Leven Gugu 1:9 - Madak

⁹ Melemu at na levelinga ren, Moroa ga lam kaka i upana la loxontakabu ga lok pe i basinge levereven atnedi.

Leven Gugu 1:9 ပူးပေါင်းရင်းမြစ်များ

Sam 68:18

Ni ga lam kaka buaang limixin kokoxo la ga urut eburu midi uto vana at lakaana Saion. Ni ga ruuna ka leventamtaba atdi mo limixin tongtonga xepe diga esev eburu min. Leeme silok ne Moroa naba nemen go.

Lagale Lavavang At Ne Iesu Karisito Mak Ga Malagan I 16:19

Se Leeme Silok ne Iesu ga vaase axap, Moroa ga lam ka i uto vana at laxalibet la neni ga xis taba ro at lenep at lekngen tino at ne Moroa.

Lagale Lavavang At Ne Iesu Karisito Luk Ga Malagan i 21:27

Ap mo levenaleng limixin diba ven ia, Laradi Mevana, anaba vot at loxontakabu mi langsangan lololos mi lisisixam.

Lagale Lavavang At Ne Iesu Karisito Jon Ga Malagan I 6:62

Kereva, dola mina ven ia, Laradi Mevana, ana urut uto vana, minaba siam ka ba levenanasa rak?

Leven Gugu 1:11

La duga lok, “Luvuttadi me Galili, lai mo mi tu mu i la mia reven upana at lamavangkap? Na ne Iesu, ne Moroa i lam kaka i basinge nimi uto vana, ni nabamlong bok kerekngan tai mo nemi mi ven i, i urut uto vana at laxalibet.”

Leven Gugu 1:2

se at laaleng ne Moroa ga lam kaka i uto vana at laxalibet. Goxovisi ni goxo urut uto vana la ni ga vaase mi levelinga at Loroonan Kaala rinedi luvuttadi ni ga soxolik ka nedi do luvuttadi vavang teren.

1 Tesalonia 4:17

La nedi limixin nuunu move di rooro ap mo laaleng, dinaba urut la dinaba vot pasa nedi digamgo vam at labantakabu; la dinaba ekip tangarang mi Leeme Silok to at lamavangkap la nedik tanaba nemen amisik eburu min.

1 Timoti 3:16

I ruturun aleng do lotu atdik, ni lavanga i silok aleng mumu Leeme Silok atdik; “Neni ga rupot ngan laradi; Loroonan Kaala ga lox asuusu i do lorooro ren ga nemen mokmokso; la lubungangelo diga ven i. Limixin diga vavang min to at lengkot axap la limixin diga nuunu ren nade at na lavatbung menemen; la ne Moroa ga lok ka i uto vana at laxalibet.” Sam 9:11

Lisilimet 1:7

Mina ven avukat tin. Neni mo naba vot eburu mi loxontakabu, la larabung mixin axap eburu minedi diga vaxarem i at laxaba, dinaba ven i. La limixin axap at na lavatbung menemen dinaba saxaanu mu bok ba i. La nai naba ravasu ruturun kuren. I ruturun.

Lisilimet 11:12

La na luradi vapaase duba ronga lara na vaase ridu boro vana at laxalibet la ba lok, “Ude numu vana.” La duba urut uto vana at laxalibet keneng at loxontakabu, la limixin munepen midu mo diba tu la diba reven du.

Lisilimet 14:4

Nedi mun na limixin di goxo lok taxakapmek maxamang at lixitkis epot, mila diga tu asepsu basinge loklok ti elong ka. Nedi na limixin di mumu amisik Lanasip; Moroa ga un ka amlong di xantubu at limixin la diga lok ngan levempipisik avot ti ne Moroa la Lanasip.