Leven Gugu 1:16 - Madak

¹⁶ la ga lok tidi, “Luvutnetak mi luvurinuk, levelinga keneng at Lovoang Kaala migomgo na ira sorun; kerekngan Loroonan Kaala ga tong asu i at lengkompixan at ne Devit, mu ne Judas, neni laradi gam gomgo rinedi luvuttadi xusu dina ranga alis ka ne Iesu.

Leven Gugu 1:16 ပူးပေါင်းရင်းမြစ်များ

Sam 41:9

Lentangas tino bok tarak, nia aga nunu saga ren; ni ga anan amisik eburu minia, la neni bok ira raba arulu ia.

Metiu 26:14

Lara atnedi lasangaun mi legepura luvuttadi loklok ka anasa, laasen teren ne Judas Iskariot ga vosiga lavamaasa silok.

Metiu 26:47

Iesu move ga paase la ne Judas ga rupot. Neni lara at lasangaun mi legepura luvuttadi loklok ka anasa at ne Iesu. Buaang limixin diga emu min, digap kip levemparise sepsep la levempukup sepsep. Lavamaasa silok la loxongkulao silok at limixin me Israel diga riki di.

Metiu 26:54

Ketla keke nga di mila nia aba lox asorun mo levengkot at Lovoang Kaala i tong asu i do na lavanga naba vot.”

Metiu 26:56

Na levempanga i ravasu keretna xusu na lox asorun levenmamalagan at lavaeme vapaase alii.” La luvuttadi loklok ka anasa ren diga sixiro axap.

Lagale Lavavang At Ne Iesu Karisito Mak Ga Malagan I 12:36

Mila ne Devit ga tong asu levelinga mi lodoxoma at Loroonan Kaala la nom levelinga ik lok to xeneng at Lovoang Kaala xeretna, ‘Leeme Silok ne Moroa ga lok ti Leeme Silok tarak keretna, una xis de at lakngak tino se nenia ana lok li limixin munepen taram i ngan loxot burubut ti luxangkedek taram.’ Sam 110:1

Lagale Lavavang At Ne Iesu Karisito Mak Ga Malagan I 14:43

La ne Iesu move ga paase la soso mun ne Judas, lara at luvuttadi loklok ka anasa at ne Iesu ga rupot la buaang nedi luvuttadi diga emu min. Digap kip lemparise sepsep la levempukup sepsep. Lavamaasa silok la luvuttadi loklox ase at Lenavolo, loxongkulao silok diga riki di.

Lagale Lavavang At Ne Iesu Karisito Luk Ga Malagan i 22:47

Iesu move ga paase la buaang nedi limixin diga vot, la lara laradi laasen teren ne Judas gat pas to melamgo atdi; neni legesara atnedi lasangaun legepura luvuttadi loklok ka anasa, la neni ga vas auret ne Iesu la ga nes i.

Lagale Lavavang At Ne Iesu Karisito Jon Ga Malagan I 10:35

Ataklen i do levelinga at Lenavolo i ruturun tinotno; la ne Moroa ga tong di do levenmoroa, ti mo luvuttadi levelinga ren ga vot tidi.

Lagale Lavavang At Ne Iesu Karisito Jon Ga Malagan I 13:18

La ne Iesu ga lok tidi, “Ketla kopmen nemi axap ta miba lok ka loklox anarong. Aklen nedi leventaba agara lok katling pam nedi ngan luvuttadi vavang tarak, ketla legesara mun atnimi, kopmen. Neni ik lok ti lox asorun levelinga xeneng at Lovoang Kaala i lok keretna, ‘Neni mo lara i an eburu minia at loxongkide, ira raba vam ia ri limixin kapmek.’ Sam 41:9

Lagale Lavavang At Ne Iesu Karisito Jon Ga Malagan I 17:12

At levenaleng aga nemen eburu midi, aga lok tatao di mi nom laasen uga raba ia min. Kopmen tara atdi ga seeve, ketla legesara mun atdi naba seeve xusu na lox asorun levelinga at Lovoang Kaala.

Lagale Lavavang At Ne Iesu Karisito Jon Ga Malagan I 19:36

Na levempanga ga ravasu xusu ri lox asorun levelinga at Lovoang Kaala, i lok keretna, ‘Kopmen tekosi ren naba repit.’ Pas 12:46

Leven Gugu 1:20

La ne Pita ga lok bok, “Keneng at levempikpixan at ne Devit ni ga malagan i xeretna, ‘Mo loogu ren na nemen gamasa; la tara noxo nemen bok ba ren.’ Sam 69:25 Melemu bok, ‘Mo lugugu ren tara naba xip kaka i ren.’ Sam 109:8

Leven Gugu 13:15

Melemu at leexes at Lenavolo at ne Moses la levelinga at lavaeme vapaase alii, luvuttadi amgomgo at loogu singising diga lok tidu, “Lunetak, ma vara i do muna vaase ri limixin do nemu mu ruuna tevelinga loklox alolos tinedi.”

Leven Gugu 13:38

Luvutnetak mi luvurinuk. Nemi axap, minaklen avukar i do, keneng mun at ne Iesu, langas i rem suang kusu ne Moroa naba doxoma xepe laxakapmek at limixin. Monga ma tong asu na levelinga rinimi.

Leven Gugu 15:13

Melemu at lavapaase atdu, Jems ga lok keretna, “Luvutnetak, mina ronga ia!

Leven Gugu 15:7

Melemu at laxampapaase solo atdi ga xap, Pita ga xatu kaxat upana la ga lok, “Luvutnetak, mikleklen i do gano migomgo Moroa ga soxolik ka ia xantubu atnimi xusu ana tong asu Lagale Lavavang tinedi limixin kopmen di me Judaia kusu dina ronga i la dina nuunu ren.

Leven Gugu 2:23

Moroa xa ga lox agagas i la gaklen pam lavanga naba ravasu, kerekngan lodoxoma axa ren; la nemi miga sev amer i xeretna, miga siam taba luvuttadi xapmek do dina vaxarem i ro vana at laxaba.

Leven Gugu 2:37

Mo limixin diga ronga i na, diga bulu aleng la diga lok ti ne Pita eburu mi luvuttadi vavang, “Luvutneton nama, maba lok lavanga salai?”

Leven Gugu 22:1

“Luvutnetak mi luvuttamak, mina ronga ia; ana paase de melamgo atnimi!”

Leven Gugu 23:1

Pol ga sok katli ka luvuttadi silok la ga lok tidi, “Luvutnetak. Luruptuvuk tarak i lox avukat axap at lemeren ne Moroa, ise at na laaleng lingina.”

Leven Gugu 23:6

La ne Pol ga ven i do lentaba atdi na limixin nedi lubung Sadiusi la lentaba bok atdi nedi lubung Parisi, la ni ga vaase silok tinedi luvuttadi, “Luvutnetak, nenia la Parisi, la ne tamak bok, neni la Parisi. A tu at lavapaase mila nia aklen i do ne Moroa naba lox arooro amlong nedi diga met pam diba roo xat amlong.”

Leven Gugu 28:17

Melemu at lavantun aleng Pol ga xup bubua ka luvuttadi amgomgo at leme Judaia. Diga rupot buru, la ne Pol ga lok tinedi, “Luvutnetak! A goxo lok tepanga xapmek mumu limixin atdik kopla leretere at lavalabat atdik. Ketla diga lok li ia at loxokoxo ro Jerusalem la diga song araba ia uto at limixin me Rom.

Leven Gugu 28:25

Kuren la diga vas kaxat basinge i mila levendoxoma atnedi ga ekarakat melemu at levelinga at ne Pol. Ni ga tong i ridi xeretna, “Loroonan Kaala ga vaase ruturun at lungusno at leeme vapaase alii ne Aisaia tinedi lavalabat atnemi.

Leven Gugu 7:2

La ne Stiven ga vorang i ridi xeretna, “Luvutnetak la luvuttamak. Mina ronga be levelinga rak. Moroa at laxasep ga rupot saparap ne Abaram ne temen dik ap mo laaleng neni ga nemen to Mesopotemia, la avot ti laaleng neni gat pas uto Aran;

1 Pita 1:11

Diga puse i xusu dinaklen kaka rinotno loxonaleng at lovotpot at ne Karisito la naba vot kereva. La digam doma vupuse do Loroonan at ne Karisito no gak lok keneng atnedi, ga paase alii mi levesongsongot ne Karisito naba ekip tangarang min la neni naba ru pavaa mo levesongsongot, la melemu ren neni naba lok kaka langsangan lisisixam.

2 Pita 1:21

atla, kopmen tepempapaase alii ga ravasu mun at lodoxoma mene nga at taradi at na laxangka, ketla lavaeme vapaase alii, diga vonon mumu mene nga Loroonan Kaala at levenaleng diga paase asu levelinga ga laala boro at ne Moroa.

2 Pita 2:21

Gitaba lox avukat tinotno rinedi xusu di gitoxoklen langas at lomokmokso; la i lok kapmek tinotno mila di garaklen pam i la melemu diga repukus basinge manga mo levelinga xaala ne Moroa ga raba nedi min.