Kolosi 2:8 - Madak

⁸ Mina lok tatao avukat nimi kusu teta noxo lox asoogong nimi mi leventetere xaxarang, kopmen tavasuun teren; mo lakleklen i laa boro at leveloklox ase at limixin mun la boro bok at leveloklok mede xopok at na lavatkangka, kopmen boro at ne Karisito.

Kolosi 2:8 ပူးပေါင်းရင်းမြစ်များ

Metiu 10:17

Mina reven avukat, mila lentaba luvuttadi mo diba ranga alis nimi la dina lok ka nimi ri lavapaase; la dibak pixis nimi ro xeneng at laraugu singising atdi.

Metiu 16:6

La ne Iesu ga lok tidi, “Mina lok tatao avukat nimi mumu laiis at lubung Parisi mi lubung Sadiusi.”

Metiu 7:15

La ne Iesu ga lok bok, “Mina lok tatao nemi mumu loklok atnedi lavaeme vapaase alii xaxarang; di vosiga nimi mi levelinga xaxarang la diba tong i do nedi luvuttadi at ne Moroa. Ketla di lok ngan lempatman atat, di siga lempanga singsiga diga lox i mi lengkabinim at levesipsip kusu dina xarang limixin.

Leven Gugu 17:18

Lentaba luvuttadi loklox ase diga tong nedi do Epikurian la Stoik diga etep mi levelinga eburu mi ne Pol. Lentaba diga sue, “Lavanga salai na laradi baulang i lok do na tong asu i?” Lentaba vetpes diga lok, “Ni i paase mumu levenmoroa at lengkot petpes.” Diga tong i na mila Pol ga vavang mumu ne Iesu la laxakatu kaxat amlong teren.

Leven Gugu 17:32

Diga ronga ne Pol ga vaase mumu laxakatu kaxat amlong at lanmet la lentaba atnedi diga lok kalise i; ketla lentaba diga lok, “Ma vara i do mana ronga box u, una vaase amu box i.”

Lovoang At Ne Pol Ti Limixin Nunu to Rom 16:17

Luvutnetak mi luvurinuk, mo nga a sing nemi; minak lok tatao nemi basinge luvuttadi no dik lok do dinak lok levenekarakat, la dik lox antun lunuunu at limixin la nedi no dik lox abulubun leveloklox ase nemi migara lok kaka vam i; minak lok petpes basinge nedi.

1 Korin 10:12

Dola nege go i doxoma i do lunuunu ren mo i tu lolos at lemeren ne Moroa, i lox avukat do ni na lok tatao nunuan i kusu neni noxo subu kot.

1 Korin 8:9

Ketla nemi limixin sepmus mina lok tatao avukat nemi, kusu mo loklok atnemi mumu mo lempanga anan noxo lox asubu lunuunu atnedi xopmen dina lolos.

2 Korin 10:5

Ma sesele utut kepe leventetere xaxarang la levendoxoma silok i lok petpes ti lakleklen at ne Moroa, la ma baba gili levendoxoma axap at limixin kusu dina ronga res at ne Karisito.

Galesia 1:14

La loklok tarak keneng at lotu Judaia ga volo rinotno leventaba diga visik emu nema keneng at lenep Judaia; la nenia aga lolos tinotno xusu ana mumu asu leveloklok at lavalabat atnema.

Galesia 4:3

I lok ngan pam gano nedik ta goxo xasep nunuan at luruturun la dik taga nemen maxopok at Lenavolo eburu mi leventaangas teren nade xopok at na lavatbung menemen.

Galesia 4:9

Ketla amo manga miraklen ne Moroa, i ruturun aleng do ne Moroa iklen nemi; ira lok bok ba mo xereva la miramlong mu manga mo leveloklok la leventaangas gamasa at Lenavolo la mira lok li nimi maxopok teren? Tila la mira vara manga i xusu mina lok ngan lavaanat saxaruki at na laxaloklok?

Galesia 5:15

Ketla do minap tuvuk ngan lempanga mi lavanuet lengkangkedek atdi la minak lox asongot ela axa nemi, mina memek avukat, atla lavanga mina eso reles.

Epesas 2:2

mo ga umsu at lorooro atnimi ap mo levenaleng miga mumu asu leveloklok at na lavatkangka la levelinga at laradi gomgo, ne Satan, ik lok to vana at lamavangkap, la na loroonan kapmek i gugu keneng at limixin tongtonga xepe.

Epesas 4:20

Levenanasa mumu ne Karisito xopmen na lok kuren.

Epesas 5:6

Nemen tara na bala arup nimi ri laxakapmek mi levelinga gamasa mila, do tara na lok nom lempanga la na ronga xepe levelinga at ne Moroa, lebelemamao ren ba vot saparap nom laradi.

Pilipai 3:2

Mina lok tatao avukat nimi atnedi di lok leveloklok kakapmek; di pu soso limixin kusu dina vit kepe levengkontuxu atnedi. Loklok atnedi i lok ngan lubungman.

Kolosi 2:18

Ixok mokso do tara na tong i rinimi do mixo epovo kusu mina lok kaka leveloklox anarong at ne Moroa. Laradi xerepmo i lok poovo i do i lox asi aleng lorooro ren; i nua i do i ruuna laasen silok mila i lotu saparap lubungangelo la mumu bok levesilimet teren, ketla i ruuna loklok papavas la i mumu asu mene lodoxoma kopmen tavasuun teren boro at na lavatkangka.

Kolosi 2:20

I lok ngan ta do nemi miga met eburu mi ne Karisito la miga sepmus basinge mo leventaangas at na lavatkangka. Tila ba nemi mi mumu asu i nom kerekngan limixin mede xopok? Mi mumu asu na levelinga keretna,

Kolosi 2:22

Na levenngas linga i tu katling levempanga gamasa mun la naba xap gamasa mene mila kopmen na laa boro at ne Moroa; nedi boro at lodoxoma at limixin mun.

Kolosi 2:23

Di ven tai mo leventaangas do i ruturun mila nedi di mumu asu i, di lotu amisik, la dik lok poovo i do di lox asi aleng lorooro atdi la dik lox asi aleng labantuxu atdi; ketla mo leventaangas kopmen na lok tooro di kusu dina ke xepe leveloklok kakapmek at labantuxu.

1 Timoti 6:20

Timoti, una lok tatao avukat nom lugugu ne Moroa gara raba vam u min. Una ke xepe levelinga kopmen at ne Moroa, la levelinga rangtangku; leventaba di so asen mo levelinga do “Levelinga at lakleklen;” ketla kopmen nak mokso.

2 Timoti 3:13

Ketla nedi limixin kapmek mi limixin pereven ka dinaba lok kapmek aleng, la diba xarang limixin la limixin petpes diba xarang nedi.

Ibru 13:9

Nemen gat mitang tonga nedi di lox ase nimi mi levenanasa vetpes, mo ba sar asoogong nimi basinge lunuunu atnimi at ne Iesu. I lox avukat do mina lok ka letaba nabalamu eburu mi loklok tooro at ne Moroa xusu mina lox alolos lebelen nimi. La mina ke xepe mo leveloklok at Lenavolo mumu leveluxa salai ri anan la leveluxa salai kopmen ti anan; na loklok noxo lok tooro lorooro atnedi di mumu asu i.

Ibru 3:12

Luvutnetak mi luvurinuk. Mina lok tatao avukat nimi xusu tara atnimi noxo ruuna taxakapmek la loklok ting tonga xepe levelinga at ne Moroa xeneng at lorooro ren, la kerepmo na sok tixirixes kepe ne Moroa, mo i rooro.

1 Pita 1:18

La nemi miklen luunun, ne Moroa ga un kaka amlong nemi min basinge lorooro etaba ga ravasu at lavalabat atnemi. La mo luunun ixo epovo xusu tara na lok kapmex i, ngan lisiliva xopla logol;

2 Pita 3:17

Larapen tangas orong tarak, miraklen pam i do lavaeme loklox ase xaxarang mo naba vot. Kuren la mina lok tatao avukat nimi, kusu mi noxo mu asu laxapmek at limixin dixo mumu asu levelinga at ne Moroa la mina subu bilong basinge lengkot avukat nemi mi tu ren.

2 Jon 1:8

Mina rooro eburu mi loklok tatao, kusu nemi xopmen mi noxo ke aie mo lunuunu atnimi, migara gugu vam tin; la miba ruuna xobot luunun.