Leven Gugu 11:24 - Madak

²⁴ Banabas ga lok tooro di mila neni lagale laradi ga umsu mi Loroonan Kaala la lunuunu ren ga lolos. La buaang nedi limixin me Antiok diga raba lorooro atnedi ri Leeme Silok.

Leven Gugu 11:24 ပူးပေါင်းရင်းမြစ်များ

Sam 112:5

Luvukat nabat pas ti mo lara im taba gamasa, la ik lok momo mun do limixin dinang sing panga i, la ik lok mo lugugu pilas teren mi lomokmokso.

Sam 37:23

Leeme Silok im gomgonga laradi at langas i lox avukat kusu ni nat pas teren. La ik lok tatao avukat nedi dik lox amomo i.

Metiu 12:35

Laradi avukat ik lox asuusu lempanga nunuan ik lok at lorooro ren, ketla laradi xapmek ik lox asuusu mun lempanga xapmek ik lok at lorooro ren.

Metiu 19:17

La ne Iesu ga vorang i xeretna, “Ua lavasuun teren la u sue ia mi lavanga salai i lox avukat? Legesara mun i lok avukat la neni ne Moroa. Do u vara na vubeles ti lorooro, una ronga res at lasangaun lenavolo.”

Lagale Lavavang At Ne Iesu Karisito Luk Ga Malagan i 23:50

Lara laradi laasen teren ne Josep boro at lara lemenemen at leme Judaia laasen teren Arimatia. Ga neni lagale laradi, la limixin diga lok ngangao aleng teren, la ni ga ngangais Linintoo at ne Moroa.

Lagale Lavavang At Ne Iesu Karisito Jon Ga Malagan I 7:12

Buaang atnedi limixin diga paase siksikma mu ne Iesu. La leventaba luvuttadi diga lok, “Neni lagale laradi.” Leventaba diga lok, “Kopmen, neni i sasar asoogong buaang limixin.”

Leven Gugu 11:21

La Leeme Silok ga lox alolos nedi la buaang nedi limixin diga nuunu la diga leeng basinge laxakapmek atdi la diga raba lorooro atdi ri Leeme Silok.

Leven Gugu 2:4

Loroonan Kaala ga vubeles atnedi axap la diga lox epovo i do dina paase mi lempapaase petpes, i ngan Loroonan Kaala ga raba di min.

Leven Gugu 2:47

Diga emi asu mi ne Moroa la limixin axap diga lok ngangao atdi. At levenaleng axap Leeme Silok gam lam abeles bok luvuttadi diga lok kaka lunuunu at laasen at ne Iesu ukeneng ap mo lexekexes atdi.

Leven Gugu 24:16

Kuren la a lolos amisik ti ke laxakapmek la ana nemen mokmokso at lemeren ne Moroa la limixin.

Leven Gugu 5:14

Ketla buaang nedi limixin, lavatlok mi lavakin diga lok kaka lunuunu at Leeme Silok la diga beles at loxonbinam atdi.

Leven Gugu 6:3

Luvutnetak mi luvurinuk, mina soxolik ka tavanuti tuvuttadi xantubu atnemi xa, mo nemi mikleklen di do di umsu mi Loroonan Kaala la lodoxoma avukat; la nema maba lok li di, kusu dina lok tatao na lugugu,

Leven Gugu 6:5

Nedi axap diga lok momo ap mo levelinga at luvuttadi vavang; kuren la diga soxolik ka ne Stiven, laradi ga umsu mi lunuunu la Loroonan Kaala; la ne Pilip, Porokaras, Nakano, Timon, Pamenas; la ne Nikolaus neni boro Antiok, la goxopmen neni laradi me Judaia, ketla neni gam tebeng lunuunu ngan leme Judaia.

Leven Gugu 6:8

Stiven neni laradi ga umsu mi letaba nabalamu at ne Moroa; la ni ga umsu bok mi lolos la ga lok lempanga sangsangu kantubu at limixin.

Leven Gugu 9:31

Kuren la luvuttadi nuunu at lengkot axap Judaia, Galili, la Samaria, diga ruuna limila la kopmen bok ba di goxo marat. La leexes at limixin nuunu ga urut; mila Loroonan Kaala ga gugu kantubu atdi, la diga lok ngangao aleng at Leeme Silok.

Lovoang At Ne Pol Ti Limixin Nunu to Rom 15:15

Ketla keneng at na lovoang a malagan levelinga lolos kusu ri lox axasep levendoxoma atnemi ri levempanga nenia agara vaase vam nemi min. Nenia a epovo ri paase lolos tinimi mila gano ne Moroa ga raba ia mi na lugugu,

Lovoang At Ne Pol Ti Limixin Nunu to Rom 5:7

I lolos aleng ti tara xusu neni na met ti taradi mokmokso. Nia a lok do agut tepenaleng ba go, tara naba mulus ti met ti laradi avukat.