Leven Gugu 11:23 - Madak

²³ Ni ga rupot la ni ga ven i do ne Moroa ga lox aumsu mo limixin mi letaba nabalamu ren. Ni ga lok momo la ga vaase lolos tinedi axap kusu dina tu lolos mi lunuunu la luruturun atnedi saparap Leeme Silok mi lodoxoma atdi axap.

Leven Gugu 11:23 ပူးပေါင်းရင်းမြစ်များ

Sam 17:3

Uklen lorooro rak. Uga vot pasa ia at laxanimin la uga viila mumu axap lorooro rak, ugoxo vuse kaka tibilinga rak. Nenia axo paase kapmek,

Metiu 16:24

La ne Iesu ga lok ti luvuttadi loklok ka anasa ren, “Mo do tara i vara i do na emu eburu minia, neni na domampe lorooro axap teren, la na gagas li i xusu nap kip losongsongot at levenaleng axap, la neni na mumu asu ba ia.

Lagale Lavavang At Ne Iesu Karisito Mak Ga Malagan I 2:5

La ne Iesu ga ven kibis lunuunu atdi la ga lok ti laradi mekmeres keretna, “Lentangas tarak. Leveloklok kakapmek axap taram, a doxoma xepe i.”

Lagale Lavavang At Ne Iesu Karisito Jon Ga Malagan I 15:4

Mina nemen tarak, la nia anaba nemen atnimi. Laxakan una xopmen na epovo na visik do ni xopmen na nemen sogo at luuna. Nemi xopmen mina epovo ri visik lempeven una se do nemi mina nemen tarak.

Leven Gugu 13:43

Melemu at limixin diga on basinge loogu singising, buaang atnedi limixin me Judaia la nedi bok kopmen di me Judaia, mo diga lok ka vam lotu at limixin me Judaia, diga mumu asu ne Pol mi ne Banabas; duga paase ridi la duga lox alolos di xusu dina nemen keneng at letaba nabalamu at ne Moroa.

Leven Gugu 14:22

Duga lox alolos lunuunu at luvuttadi nuunu, la duga vaase alolos di xusu dina tu tuxuruxun at lunuunu atnedi. Duga lok, “Nedik ataba ekip tangarang mi laxanmumuat solo, la kerepmo ataba beles at Linintoo at ne Moroa.”

Leven Gugu 14:26

La duga los kas at lavattaaxup go Atalia la duga sen uto Antiok; ap mo lemenemen no limixin nuunu diga raba nedu maxopok at letaba nabalamu at ne Moroa ri lugugu mo duga lox axap pam i.

Leven Gugu 15:40

Ketla ne Pol ga soxolik ka ne Sailas. La luvuttadi nuunu diga song araba ne Pol mi ne Sailas ti loklok tatao at Leeme Silok la duga vas kaxat.

Leven Gugu 20:24

Ketla nia a lok do lorooro rak i lok ngan ta do lavanga gamasa mun tia; nia a vara mun i do ana lox axap lavatpas tarak la ana lox axap lugugu at Leeme Silok ne Iesu ga raba ia min; mo lugugu ri tong asu Lagale Lavavang mumu letaba nabalamu at ne Moroa.

Leven Gugu 20:32

La ana nia a lok li nimi maxopok at loklok tatao at ne Moroa la levelinga mumu letaba nabalamu ren ba lok tooro nimi. Neni xa i epovo ri lox alolos lunuunu atnimi la na raba nemi mi lapnovos no ni i gagas li i ri limixin teren.

Leven Gugu 4:36

La ne Josep neni at libibinat at ne Levi, neni boro Saipras, mo luvuttadi vavang diga tong box i do Banabas (Lavasuun at laasen Banabas do, “Laradi loklox alolos.”)

Lovoang At Ne Pol Ti Limixin Nunu to Rom 12:8

Mo dola ti paase tooro lentaba vetpes, ata lox epovo box i xuren. Mo dola tim taba, ata raba solo mi lempanga atdik; mo dola ti lok tatao limixin, ata lok tatao avukat di; mo dola ti belemumu leventaba vetpes, ata lox epovo i mi lomomo.

1 Korin 15:58

Kuren la luvutnetak mi luvurinuk orong, mina tu lolos at levelinga at ne Moroa la nemen tara ta sar asoogong ka nimi basinge luruturun teren. Minak lox angtang amisik at leven gugu atnimi ri Leeme Silok, atla mikleklen i do leven gugu atnimi ri Leeme Silok, ni noxo lok ngan lavanga gamasa.

2 Korin 1:17

Ise nenia aga soxovo li i na, aga soxovo li i mi luruturun, nia xopmen agoxo soxovo li mene i mi loklok at na lavatbung menemen la ana sisiam gamasa mene do tuturun la kopmen.

2 Korin 6:1

At leven gugu atnema eburu mi ne Moroa, ma sing nemi do nemen mita siam ka mo letaba nabalamu at ne Moroa mi lumun pipisik mun.

Kolosi 1:6

Na Lagale Lavavang i ruuna laxampipisik solo la i sat kaka limixin at na lavatbung menemen axap kusu dina nuunu at ne Iesu Karisito la dina lok leveloklok i nunuan. La kerepmo bok Lagale Lavavang i pisik kantubu atnimi, ga ru ka i ap mo laaleng miga ronga i la miga ven kibis letaba nabalamu at ne Moroa, mo letaba nabalamu i ruturun tinotno.

2 Timoti 3:10

Ketla nenu u mumu asu avukat levenanasa rak la loklok tarak; ura lok kaka vam lorooro rak, la ura ven kibis lunuunu rak; ngan loklok mulus, labalamu la a tu lolos bok at lunuunu rak.

1 Pita 5:12

Ne Sailas ga lok tooro ia xusu ri malagan na lovoang mutmut tinemi, la neni netak at laasen at ne Karisito. A vara i xusu ana lox alolos nemi mi levelinga at na lovoang, anai neni letaba nabalamu rinotno at ne Moroa. Kuren la mina tu lolos keneng teren.

1 Jon 2:28

Luvutnuruk orong. Minat kis esogo amisik mi ne Iesu kusu at lovotpot teren mi noxo marat la mi noxo mangan.

3 Jon 1:4

Ise nenia a ronga i do luvutnuruk di mumu asu luruturun, nenia a lok momo aleng.

Lovoang At Ne Jut 1:4

Nia a tong i na rinimi mila lentaba limixin kopmen dina nuunu at ne Moroa, dira vubeles nemnem pam keneng at lotu atnimi. Nedi di ba gili xapmek levelinga mumu letaba nabalamu at ne Moroa atdik, kusu dinaba mu arup levelinga atdi ri lok laxakapmek maxamang at lixitkis epot. La di sok tixirixes ne Iesu Karisito, ni Leges Orong Silok kusuk mun atnedik axap la Leeme Silok atnedik. Ganoxa levelinga xeneng at Lovoang Kaala ga tong li i do nedi dinaba ruuna ka levesongsongot silok.