Kolosi 2:15 - Madak

¹⁵ La ne Moroa ga volo kepe laxalolos at laxantoonan kapmek la laxanamgomgo xaxarang keneng at lanmet at ne Karisito to at laxaba; neni ga lox asuusu i do dinaba lok kaka lainmangan silok.

Kolosi 2:15 ပူးပေါင်းရင်းမြစ်များ

Sam 68:18

Ni ga lam kaka buaang limixin kokoxo la ga urut eburu midi uto vana at lakaana Saion. Ni ga ruuna ka leventamtaba atdi mo limixin tongtonga xepe diga esev eburu min. Leeme silok ne Moroa naba nemen go.

Metiu 12:29

Do tara i vara na xip pilo xaka lempanga at loogu at taradi lolos, neni na xoxo alis be mo laradi la melemu na xip kaka ba mo lempanga ren.

Lagale Lavavang At Ne Iesu Karisito Luk Ga Malagan i 10:18

La ne Iesu ga vorang i ridi xeretna, “Aga ven lixitkis orong at ne Satan ga xap la ni ga subu soso boro vana at laxalibet ngan lavanga i mam.

Lagale Lavavang At Ne Iesu Karisito Luk Ga Malagan i 11:22

Ket do tara taradi, lololos teren i volo i, na esep eburu min la na sev asi i, neni naba lok ka lempanga esep at nom laradi gak lok tatao loogu ren min, la na epes lempanga salai neni ga xip pilo xaka i.

Lagale Lavavang At Ne Iesu Karisito Jon Ga Malagan I 16:11

Neni naba lox ase di do laaleng ete at ne Moroa naba vot, mila laradi gomgo at na lavatbung menemen, ne Moroa ira lok li vam i at lavapaase la ira li lumumuat mavana ren.

Lagale Lavavang At Ne Iesu Karisito Jon Ga Malagan I 19:30

Iesu ga in mo lavaen la melemu ga lok keretna, “I xap ta.” La lavatlak teren ga riding si la neni ga met.

1 Korin 15:24

La melemu ba, laxavaxap at na lavatbung menemen naba vot; Karisito naba ruuna lololos mavana at levelolos atnedi luvuttadi amgomgo, labaroonan kapmek, la lavaeme silok axap diga sok tixirixes ne Moroa; la neni naba raba avolo ba Linintoo ren ti ne Moroa ne temen.

2 Korin 2:14

Ketla ata tong avukat ti ne Moroa, mo im gomgo amisik tinama at lugugu atnama; anai i lok ngan at lavatpas momo atnema xeneng at ne Karisito ik sak tup mi lavamunepen atnama; la at lekngen nama neni i paase asu Lagale Lavavang at lengkot axap la neni i so misigisigis tinedi dikleklen i.

2 Korin 4:4

Dixo nuunu mila levendomdoma atdi, lomoroa at na lavatbung menemen iram tu kobot pe vam i. La neni i tu kobot pe mo laxasep at Lagale Lavavang kusu noxo soosoo axasep di, mo laxasep i susu boro at lisisixam at ne Karisito, neni lampenaxa at ne Moroa.

Epesas 3:10

Lavavara ren ga lok keretna, neni na lox asuvos lagale lodoxoma ren la mo nga limixin lotu dinap kip ka mo lugugu ti lox asuusu mo lodoxoma ren ti lubung angelo la leventoonan to vana at laxalibet.

Epesas 4:8

I ngan Lovoang Kaala i tong i, “Ap mo laaleng ni gat pas uto vana at laxalibet, ni ga emu ka buaang limixin kokoxo eburu min, la ni ga raba levenasen tamtaba ri limixin teren.” Sam 68:18

Epesas 6:12

Nedik na kopmen ta esep tangarang mi limixin ketla nedik di esep tangarang mi laxampanga lolos at lamain at na lavatbung menemen, nedi lubungangelo xapmek, lubunggas, la luvuttadi amgomgo atdi. La dik ta esep tangarang mi lubungmixin kapmek at ne Satan dik lok to vana at lamavangkap.

Kolosi 1:16

Moroa ga rudum li levempanga xeneng at lolos at lekngen ne Nitna; levempanga axap to vana at laxalibet la de xopok at lavatbung menemen, lempanga dik ta reven di la lempanga dik dixo epovo ta reven di. Ni ga rudum li bok leventoonan eburu mi lubungangelo, la luvuttadi amgomgo atdi la limixin lolos kerepmo dik lok to vana. Moroa ga rudum li nom lempanga axap keneng at lololos at lekngen ne Nitna kusu dina lox aurut laasen at ne Nitna.

Kolosi 2:10

La nemi bok miga lok ka vam nom leveloklok at ne Karisito, neni lamgomgo ri lubung angelo eburu mi limixin lolos atdi.

Ibru 2:14

I ruturun do nedi luvuttadi mun, la kerepmo ne Iesu ga vee radi xusu at lanmet teren neni naba sele utut kepe lololos at ne Satan, mo ik lok limixin kusu dinak marat at lanmet.

Lisilimet 12:9

La ne Mikael eburu mi lubungangelo ren diga lu asi mi mo lavattulaava eburu mi lubungangelo ren. Neni lavattulaava me gaxatnak, luasen teren ne Devel la ne Satan, mo i sasar asoogong limixin axap ti laxapmek; nedi diga lu asi midi ude xopok at na lavatbung menemen.

Lisilimet 20:10

La mo laradi babala arup, ne Satan, Moroa naba lu arup min uto at lemet kao at lasalpa; mo lemet kao lavatpanga sio eburu mi laradi vapaase alii xaxarang dubak lox e, la go nedi lavantun dinaba ruuna ka losongsongot silok at levenaleng kangking la kanimin la kopmen taxavaxap teren.