Lagale Lavavang At Ne Iesu Karisito Jon Ga Malagan I 8:46 - Madak

⁴⁶ Kopmen tara atnimi i epovo na lox asuusu i do nenia aga bixurun mi laxakapmek. Dola a paase ruturun, tila ba mi xopara na nuunu rak?

Lagale Lavavang At Ne Iesu Karisito Jon Ga Malagan I 8:46 ပူးပေါင်းရင်းမြစ်များ

Metiu 21:25

Lesep susu at ne Jon ga laa meva, boro at ne Moroa kopla boro mun at limixin?” La diga epaase xantubu atdi, la diga lok, “Mo do ata lok ‘Boro at ne Moroa,’ neni naba lok tidik keretna, ‘Tila ba mi goxo nuunu at levelinga at ne Jon?’

Lagale Lavavang At Ne Iesu Karisito Mak Ga Malagan I 11:31

La diga epaase xantubu atdi xeretna, “Mo do ata lok do, ‘Boro at ne Moroa,’ neni naba lok tidik keretna, ‘Tila ba mi goxo nuunu at levelinga at ne Jon?’

Lagale Lavavang At Ne Iesu Karisito Jon Ga Malagan I 14:30

Anoxo vaase babaalom eburu bok minimi mila laradi gomgo at na lavatbung menemen monga na vot. Kopmen tololos teren mavana rak.

Lagale Lavavang At Ne Iesu Karisito Jon Ga Malagan I 15:10

Do mina ronga res at levelinga rak, miba nemen keneng at labalamu rak, kerekngan mun nia agang tonga res at levelinga at ne Tamak la aga nemen keneng at labalamu ren.

Lagale Lavavang At Ne Iesu Karisito Jon Ga Malagan I 16:8

La do neni na vot, neni naba lox ase limixin at na lavatbung menemen do nedi di umsu mi laxakapmek la kopmen tomokmokso na nemen keneng atdi, la at laaleng ete, ne Moroa naba ronga linga at limixin axap.

Lagale Lavavang At Ne Iesu Karisito Jon Ga Malagan I 18:37

La ne Paelat ga sue, “Kereva, nenu loorong silok?” Iesu ga vorang i rin keretna, “I ruturun do nenia loorong silok. Lavasuun at lovotpot tarak ti na lavatbung menemen i lok keretna; ana tong asu luruturun. Do luruturun ik lok at tara, neni ing tonga ia.”

Lagale Lavavang At Ne Iesu Karisito Jon Ga Malagan I 8:47

Laradi i laa boro at ne Moroa, neni nang tonga levelinga at ne Moroa. Nemi xopmen boro at ne Moroa, mila kopmen minang tonga levelinga ren.”

Lagale Lavavang At Ne Iesu Karisito Jon Ga Malagan I 8:7

Diga tu go la diga susue ne Iesu mi levesusue, la neni ga ru urut akmokso upana la ga lok tidi, “Do tara atnimi goxovisi lok taxapmek, neni na lok ka tuat la na lu avot na latkin.”

2 Korin 5:21

Karisito neni xopmen taxakapmek teren, ketla ti lununuan tidik, Moroa ga lox i ga xip tutu mi laxakapmek atdik, kusu keneng teren ataba ravasu ngan limixin mokmokso at ne Moroa.

Ibru 4:15

Mo Lamaasa Avolo atdik, neni i epovo na suma rooro dik at leveloklok tong pen mila neni ga suma bok laxaloklok tong pen ngan dik, ketla neni xopmen goxo lok taxakapmek.

Ibru 7:26

Lamaasa gomgo xerepmo i lox epovo lavakpakes atdik; luruptuvuk teren i nunuan axap, neni xopmen goxo ronga xepe levelinga at ne Moroa, goxopmen taxakapmek gak lok teren. Ap mo levenaleng neni ga nemen de at na lavatbung menemen neni goxo vubeles ti laxakapmek eburu mi limixin kapmek; la melemu ne Moroa ga lox asilox i ro vana at laxalibet.

1 Pita 2:22

“Neni goxo lok bok tekakapmek, la teta goxo ronga asu bok tekaxarang ga ravasu at lungusno ren.” Ais 53:9