laaleng ete.