Leven Gugu 1:2 - Madak

² se at laaleng ne Moroa ga lam kaka i uto vana at laxalibet. Goxovisi ni goxo urut uto vana la ni ga vaase mi levelinga at Loroonan Kaala rinedi luvuttadi ni ga soxolik ka nedi do luvuttadi vavang teren.

Leven Gugu 1:2 ပူးပေါင်းရင်းမြစ်များ

Metiu 12:28

Ket do a lox asu di mi lololos at Loroonan Kaala at ne Moroa, Linintoo at ne Moroa mo nga ira vot pam saparap nimi.

Metiu 3:16

Melemu at ne Jon ga sep susu ne Iesu, neni ga vas urut basinge ladan la uto at lisigege dan. La ne Moroa ga suang laxalibet ti ne Iesu, la neni ga ven Loroonan at ne Moroa ga si boro vana la ukopok; ga ven ngan ta lamno la gasga ne Iesu.

Lagale Lavavang At Ne Iesu Karisito Mak Ga Malagan I 6:30

La luvuttadi vavang at ne Iesu digamlong ta la diga tong asu lempanga axap diga lox i la levelinga diga anasa limixin min.

Lagale Lavavang At Ne Iesu Karisito Luk Ga Malagan i 24:51

Se neni ga lox anarong pam di, neni ga on basinge di la ne Moroa ga lok kaka nga i uto vana at laxalibet.

Lagale Lavavang At Ne Iesu Karisito Luk Ga Malagan i 9:51

Levenaleng ga sixit auret ta xusu ne Moroa naba lok kaka ne Iesu upana at laxalibet, la neni ga lox agagas lodoxoma ren la neni ga vas kaxat uto Jerusalem.

Lagale Lavavang At Ne Iesu Karisito Jon Ga Malagan I 1:16

Letaba nabalamu ren i silok aleng tidik, la kerepmo neni ira lox anarong nedik, la iram taba amisik dik mi nom leveloklox anarong.

Lagale Lavavang At Ne Iesu Karisito Jon Ga Malagan I 13:1

At laaleng avot ti leluxa at Lovovolo Pe, Iesu gaklen pam i do loxonaleng ga epovo vam kusu rin ti on basinge na lavatbung menemen la nat pas uto saparap ne Temen. Amisik ne Iesu ga balamu limixin axa ren. La ni ga lox asuusu labalamu ren tidi at laaleng neni ga met teren.

Lagale Lavavang At Ne Iesu Karisito Jon Ga Malagan I 13:18

La ne Iesu ga lok tidi, “Ketla kopmen nemi axap ta miba lok ka loklox anarong. Aklen nedi leventaba agara lok katling pam nedi ngan luvuttadi vavang tarak, ketla legesara mun atnimi, kopmen. Neni ik lok ti lox asorun levelinga xeneng at Lovoang Kaala i lok keretna, ‘Neni mo lara i an eburu minia at loxongkide, ira raba vam ia ri limixin kapmek.’ Sam 41:9

Lagale Lavavang At Ne Iesu Karisito Jon Ga Malagan I 13:3

Iesu gaklen pam i do ne Temen ga lok li levempanga axap maxopok at loklok tatao ren, la gaklen box i do neni ga si boro vana at ne Moroa la nabamlong bok tin.

Lagale Lavavang At Ne Iesu Karisito Jon Ga Malagan I 16:28

Agat pas boro at ne Tamak la aga vot nade at na lavatbung menemen; la mo nga ana on basinge na lavatbung menemen la anamlong manga uto at ne Tamak.”

Lagale Lavavang At Ne Iesu Karisito Jon Ga Malagan I 17:13

Mo nga ana vot pasa u, ketla a tong na levelinga ru at na lavatbung menemen kusu nedi na diba ruuna ka lomomo xerekngan lomomo rak.

Lagale Lavavang At Ne Iesu Karisito Jon Ga Malagan I 20:17

Iesu ga lok tin, “Nemen uta ranga tu rak, mila a xovisi ana onon uto vana at ne Tamak. Ketla una vosiga luvutnetak la una tong i ridi do anamlong be uto at ne Tamak, neni ne Temen nimi bok, Moroa rak, neni ne Moroa box atnimi.”

Lagale Lavavang At Ne Iesu Karisito Jon Ga Malagan I 20:21

La ne Iesu ga lox amu manga ridi, “Limila nak lox eburu minimi. Ne Tamak ga riki ia, kuren la nenia bok, ana riki nimi.”

Lagale Lavavang At Ne Iesu Karisito Jon Ga Malagan I 3:34

Mo laradi ne Moroa ga riki i, i paase mi levelinga at ne Moroa mila ne Moroa ga raba axav i mi Loroonan Kaala.

Lagale Lavavang At Ne Iesu Karisito Jon Ga Malagan I 6:62

Kereva, dola mina ven ia, Laradi Mevana, ana urut uto vana, minaba siam ka ba levenanasa rak?

Lagale Lavavang At Ne Iesu Karisito Jon Ga Malagan I 6:70

Iesu ga lok tidi, “Nia aga soxolik ka nemi lasangaun mi legepura ngan luvuttadi loklok ka anasa rak. Ketla legesara atnimi ni lamdak at ne Satan.”

Leven Gugu 1:11

La duga lok, “Luvuttadi me Galili, lai mo mi tu mu i la mia reven upana at lamavangkap? Na ne Iesu, ne Moroa i lam kaka i basinge nimi uto vana, ni nabamlong bok kerekngan tai mo nemi mi ven i, i urut uto vana at laxalibet.”

Leven Gugu 1:13

Diga vubeles uto xeneng at lemenemen silok Jerusalem la diga vubeles uto vana at loogu diga nemen teren; Pita, Jon, Jems la ne Endru, Pilip la ne Tomas, Batolomiu la ne Metiu, Jems nitna ne Alpias, Simon neni at lubungmixin me Selot; la ne Judas nitna ne Jems.

Leven Gugu 1:9

Melemu at na levelinga ren, Moroa ga lam kaka i upana la loxontakabu ga lok pe i basinge levereven atnedi.

Leven Gugu 10:38

Nemi miklen i do ne Iesu me Nasaret, ne Moroa ga lox anarong i mi Loroonan Kaala la ga raba box i mi lolos teren. Ni gat pas at lengkot axap la ga lok lempanga nunuan la ga lox aroo nedi bok ne Satan ga xoxo di, mila ne Moroa ga nemen eburu min.

Galesia 1:1

Nenia ne Pol, la nenia laradi ga lok ka lorotoro ngan laradi vavang la mo lorotoro goxo ravasu at taradi gamasa, ketla ga ravasu boro at ne Iesu Karisito eburu mi ne Moroa, ne Temen, no ga lox aroo amlong i at lanmet.

Epesas 2:20

Nom loogu luvuttadi vavang mi lavaeme vapaase alii diga vaxaru i, la keneng ap mo loogu, ne Iesu Karisito ni luat kis teren.

1 Timoti 3:16

I ruturun aleng do lotu atdik, ni lavanga i silok aleng mumu Leeme Silok atdik; “Neni ga rupot ngan laradi; Loroonan Kaala ga lox asuusu i do lorooro ren ga nemen mokmokso; la lubungangelo diga ven i. Limixin diga vavang min to at lengkot axap la limixin diga nuunu ren nade at na lavatbung menemen; la ne Moroa ga lok ka i uto vana at laxalibet.” Sam 9:11

Ibru 9:24

Karisito goxo lok lugugu ren to xeneng at loxot kaala limixin diga lox i; mo loxot ni lampoovo mun ap mo loxot tuturun no vana at laxalibet. Ketla neni ga vubeles to vana at laxalibet kusu na tu ro at lemeren ne Moroa la na ngising i ri lok tooro dik.

1 Pita 3:22

la neni gara urut pam uto vana at laxalibet, la amo nga ik lok at lekngen tino at ne Moroa, la neni lamgomgo at lubung angelo axap eburu mi luvuttadi loklok tatao la limixin lolos boro vana at laxalibet.

2 Pita 3:2

A vara i xusu anak lox adoxoma aklen nimi mi levelinga me gano at luvuttadi vapaase alii at ne Moroa la levelinga at Leeme Silok atnedik la Laradi Loklox Arooro; la ni na levelinga, luvuttadi vavang diga paase nemi min.

Lisilimet 1:1

Ana lovoang, ni lisilimet boro at ne Iesu Karisito, ne Moroa ga raba i min, kusu na lox ase lavasaxaruki ren mi lempanga salai mo naba vot soso mun. La ne Iesu ga riki laangelo ren kusu na vaase axasev i ri ne Jon, lasaxaruki ren,

Lisilimet 2:11

Do tara i ruuna lubaalung, i lox avukat do neni na ronga levelinga at Loroonan at ne Moroa i tong asu i ri limixin lotu. Do tara i tu lolos keneng at levenmumuat, neni noxo suma rinotno lanmet sepsev agepura.”

Lisilimet 2:17

Do tara i ruuna lubaalung, i lox avukat kusu neni na ronga na levelinga Loroonan at ne Moroa i tong asu i ri limixin lotu. Ti mo lara do i tu lolos la it pas asi amisik laxapmek, aba raba i mi leveluxa boro vana at laxalibet, laasen teren lamaana, no i nemen alipe. La aba raba box i mi luat bunbun, eburu mi laasen maxat, mo bak lok at luat bunbun. Kopmen teta naklen mo laasen, ketla mo laradi xusuk mun naba ruuna ka mo luat nabaklen i.”

Lisilimet 2:29

Do tara i ruuna lubaalung, i lox avukat do neni na ronga levelinga Loroonan at ne Moroa i tong asu i ri limixin lotu.”

Lisilimet 2:7

Do tara i ruuna lubaalung, i lox avukat do neni na ronga na levelinga at Loroonan at ne Moroa i tong asu i ri limixin lotu. Do tara i tu tuxuruxun la it pas asi lololos at laxapmek, aba lox epovo i rin kusu ni na anan at levempeven at luuna at lorooro, mo ik lok to at lagale lemenemen at ne Moroa.”

Lisilimet 21:14

La mo langas uat gat kis mavana ap mo lasangaun legepura larauat kis, la levenasen atnedi lasangaun mi legepura luvuttadi vavang at Lanasip gak lok teren.

Lisilimet 3:13

Do tara i ruuna lubaalung, i lox avukat do neni na ronga levelinga at Loroonan at ne Moroa i tong asu i ri limixin lotu.”

Lisilimet 3:16

Kuren la nenia anaba riki xepe nimi basinge ia mila nemi mik lok kantubu, lotu atnimi kopmen naplivi la kopmen na mumudut tinotno.

Lisilimet 3:22

Do lubaalung mo at tara, i lox avukat do neni na ronga na levelinga at Loroonan at ne Moroa i tong asu i ri limixin lotu.”