Leven Gugu 11:20 - Madak

²⁰ Ketla lentaba luvuttadi nuunu boro Saipras la Sairini, digat pas uto Antiok la diga vavang go ri limixin kopmen di me Judaia; diga tong asu Lagale Lavavang at Leeme Silok ne Iesu.

Leven Gugu 11:20 ပူးပေါင်းရင်းမြစ်များ

Metiu 27:32

Luvuttadi esep mi ne Iesu diga sixisu ap mo loogu la diga ekip tangarang mi lara laradi boro Sairini, laasen teren ne Simon, la luvuttadi esep diga sox aruru parang i xusu na xip ka laxaba at ne Iesu.

Lagale Lavavang At Ne Iesu Karisito Jon Ga Malagan I 7:35

Luvuttadi amgomgo diga epaase xantubu atdi xeretna, “I lok do ni mo nat pas ua xusu nedik noxo vuse ka i. Agut neni nabat pas uto at tara temenemen silok at limixin boro Grik; no limixin me Judaia dik lox e la neni naba anasa limixin boro Grik.

Leven Gugu 11:19

Buaang nedi luvuttadi nuunu diga epeseves uto at levengkot Judaia la at lengkot petpes bok mumu levesongsongot limixin kakapmek diga ru ka i at loxonaleng diga sev amet ne Stiven. Lentaba atnedi digat pas upaxalom uto Pinisia la Saipras la Antiok, diga tong asu Lagale Lavavang at ne Iesu ti leme Judaia kusuk la kopmen ti levenabung mixin petpes.

Leven Gugu 11:22

Levelinga mumu i na lavanga ga rupot ti limixin nuunu ro Jerusalem; kuren la diga riki ne Banabas uto Antiok.

Leven Gugu 11:26

La ne Banabas ga vosiga i la ni ga lam kaka i uto Antiok. At legesa maares kudun nedu dugat pot eburu minedi buaang limixin ap mo loxot la duga anasa di. Mo go mun Antiok limixin nuunu diga lok ka avot na laasen Kristen.

Leven Gugu 11:27

Ap mo levenaleng lentaba lavaeme vapaase alii diga vas kaxat boro Jerusalem la diga rupot to Antiok.

Leven Gugu 13:1

At loogu lotu go Antiok lentaba lavaeme vapaase alii la lentaba luvuttadi loklox ase mo gak lok; Banabas, Simion (diga tong box i do laradi bibi), Lusias (boro Sairini), Manaen (mo nedu mi laradi gomgo ne Erodes duga etangas eburu), la ne Sol.

Leven Gugu 14:26

La duga los kas at lavattaaxup go Atalia la duga sen uto Antiok; ap mo lemenemen no limixin nuunu diga raba nedu maxopok at letaba nabalamu at ne Moroa ri lugugu mo duga lox axap pam i.

Leven Gugu 15:22

La luvuttadi vavang la loxongkulao silok eburu mi limixin axap at lotu, diga doma i do dina soxolik ka lentaba luvuttadi ap mo libinam tadi la dina sak tiki nedi uto Antiok eburu mi ne Pol la ne Banabas. Diga soxolik ka ne Judas, laasen bok teren ne Basabas, la ne Sailas; nedu luradi silok kantubu at limixin nuunu.

Leven Gugu 15:23

Diga raba nedu mi mo lovoang ga lok keretna; “Nema na luvuttadi vavang la loxongkulao silok, luvutneton nimi; ma lox aonon lomomo atnama rinemi limixin kopmen nemi me Judaia mo mi nemen to Antiok, Siria, la Silisia.

Leven Gugu 15:30

Limixin lotu diga riki mo luvuttadi vapaase asu levelinga uto Antiok. Diga rupot la diga ro bubua ka mo axap limixin nuunu la diga raba nedi mi levelinga loklox axasep keneng ap mo lovoang.

Leven Gugu 17:18

Lentaba luvuttadi loklox ase diga tong nedi do Epikurian la Stoik diga etep mi levelinga eburu mi ne Pol. Lentaba diga sue, “Lavanga salai na laradi baulang i lok do na tong asu i?” Lentaba vetpes diga lok, “Ni i paase mumu levenmoroa at lengkot petpes.” Diga tong i na mila Pol ga vavang mumu ne Iesu la laxakatu kaxat amlong teren.

Leven Gugu 18:22

La ni ga rupot to Sisaria la gat pas uto Jerusalem la ga vot pasa mene limixin nuunu me go; melemu ni gat pas uto Antiok.

Leven Gugu 2:10

Pirigia la Pampilia la boro Isip la at lengkot bok Libia saparap Sairini; la lentaba bok atdik na boro Rom.

Leven Gugu 4:36

La ne Josep neni at libibinat at ne Levi, neni boro Saipras, mo luvuttadi vavang diga tong box i do Banabas (Lavasuun at laasen Banabas do, “Laradi loklox alolos.”)

Leven Gugu 5:42

La at levenaleng axap to xeneng at loogu laplavang la to at leventaugu at limixin, diga anasa la diga vavang mi Lagale Lavavang at ne Iesu, neni Lanarong.

Leven Gugu 6:1

Ap mo levenaleng leexes at luvuttadi nuunu ga uturut amisik upana; la leedak ga ravasu xantubu atnedi limixin me Judaia mo diga paase Grik la nedi limixin me Judaia diga paase Judaia. Limixin mo diga paase Grik, diga lok do lempat naa atdi, di goxop kip ka epovo levempanga loklok tooro ridi at levenaleng axap.

Leven Gugu 6:5

Nedi axap diga lok momo ap mo levelinga at luvuttadi vavang; kuren la diga soxolik ka ne Stiven, laradi ga umsu mi lunuunu la Loroonan Kaala; la ne Pilip, Porokaras, Nakano, Timon, Pamenas; la ne Nikolaus neni boro Antiok, la goxopmen neni laradi me Judaia, ketla neni gam tebeng lunuunu ngan leme Judaia.

Leven Gugu 6:9

Ketla lentaba luvuttadi di goxopara rin, nedi luvuttadi boro at lumenemen Sairini la Aleksandria; diga lotu at lara loogu singising, laasen teren, ‘Loogu Singising at Luvuttadi Sepsen.’ La lentaba limixin bok me Judaia boro Silisia la Asia di goxopara ne Stiven; nedi axap eburu mi ne Stiven diga etep mi levelinga.

Leven Gugu 8:35

Pilip ga vaase rin, ga vaxaru ka i ap mo loxot, neni ga utus i, neni ga tong Lagale Lavavang at ne Iesu rin.

Leven Gugu 8:5

Pilip gat pas uto at lara lemenemen at lenep Samaria la ni ga vavang mi Lagale Lavavang at Lanarong tinedi limixin me go.

Leven Gugu 9:20

Sol ga beles to xeneng at laraugu singising la soso mun ni ga vaxaru ka i xusu na vavang mi laasen at ne Iesu. Ni ga lok, “Iesu neni Nitna ne Moroa.”

Leven Gugu 9:29

Ni eburu minedi limixin me Judaia mo diga paase Grik diga etep mi levelinga, ketla diga lok tong pen i do dina sev amer i.

1 Korin 2:2

At levenaleng nenia aga nemen eburu minimi, aga doxoma i do ana ke xepe be levelinga axap la ana vavang kusuk be mi laniu at ne Iesu Karisito ga uu at laxaba.

Galesia 2:11

Ketla at loxonaleng ne Pita gat pas uto Antiok, nenia aga vaase tangarang tinotno i at lemeren e, atla ga xasep tinotno do neni ga soogong.

Epesas 3:8

Nenia laradi lixilik tinedi axap limixin at ne Moroa, ketla neni ga lox asu letaba nabalamu ren tia kusu nenia ana vavang mi ne Karisito, ni i lok ngan lapnovos i silok aleng la kopmen tara i epovo na vuse ka tempanga silok kerekngan neni. La a vavang ti limixin kopmen di me Judaia,