Kolosi 2:13 - Madak

¹³ Ganoxa leventoonan atnimi ga met, atla migak lok leveloklok kakapmek la mi goxovisi lok kepe lorooro maut, ketla ne Moroa ga sar asu nemi ri lorooro eburu mi ne Karisito. Moroa ga doxoma xepe leveloklok kakapmek axap atdik.

Kolosi 2:13 ပူးပေါင်းရင်းမြစ်များ

Sam 119:50

Uga lox amenemen ia at laaleng aga nemen keneng at losongsongot, mila uga lox epovo laxakaape ram tia la uga lox arooro ia.

Sam 32:1

Nedi, dira sepmus pam basinge laxakapmek atnedi, dina momo. Laxakapmek atnedi ne Moroa ira doxoma xepe vam i.

Sam 71:20

Ugara li vam levenekarakat mi levesongsongot mavana rak, ketla unaba suxa kun ia mi lolos taram; unaba lox asepsu ia basinge lamaut.

Lagale Lavavang At Ne Iesu Karisito Luk Ga Malagan i 15:24

Mila ana lamdak tarak ga met, ketla ira roo xat amlong pam; ga vuktanga, ketla ana nga ara lok ka amlong pam i.’ La diga ru ka leluxa.

Lagale Lavavang At Ne Iesu Karisito Luk Ga Malagan i 15:32

Ketla ata lok leluxa la ata momo, mila netam ga met, ketla ira roo xat amlong pam; neni ga vuktanga, ketla ara vuse ka amlong pam i.”

Lagale Lavavang At Ne Iesu Karisito Luk Ga Malagan i 9:60

Ketla ne Iesu ga vorang i rin keretna, “Una ke nedi limixin kopmen toxot tidi xeneng at Linintoo, dinak mit limixin nedi di met pam. Unat pas at laramenemen la una vavang mi Linintoo at ne Moroa.”

Lagale Lavavang At Ne Iesu Karisito Jon Ga Malagan I 5:21

Tamak ik lox axatu kaxat amlong nedi limixin diga met la im taba nedi mi lorooro; kuren mun la nenia ne Nitna am taba lorooro rinedi, nenia a vara i do ana raba di min.

Lagale Lavavang At Ne Iesu Karisito Jon Ga Malagan I 6:63

Loroonan Kaala im taba limixin mi lorooro; levenuut kusuk mun kopmen na epovo na lok tooro di. Levelinga nenia a vaase vam nimi min, neni levelinga at Loroonan kaala la at lorooro.

Lovoang At Ne Pol Ti Limixin Nunu to Rom 4:17

I ngan Lovoang Kaala i vaase i xeretna, “Ara lok li vam u ngan ne temen limixin keneng at laranep silok buaang.” Lur 17:5 Kuren la na laxakaape naba sorun ngan ne Moroa ga tong alii i la ne Abaram ga nuunu ren. Neni ne Moroa ik lox aroo luvuttadi basinge lanmet la mi levelinga mun teren neni ga rudum li levempanga goxovisi vot.

Lovoang At Ne Pol Ti Limixin Nunu to Rom 6:13

La nemen gat miguta raba tamangkot at labantuxu atnemi ri laxapmek, kusu mina lok levempanga xapmek. Ketla mina raba axa nemi ri ne Moroa, na ngan laradi ga ravasu at lanmet ti lorooro, la mina raba lorooro axap atnemi rin kusu rik lok lugugu i nunuan la ik mokso.

Lovoang At Ne Pol Ti Limixin Nunu to Rom 8:11

Mo do Loroonan at ne Moroa, mo ga lox aroo ne Iesu basinge lanmet, nak lok keneng atnemi, ne Moroa, mo ga lok aroo ne Karisito basinge lanmet, neni naba raba bok labantuxu atnemi mi lorooro, atla Loroonan teren ik lok keneng atnemi.

1 Korin 15:36

Nemi laxampanga rangtangku. Do tara itlo liit panga ro at laxangka, noxo su xat soso do xovisi na mang.

1 Korin 15:45

I lok ngan Lovoang Kaala i tong i do, “Laradi avot ne Adam, ne Moroa ga rudum li i ngan laradi rooro.” Ketla ne Adam mumu pit, neni ne Karisito, im taba lorooro at loroonan kusu ridik.

2 Korin 3:6

La ne Moroa axa ga lox aepovo nama xusu mana tong asu Lagale Lavavang mumu lekabus maxat. Ana lekabus kopmen boro at Lenavolo, ketla boro at Loroonan Kaala. Lenavolo i lox asuusu lanmet, ketla Loroonan im taba lorooro.

2 Korin 5:19

Moroa gak lok mo lugugu ren keneng at ne Karisito, ni ga vaxat buru ka limixin at na lavatbung menemen do tin; la ni goxo doma mu laxakapmek digak lox i. La ni ga raba nema mi levelinga mumu na lugugu ri vaxat buru limixin uto saparap ne Moroa.

Epesas 2:1

Ganoxa nemi miga lok ngan laxampanga met mene, mumu laxakapmek,

Epesas 2:11

Nemi limixin kopmen me Judaia; leme Judaia di so asen nimi do ‘limixin kopmen toloklok katling.’ Nedi di vit kepe lengkontuxu atdi i ngan loklok katling at ne Moroa.

Epesas 5:14

mila lamain kopmen na epovo nak lox eburu mi laxasep. I lok ngan na levelinga, “Nenu laradi mo u vunga, soso una aus. Nenu una aus basinge lanmet la ne Karisito naba raba u mi laxasep.” Ais 26:19

Kolosi 2:12

Se nemi miga lok ka lesep susu, i lok ngan ta do miga vutup at lamaaut eburu mi ne Karisito la ap mo lesep susu bok nemi miga xatu kaxat amlong eburu mi ne Karisito keneng at lunuunu atnimi la lololos at ne Moroa, mo ga lox aroo xat ne Karisito basinge lanmet.

1 Timoti 5:6

Ketla lanaa no im taba amisik labantuxu ren ti loklok kapmek, neni ira met pam, keke i do neni move i rooro.

1 Timoti 6:13

At lemeren ne Moroa, neni im taba lorooro ri levempanga axap, la at lemeren ne Iesu Karisito, mo ga vaase mi luruturun to melamgo at ne Pontias Paelat; a sing lolos u do

Ibru 6:1

Kuren la nemen mitam tebeng mun mo levenanasa miga lok ka avor i, i lox avukat kusu mina lolos ti lok kaka levenanasa at ne Karisito kusu miba ravasu ngan limixin mukun. Mina ke be mo levenanasa avot, i lok keretna, laanasa mumu loklok ti leeng basinge laxakapmek kusu mo laxakapmek noxo lox asuusu lanmet; laanasa mumu lunuunu ri ne Moroa;

Ibru 9:14

Ketla na loklok at lekabus migomgo kopmen na epovo mi mo lavanga ne Karisito ga lox i. At loklok tooro at Loroonan at ne Moroa neni ga raba xa i ri ne Moroa ngan laplavang avolo, goxopmen taxakapmek teren, kusu na lox adadat dik basinge laxakapmek mo ba lox asuusu lanmet. Kerepmo i epovo do ata mu asu lavavara at ne Moroa, mo i rooro.

Jems 2:17

La at na langas bok, mo do lunuunu xusuk ik lok la kopmen teven gugu nunuan nak lox eburu min, mo lunuunu i ngan lavanga gamasa.

Jems 2:20

Mo laradi, neni lavanga baulang. Lunuunu ren i ngan lavanga gamasa mo do i ruuna lunuunu xusuk la kopmen teven gugu nunuan i nemen at lorooro ren.

Jems 2:26

Kuren la mina xasep keretna, labantuxu kopmen toroonan teren, ni ira met pam; la kerepmo bok lunuunu kopmen teven gugu nunuan teren, ni ira met pam.

1 Jon 2:12

Nenia a malagan na lovoang tinemi luvutnuruk orong. Lavasuun teren keretna, Moroa ira doxoma xepe vam laxakapmek atnimi maxeneng at laasen at ne Iesu Karisito.