Leven Gugu 1:11 - Madak

¹¹ La duga lok, “Luvuttadi me Galili, lai mo mi tu mu i la mia reven upana at lamavangkap? Na ne Iesu, ne Moroa i lam kaka i basinge nimi uto vana, ni nabamlong bok kerekngan tai mo nemi mi ven i, i urut uto vana at laxalibet.”

Leven Gugu 1:11 ပူးပေါင်းရင်းမြစ်များ

Metiu 16:27

Nenia, Laradi Mevana, mo anaba vot mi lisisixam silok at ne Tamak la eburu mi lubungangelo, la ap mo laaleng limixin axap dinaba lok kaka luunun i epovo mi leveloklok diga lox i.

Metiu 16:28

La a tong tuturun i rinimi do lentaba atdi di tu de, di noxo met avot ti lovotpot tarak at laaleng nenia, Laradi Mevana, anaba vot ngan Loorong Silok.”

Metiu 24:30

Ap mo laaleng loklok katling tarak, Laradi Mevana naba vot asuvos to vana at laxalibet, la limixin at levennep axap at na lavatbung menemen dinabak saxaanu. Dinaba ven ia, Laradi Mevana, anaba vot at loxontakabu mi langsangan lololos la lisisixam silok.

Metiu 25:31

La ne Iesu ga lok bok, “Do nenia, Laradi Mevana, ana vot mi lisisixam, eburu mi lubung angelo, nenia anabat kis at loxonin orong tarak mi lisisixam silok boro vana at laxalibet.

Lagale Lavavang At Ne Iesu Karisito Mak Ga Malagan I 13:26

La ap mo levenaleng limixin dinaba ven ia, Laradi Mevana, to vana at loxontakabu. Nenia anaba rupot mi langsangan lololos la lisisixam silok.

Lagale Lavavang At Ne Iesu Karisito Mak Ga Malagan I 14:70

La ne Pita ga sev apkap manga. La melemu lentaba diga tu saparap ne Pita, diga lok tin keretna, “I ruturun, nenu lara atdi mila nenu bok boro Galili.”

Lagale Lavavang At Ne Iesu Karisito Mak Ga Malagan I 16:19

Se Leeme Silok ne Iesu ga vaase axap, Moroa ga lam ka i uto vana at laxalibet la neni ga xis taba ro at lenep at lekngen tino at ne Moroa.

Lagale Lavavang At Ne Iesu Karisito Luk Ga Malagan i 21:27

Ap mo levenaleng limixin diba ven ia, Laradi Mevana, anaba vot at loxontakabu mi langsangan lololos mi lisisixam.

Lagale Lavavang At Ne Iesu Karisito Luk Ga Malagan i 24:5

La diga umsu mi lanmarat, la diga xis tiktikbu mi lempatgulom atdi to xopok at laxangka, la luradi duga lok tidi, “Tila mi puse ri laradi mo i rooro nade at loxot at labarongan?

Lagale Lavavang At Ne Iesu Karisito Jon Ga Malagan I 14:3

Dola anat pas ugo, ana lox agagas tengkot tinimi, la anabamlong bok la ana lam ka nimi ri mo lemenemen nenia ana nemen teren kusu nemi bok miba nemen eburu minia.

Leven Gugu 1:2

se at laaleng ne Moroa ga lam kaka i uto vana at laxalibet. Goxovisi ni goxo urut uto vana la ni ga vaase mi levelinga at Loroonan Kaala rinedi luvuttadi ni ga soxolik ka nedi do luvuttadi vavang teren.

Leven Gugu 1:9

Melemu at na levelinga ren, Moroa ga lam kaka i upana la loxontakabu ga lok pe i basinge levereven atnedi.

Leven Gugu 13:31

la buaang levenaleng neni ga ru asuvos tinedi digat pas eburu min boro Galili la uto Jerusalem. La nedi nom di tong asu levelinga ren ti limixin me Israel.

Leven Gugu 2:7

Diga sangu aleng la diga lok, “Na luvuttadi di paase xeretna nedi boro Galili.

Leven Gugu 3:12

Pita ga ven mo limixin la ga lok tidi, “Leme Israel; lai mo mi sangu ren mumu i na lavanga, la lai mo nemi mi tu la mia reven tooro nama min? Mi doxoma i do ma lox avukat na laradi mi lolos axa atnama xopla at loklok nunuan atnama xusu neni i lox epovo i rit pas?

Leven Gugu 3:21

Ni naba nemen to vana at laxalibet se at laaleng ne Moroa naba lox amaxat lempanga axap, kerekngan neni ga tong asu i mi levelinga at lavaeme vapaase alii ren me gano.

1 Tesalonia 1:10

La di tong i do nemi mit kis tangais ne Nitna, mo naba ravasi boro vana at laxalibet. Moroa ga lox arooro amlong ne Iesu basinge lanmet, la ni naba lox arooro bok dik basinge lebelemamao at ne Moroa, mo naba rupot.

1 Tesalonia 4:16

Ap mo laaleng limixin dinaba ronga luxupkup lolos la laangelo gomgo naba toro, la luru at ne Moroa nabang teng, la Leeme Silok naba si ukopok boro vana at laxalibet. La nedi limixin nuunu diga met pam, dinaba roo xat amlong la dinaba urut avot.

Ibru 9:28

La kerepmo ne Karisito ga met gesara mun ngan laplavang kusu na lox adadat buaang limixin basinge laxakapmek atdi; la neni nabamlong bok sev agepura, kopmen ti met nop loklok atdik, ketla neni naba lox arooro rino nedi dit kis tangais i.

Lisilimet 1:7

Mina ven avukat tin. Neni mo naba vot eburu mi loxontakabu, la larabung mixin axap eburu minedi diga vaxarem i at laxaba, dinaba ven i. La limixin axap at na lavatbung menemen dinaba saxaanu mu bok ba i. La nai naba ravasu ruturun kuren. I ruturun.