Leven Gugu 1:14 - Madak

¹⁴ Digat pot eburu amisik mi lentaba lavakin la ne Maria nenen ne Iesu mi luvutneton ngan loxonbinam tadi xusu dina ngising.

Leven Gugu 1:14 ပူးပေါင်းရင်းမြစ်များ

Metiu 12:46

Iesu move ga paase ri limixin la nenen mi luvutneton diga tu ro xamang, diga vara i do dina epaase min.

Metiu 21:22

Do mi ruuna lunuunu ruturun, ne Moroa naba raba lovoporang ti mo lempanga mi sing tin.”

Metiu 27:55

Buaang lavakin bok mo diga tu vaxalom lixilik la diga reven mo levempanga ga vot. Nedi nom lavakin diga mumu asu ne Iesu boro Galili la digak lok tooro box i.

Lagale Lavavang At Ne Iesu Karisito Mak Ga Malagan I 15:40

Lentaba lavakin mo diga tu ro vaxalom diga reven lanmet at ne Iesu. Levenasen atdi, Maria Magdalene, Maria nenen ne Jems kakalik mi ne Joses la ne Salomi.

Lagale Lavavang At Ne Iesu Karisito Mak Ga Malagan I 16:1

Se laaleng kaala ga xap, Maria Magdalene, Maria nenen ne Jems la ne Salomi diga un kaka laxadan somavak kusu dina lok li i at labantuxu at ne Iesu.

Lagale Lavavang At Ne Iesu Karisito Luk Ga Malagan i 11:13

Keke i do mi bilinga, ketla miklen i do mim taba lempanga nunuan ti laxamdak atnimi. La kerepmo ne Moroa i nemen to vana at laxalibet naba raba Loroonan Kaala tinedi di ngising i!”

Lagale Lavavang At Ne Iesu Karisito Luk Ga Malagan i 18:1

Melemu ne Iesu ga tong na lavapaase poovo ridi kusu ri lox ase di do diba ngising amisik la nemen gat di guta molo.

Lagale Lavavang At Ne Iesu Karisito Luk Ga Malagan i 23:49

Mo limixin digakleklen ne Iesu, eburu mi lavakin no diga mumu ne Iesu boro Galili, diga ru paxalom lixilik kusu dina ven na lempanga.

Lagale Lavavang At Ne Iesu Karisito Luk Ga Malagan i 23:55

Lavakin no diga mumu ne Iesu boro Galili diga emu mi ne Josep la diga ven lamaaut la labantuxu at ne Iesu ne Josep ga li i.

Lagale Lavavang At Ne Iesu Karisito Luk Ga Malagan i 24:10

Mo lavakin diga tong na lempanga ri luvuttadi loklok ka anasa; levenasen atnedi, ne Maria Magdalene, Joana, la ne Maria nenen ne Jakop la lentaba bok.

Lagale Lavavang At Ne Iesu Karisito Luk Ga Malagan i 24:33

La soso mun duga vas kaxat bilong uto Jerusalem, la duga vosiga nedi lasangaun legesara luvuttadi loklok ka anasa digak lox eburu bok mi lentaba.

Lagale Lavavang At Ne Iesu Karisito Luk Ga Malagan i 24:53

La at levenaleng axap diga nemen to at loogu laplavang diga veemi asu mi ne Moroa.

Lagale Lavavang At Ne Iesu Karisito Luk Ga Malagan i 8:20

Lara laradi ga lok ti ne Iesu, “Nenam eburu mi luvutnetam no di tu kamang la di vara i do dina epaase eburu minu.”

Leven Gugu 2:1

At lara laaleng limixin me Judaia diga lok laanan silok, diga tong i do Pentikos; nedi limixin axap diga nuunu diga vot eburu ro at lara loogu.

Leven Gugu 2:42

Diga tupot eburu amisik mi luvuttadi vavang kusu rik lok ka levenanasa at ne Moroa; digak lok levengkitkis buru la levenanan buru la levesingising atdi.

Leven Gugu 2:46

At levenaleng axap digat pot eburu amisik ngan loxonbinam tadi ro xeneng at loogu laplavang la diga anan buru leveluxa atdi ro xolonu, diga anan mo leveluxa eburu mi lumulus la lomomo keneng at lebelen di.

Leven Gugu 6:4

La nema xa maba raba lorooro axap atnema ri lugugu at lisingising la lugugu at lavapaase asu Lagale Lavavang.”

Lovoang At Ne Pol Ti Limixin Nunu to Rom 12:12

Lodoxoma voovo atnemi na umsu mi lomomo. Minak lok atnaasan at levenaleng mi ekip tangarang mi levenmumuat, la mina ngising amisik.

1 Korin 14:13

Ni lavasuun teren la do laradi i paase mi levempapaase vetpes, neni na sing bok ne Moroa ri laramtaba xusu ri soxomus avukat lavasuun ap mo levempapaase vetpes.

Epesas 6:18

Mina lox i na levempanga xeneng at levesingising atnemi, kusu minaba sing ka loklok tooro at ne Moroa. At levenaleng axap mina ngising at leventaangas axap no Loroonan i sasat ase nemi min. La mumu mun na langas, minaba tu lolos la mi noxo subu kot; mina ngising amisik ti limixin at ne Moroa.

Kolosi 4:2

Mina ngising amisik, la levesingising atnimi na ruturun mene nga, la mina tong loklox avukat ti ne Moroa.