Leven Gugu 1:15 - Madak

¹⁵ At lara laaleng Pita ga xatu kaxat kantubu atnedi legesa sangaun kobot mi legepu sangaun (120) luvuttadi nuunu;

Leven Gugu 1:15 ပူးပေါင်းရင်းမြစ်များ

Metiu 13:31

Iesu ga vaase bok tidi mi lara lavapaase poovo xeretna, “Linintoo no vana at laxalibet i lok ngan lara laradi ga lok ka levenit mastet la gatlotlo i ro xataamang teren.

Lagale Lavavang At Ne Iesu Karisito Luk Ga Malagan i 22:32

Ketla ara sing pam tu, ne Simon, kusu lunuunu ram noxo subu. La do una leeng basinge laxakapmek taram, una lox alolos luvutnetam.”

Lagale Lavavang At Ne Iesu Karisito Jon Ga Malagan I 14:12

A tong tuturun i rinimi do nege i nuunu rak, neni naba lok levempanga i ngan nia agak lox i. Neni naba lok levempanga i silok aleng ti mo levempanga nia agak lox i, mila nia anat pas uto vana at ne Tamak.

Lagale Lavavang At Ne Iesu Karisito Jon Ga Malagan I 21:23

Luvuttadi loklok ka anasa diga ronga na levelinga la diga tong i ri lavanga do mo laradi loklok ka anasa noxo met. Ketla ne Iesu goxo tong i xuren, neni ga lok mun keretna, “Do nenia a vara i do neni na rooro se at lomlong tarak, nemen uta doma solo i nom.”

Leven Gugu 10:23

Pita ga xup abeles di ukeneng la ga tong i rinedi do dina nemen be go ap mo laxanimin. Ap mo laaleng melemu Pita ga gagas, la ni ga emu minedi; la lentaba luvuttadi nuunu bok boro Jopa diga emu eburu min.

Leven Gugu 11:1

Luvuttadi vavang la luvuttadi nuunu at lengkot axap Judaia diga ronga i do limixin kopmen di me Judaia bok mo diga siam ka vam levelinga at ne Moroa.

Leven Gugu 11:12

La Loroonan Kaala ga tong i ria xusu anat pas eburu midi uto Sisaria la nemen nia ta doma solo i. La nedi na lavanna luvuttadi nuunu boro Jopa, nedi diga emu eburu minia uto Sisaria; la nema axap maga beles ukeneng at loogu at ne Konilias.

Leven Gugu 11:26

La ne Banabas ga vosiga i la ni ga lam kaka i uto Antiok. At legesa maares kudun nedu dugat pot eburu minedi buaang limixin ap mo loxot la duga anasa di. Mo go mun Antiok limixin nuunu diga lok ka avot na laasen Kristen.

Leven Gugu 11:29

Limixin nuunu boro Antiok diga vaase i do dina lok tooro limixin nuunu ro Judaia. Nedi diga ruuna lempilas buaang, diga raba i.

Leven Gugu 12:17

Ni ga sep makmak nedi xusu dinak lok pilo, la ni ga soxomus ba i ridi do ne Moroa ga lox asu i boro at loogu xokoxo kereva. Ni ga lok, “Mina tong i na ri ne Jems la luvuttadi nuunu. La ni ga on basinge nedi la gat pas uto at lemenemen petpes.”

Leven Gugu 14:2

Ketla lentaba limixin me Judaia no di goxo nuunu, diga lox axatu lodoxoma at lentaba limixin kopmen di me Judaia la diga vaase pe lusumsuma atnedi basinge luradi nuunu.

Leven Gugu 15:1

Lentaba luvuttadi nuunu diga la boro Judaia uto Antiok la diga lok ti luvuttadi nuunu mego keretna, “Nemi xopmen mi noxo lok ka lorooro do xopmen mi noxo vit kepe lengkontuxu atnimi xerekngan Lenavolo at ne Moses i tong i.”

Leven Gugu 15:3

Luvuttadi lotu me go Antiok diga sak tiki nedi uto Jerusalem, la digat pas maxeneng at lengkot Pinisia la Samaria la diga tong asu i ri limixin nuunu go, do limixin kopmen di me Judaia, mo diga leeng la diga nuunu at ne Iesu; lavavang at na ga lox amomo buaang nedi luvuttadi nuunu.

Leven Gugu 16:2

Luvuttadi nuunu ro Listra la Aikoniam diga tong i do ne Timoti neni laradi avukat.

Leven Gugu 16:40

Pol mi ne Sailas duga on basinge loogu xokoxo, la dugat pas uto at loogu at ne Lidia. Mogo duga ekip tangarang mi limixin nuunu, la duga lox alolos di mi levelinga la duga onon ta.

Leven Gugu 17:10

Ap mo mene laxanimin luvuttadi nuunu diga riki ne Pol mi ne Sailas uto Beria. Duga rupot, la at laaleng kaala dugat pas uto at loogu singising at lubungmixin me Judaia.

Leven Gugu 17:14

La soso mun luvuttadi nuunu diga sak tiki ne Pol uto loxon, kusu na mu lavattaaxup; ketla Sailas mi ne Timoti duga nemen go Beria.

Leven Gugu 17:6

Ketla di goxo vuse ka du, kuren la diga sat kaka ne Jeson la lentaba luvuttadi nuunu uto at limixin amgomgo ap mo lemenemen; la digap kup keretna, “Na luvuttadi di lok lekarakat silok at lengkot axap! La na dira beles pam at lemenemen atdik.

Leven Gugu 18:18

Pol ga nemen to Korin at levenaleng buaang; melemu ni ga on basinge luvuttadi nuunu la ni ga los kas at lavattaaxup la ni eburu mi ne Pirikila la ne Akuila diga sen uto Siria. Avot ti mo lavatpas, Pol ga lok laxakaape saparap ne Moroa to Senkiria, la ni ga gan pes levengkabinim at lavatlak teren.

Leven Gugu 18:27

Apolos ga doxoma i do ni nat pas uto at lenep silok Grik; kuren la luvuttadi nuunu ro Epesas diga paase aronga i la diga malagan lovoang ti luvuttadi nuunu ro Grik; diga tong i ridi do dina siam ka i ugo. Ni ga rupot, la ni ga lok tooro avukat nedi mo diga nuunu at ne Iesu mi loklok tooro at ne Moroa.

Leven Gugu 21:17

At lovotpot atnama go Jerusalem luvuttadi nuunu diga lok momo aleng minama.

Leven Gugu 21:20

Melemu at levelinga at ne Pol, limixin diga emi asu mi ne Moroa. La diga lok ti ne Pol, “Neton nama. U ven i do, buaang limixin me Judaia di nuunu, la nedi dim tebeng lolos Lenavolo.

Leven Gugu 21:7

Maga sen kaxat boro Taia la uto Potolemas, mo go maga vot pasa luvuttadi nuunu la maga nemen eburu minedi at leges aleng.

Leven Gugu 22:5

Lamaasa gomgo at luvuttadi laplavang la nedi bok luvuttadi amgomgo dikleklen i do nia a paase ruturun. Aga lok ka levelinga loklox axasep boro atdi luvuttadi amgomgo rinedi leme Judaia ro Damasko. Kuren la nia agat pas ugo xusu ana xoxo ka mo limixin la ana lok ka amlong di uto Jerusalem kusu dina xip lumumuat.

Leven Gugu 28:14

Maga long lenget lentaba luvuttadi nuunu mo go la diga sue nama xusu mana nemen eburu minedi at lavanuti aleng. La magak lox amisix i xuren at lavatpas atnama uto Rom.

1 Korin 15:6

La melemu bok neni ga ru asuvos tinedi lavalimo sangaun kobot (500) mi lenep mixin diga nuunu ren. Leventaba atdi digara met pam ketla buaang atnedi move di rooro.

Lisilimet 11:13

La ap mo mun loxonaleng langsangan langne ba vot, la lenep i sepsev asangaun ap mo laraugu xeneng at lemenemen silok ba rem tereve axap; la lavanuti larabin sangsangaun kobot (7000) limixin diba met at nom langne, la nedi limixin diba roo suu ap mo langne diba marat aleng tinotno la diba emi asu mi ne Moroa no vana at laxalibet.

Lisilimet 3:4

Ketla lentaba mun atnimi ro Sadis kopmen di goxo lok laxakapmek. Nedi mo diba sigaara mi levesingsiga bunbun la dinaba emu minia mila nedi mo di epovo rinotno.