Leven Gugu 12:1 - Madak

¹ Ap mo levenaleng loorong silok, ne Erodes ga ranga alis lentaba atnedi luvuttadi diga nuunu at ne Iesu la ga lok li di at loogu xokoxo.

Leven Gugu 12:1 ပူးပေါင်းရင်းမြစ်များ

Sam 125:3

Limixin kapmek di noxom gomgonga amisik laxangka at limixin mokmokso. Mo do dina lox i xuren, limixin mokmokso bok giba vubeles at laxapmek.

Metiu 14:1

Ap mo levenaleng Erodes laradi gomgo boro Galili ga ronga lempanga ne Iesu ga lox i.

Metiu 14:3

Avot at na ne Erodes ga sak paxat ka latkin at neton, laasen teren ne Pilip. Laasen ap mo latkin ne Erodias. La ne Jon laradi sep susu ga vaase sok ne Erodes mumu na loklok. La neni ga lok ti ne Erodes, “Ixok mokso do uga epot ka ne Erodias.” Kuren la ne Erodes ga riki luvuttadi gugu ren kusu dina ranga alis ne Jon la diga xoxo i la diga lok li i at loogu xokoxo.

Metiu 14:6

At laaleng loklok katling at livipisik at ne Erodes, ne nitnono ne Erodias ga tii ro melamgo at limixin. La ne Erodes ga lok momo aleng min,

Metiu 24:9

Melemu limixin diba ranga alis nimi la dina lox asongot nimi la lentaba atnimi diba sev amet di la limixin at lengkot axap diba belemamao nimi mila nemi limixin tarak.

Lagale Lavavang At Ne Iesu Karisito Luk Ga Malagan i 22:53

At levenaleng axap aga nemen eburu minimi ro xeneng at loogu laplavang, la mi goxo lok tong pen i xusu mina ranga alis ia. Ketla monga at laxanimin tubu, neni loxonaleng at ne Satan, kuren la nemi mi lok na lavanga xapmek at lamain.”

Lagale Lavavang At Ne Iesu Karisito Jon Ga Malagan I 15:20

Mina doxoma levelinga nia aga tong i rinimi i lok keretna, kopmen tasaxaruki na silok ti laradi gomgo ren. Do dina lox asongor ia, diba lox asongot bok nimi; do dina ronga res at levelinga rak, diba ronga res bok at levelinga atnimi.

Lagale Lavavang At Ne Iesu Karisito Jon Ga Malagan I 16:2

Luvuttadi amgomgo dinaba sep pepe nimi xusu mi noxo vubeles bok ba uto at laraugu singising. La laaleng move naba vot, la do tara na sev amet tara atnimi, ni naba nua i do i lox i mo ri lox amomo ne Moroa.

Leven Gugu 11:30

Diga lox i xuren la diga lox aonon lempilas at lukngen ne Banabas mi ne Sol, kusu duba raba luvuttadi gomgo at lotu min, go Jerusalem.

Leven Gugu 12:2

Neni ga ra korop laxaka at ne Jems, neton ne Jon mi lavarise sepsep.

Leven Gugu 4:30

Una song asu mi lakngam ti lox aroo levenanmeres la una lok bok tempanga sangsangu xeneng at laasen at lasaxaruki dadat taram, ne Iesu.”

Leven Gugu 9:31

Kuren la luvuttadi nuunu at lengkot axap Judaia, Galili, la Samaria, diga ruuna limila la kopmen bok ba di goxo marat. La leexes at limixin nuunu ga urut; mila Loroonan Kaala ga gugu kantubu atdi, la diga lok ngangao aleng at Leeme Silok.