Kolosi 2:12 - Madak

¹² Se nemi miga lok ka lesep susu, i lok ngan ta do miga vutup at lamaaut eburu mi ne Karisito la ap mo lesep susu bok nemi miga xatu kaxat amlong eburu mi ne Karisito keneng at lunuunu atnimi la lololos at ne Moroa, mo ga lox aroo xat ne Karisito basinge lanmet.

Kolosi 2:12 ပူးပေါင်းရင်းမြစ်များ

Lagale Lavavang At Ne Iesu Karisito Luk Ga Malagan i 17:5

Luvuttadi vavang diga lok ti Leeme Silok keretna, “Una lox asilok lunuunu atnama.”

Leven Gugu 14:27

Duga rupot to Antiok la duga ro bubua limixin axap at lotu, la duga tong asu lempanga ne Moroa ga lox i at levengkikngen du; la duga tong i do ne Moroa ga suang langas ti limixin kopmen di me Judaia xusu dina nuunu.

Leven Gugu 2:24

Ketla ne Moroa ga lox arooro amlong i basinge lololos at lanmet mila kopmen goxo epovo kusu lanmet na ranga alis i.

Leven Gugu 2:32

Moroa ga lox aroo amlong ne Iesu basinge lanmet, la nema na maga ven lorooro amlong teren.

Lovoang At Ne Pol Ti Limixin Nunu to Rom 4:24

Diga malagan box i rinedik do ne Moroa naba siam ka nedik ngan luvuttadi mokmokso, la di nuunu at neni ga lox aroo amlong ne Iesu, Leeme Silok atnedik basinge lanmet.

Lovoang At Ne Pol Ti Limixin Nunu to Rom 7:4

Luvutnetak mi luvurinuk. Nemi bok migak lok kuren. Nemi bok migara met pam eburu mi ne Karisito basinge Lenavolo, atla nemi lengkot at labantuxu at ne Karisito, la amo nga nemi mun teren. Neni ga roo xat amlong at lanmet kusu nedik ataba pisik asu levempipisik nunuan ti ne Moroa.

1 Korin 12:13

Nedik axap limixin, ne Moroa gara suxuna vam dik mi mo legeso Roonan Kaala ren, kuren mun la nedik at legesa bantuxu; mila nedik axap ataga lok ka vam legeso Roonan Kaala ne Moroa ga raba nedik min. Keke i do buaang atnedik limixin, la nedik at levengkot petpes, leventaba at leme Judaia, la leventaba xopmen di me Judaia, la leventaba nedi levenasaxaruki, la leventaba nedi luvuttadi mene xuren.

1 Korin 15:20

Ketla at na levenaleng, na levelinga i ruturun tinotno, Karisito gara roo xat amlong pam at lanmet ngan livipisik avot tinedi dinaba roo xat amlong; la kerepmo maklen tinotno i do mo limixin nuunu diga met pam, dinaba roo xat amlong bok.

Galesia 3:27

Nemi miga sep susu ukeneng at laasen at ne Karisito, la amo nga Moroa ga lok nimi xusu mina vee ngan ne Karisito.

Epesas 2:8

Moroa ga lox arooro nedik maxeneng at letaba nabalamu ren, mo letaba nabalamu ik lok tinedi di nuunu at ne Iesu Karisito. Limixin kopmen dina epovo kusu dina lox arooro nedi xa; ketla mo letaba nabalamu, ni laramtaba boro at ne Moroa.

Epesas 3:17

La at lunuunu atnemi, ne Karisito naba nemen to at lebelen nimi. La a sing ne Moroa do mina umsu mi labalamu kusu lunuunu atnimi na tu lolos, kerekngan levenixe at luuna ing tanga alis laxangka la luuna ira tu lolos;

Epesas 3:7

Moroa ga lok li ia ngan lasaxaruki ren ti paase asu Lagale Lavavang; na lugugu i ngan letaba nabalamu ria, mo ga ravasu at lololos teren, la i lox alolos ia at na lugugu.

Epesas 4:5

la leges Eme Silok, legesa nuunu la legesa sep susu;

Epesas 5:14

mila lamain kopmen na epovo nak lox eburu mi laxasep. I lok ngan na levelinga, “Nenu laradi mo u vunga, soso una aus. Nenu una aus basinge lanmet la ne Karisito naba raba u mi laxasep.” Ais 26:19

Pilipai 1:29

Moroa ga raba nimi mi lugugu at ne Karisito, kopmen do at lunuunu xusuk ketla minaba ekip tangarang bok mi losongsongot.

Kolosi 1:29

Ti lox empana na lugugu, nenia a gugu lolos, mi nom lololos ne Karisito i vetaba min tia la i gugu keneng tarak.

Kolosi 2:13

Ganoxa leventoonan atnimi ga met, atla migak lok leveloklok kakapmek la mi goxovisi lok kepe lorooro maut, ketla ne Moroa ga sar asu nemi ri lorooro eburu mi ne Karisito. Moroa ga doxoma xepe leveloklok kakapmek axap atdik.

Ibru 12:2

Lodoxoma atnimi na tu atkatla at ne Iesu, neni lavasuun la lurutu kaxat at lunuunu atdik. Neni ga siam ka laxasongsongot la lainmangan at laxaba mila ni ga doma mun mo lomomo neni naba ruuna ka i; la na nga neni it kis at lenep tino at loxonin orong at ne Moroa.

Ibru 6:2

laanasa ri lesep susu; laanasa ri loklok ti sa li levengkikngen mavana at teventaba rik lox anarong di; laanasa ri laxakatu kaxat basinge lanmet; la laanasa ri lugugu at ne Moroa ngan laradi rongtonga linga at laaleng ete.

1 Pita 3:21

la ga lok ngan neni lampoovo at lesep susu, ana nga nemi bok mi roo suu ren. Ni xopmen do rit gos kepe laxakapmek at labantuxu, ketla neni laxakaape mi lox i ri ne Moroa mi lodoxoma avukat. La neni na i lox aroo nemi mumu mun lorooro xat amlong at ne Iesu Karisito,