Kolosi 2:11 - Madak

¹¹ Nemi miga lok ka loklok katling at ne Karisito, kopmen mo loklok katling ua limixin di rivit kepe lengkontuxu at laxamdak lixilik atdi, ketla mo loklok katling at ne Karisito i ngan mira lok kepe vam lorooro maut mumu mun lugugu at ne Karisito.

Kolosi 2:11 ပူးပေါင်းရင်းမြစ်များ

Lovoang At Ne Pol Ti Limixin Nunu to Rom 2:29

Ketla laradi ruturun me Judaia ni i ruuna lorooro maxat keneng teren, la diga vit katling loroonan teren, la nai ni lugugu at Loroonan Kaala at ne Moroa, kopmen at Lenavolo diga malagan i. Laradi xerepmo i lok kaka leemi asu ren boro at ne Moroa, la kopmen at limixin.

Pilipai 3:3

Nedik na digara ruuna ka vam loklok katling tuturun at ne Moroa la nedik di lotu saparap ne Moroa keneng at Loroonan Kaala la nedik di momo xeneng at lixitkis atdik eburu mi ne Iesu Karisito. Nedik kopmen tana nuunu do mo loklok ti rivit kepe lengkontuxu la leveloklok kerepmo at leme Judaia ba lok tooro dik.

Epesas 4:22

Miga lox ase kusu mina lok kepe lorooro maut mo gak lok at lorooro atnimi ganoxa, la lodomdoma ri laxakapmek gara lok kapmex i.

Lovoang At Ne Pol Ti Limixin Nunu to Rom 6:6

La nedik taklen i na, lorooro maut atnedik gara met pam eburu mi ne Karisito ro vana at laxaba, kusu ri sele utut lololos at laxakapmek atnedik getgesara, la kusu nedik ata xok lok at loxokoxo at laxapmek,

Galesia 5:24

La nedi limixin at ne Iesu Karisito, digara ke xepe vam lorooro maut la levendoxoma xapmek eburu mi lavavara at labantuxu atnedi.

Galesia 2:20

I lok ngan ta do diga vaxarem ia eburu mi ne Karisito ro at laxaba; la kopmen nenia xa na a rooro, ketla ne Karisito axa na i rooro xeneng tarak. La lorooro nenia ak lok keneng teren, ni lorooro mi lunuunu keneng at ne Nitna ne Moroa, la neni ga balamu ia la ga raba lorooro ren kusu na uu nop loklok tarak.

2 Korin 5:17

Do tara i nuunu at ne Karisito, neni i ngan laradi maxat at loroonan teren; levempanga xapmek at lorooro maut ira xap pam, la lorooro maxat mo ira vot ta.

Ibru 9:24

Karisito goxo lok lugugu ren to xeneng at loxot kaala limixin diga lox i; mo loxot ni lampoovo mun ap mo loxot tuturun no vana at laxalibet. Ketla neni ga vubeles to vana at laxalibet kusu na tu ro at lemeren ne Moroa la na ngising i ri lok tooro dik.

Ibru 9:11

Ketla ne Karisito ga vot ngan Lamaasa Avolo xusu na lox agagas leveloklox anarong at lekabus maxat, ne Moroa im taba limixin teren min. Neni xopmen goxo vubeles at loogu kadis mede xopok, ketla neni ga vubeles uto xeneng at loxot i xaala aleng la i lox avukat aleng no vana at laxalibet, mo loxot limixin kopmen di goxo lox i mi levengkikngen di. Lavasuun at na do mo loxot kopmen nak lok de at na lavatbung menemen la ixo epovo nedik ataba ven i mi levengkatli atdik.

2 Korin 5:1

Dik atakleklen i do lorooro atdik at na labantuxu noxo nemen abao, ba lok ngan mun loogu xukuxut. Mo do ira rem utut pam, nedik di ruuna lara loogu ro vana at laxalibet ne Moroa ga gagas li vam i ridik la naba tu amisik. Mo loogu limixin di goxo lok i mi levengkikngen di.

Leven Gugu 17:24

Moroa ga rudum li lavatbung menemen axap la lempanga axap maxeneng teren; ni Lamgomgo at laxalibet la laxangka, la ni xopmen na nemen at laraugu lotu limixin di lox i.

Leven Gugu 7:48

Ketla ne Moroa neni i lolos la i silok, kopmen na nemen at leven gu limixin dip kiv i; i lok ngan leeme vapaase alii ga tong i xeretna,

Lagale Lavavang At Ne Iesu Karisito Luk Ga Malagan i 2:21

At laaleng sepsev avanuan melemu at livipisik at ne Iesu, nedu lenasun duga lok ka ne Iesu xusu dina vit kepe loxontuxu ren; la diga so asen i mi ne Iesu, no laasen laangelo gara so asen avot pam i min ap mo loxonaleng nenen goxovisi renan min.

Lagale Lavavang At Ne Iesu Karisito Mak Ga Malagan I 14:58

“Maga ronga levelinga ren keretna, ‘Nenia anaba sele utut kepe na loogu laplavang, no luvuttadi diga vaxaru i; la keneng at lavantun aleng nenia anaba vaxaru kaxat bok tara, luvuttadi di noxo gugu i.”

Lovoang At Ne Pol Ti Limixin Nunu to Rom 7:24

Lainbulu silok ik lok tarak, atla nege naba lok kepe ia basinge na labantuxu im lam kaka ia ri lanmet?

Kolosi 3:5

Kuren la mina lok kepe leveloklok kakapmek i nemen atnemi, kerekngan loklok kakapmek maxamang at lixitkis epot, loklok kakapmek at labantuxu, lodoxoma liplivi tik lok laxakapmek, lavavara rik lok laxakapmek, la loklok ti belegaao, mo i lok ngan nom loklok ti lotu parap levempoovo moroa.